دقت على سامي تنتظره يرد
رد عليها ونطق: الو؟
ابتسمت من رد وقالت: سامي اخوي حبيبي شرايك نروح نجيب اكل؟ انت تعرفني ماحب اللحم وابي مطعم يسدني لليل ونمر البقاله نجيب سناكات؟ شرايييييك
كان يناظرهم وهم ينتظرونه يخلص المكالمه وقال بربكه من انظارهم : مي شوي شوي اكلمك باي
نطق رامي وهو يقلده: بباييي ، ولد استرجل وش اللي باي؟
طالع فيه خالد وقال: محسسني انت رجال ذحين فك الولد من شرك
تأفف رامي ولف خالد على سامي وقال: يولد معليك منه هو يدور المشاكل
نظار رامي بحده وكمل: من زمان ماتصفق
ضحك سامي ونطق: عادي يولد ماشيل بخاطري ابد صدري وسيع
خالد قام وقاله: تعال معي ننقي لكم ذبيحه
قام سامي وقال :تم انطلقنا
كانت منسدحه حاطه جوالها على صدرها تفكر بكل شي صار هنا من جيتهم من عزام الي للحين ماكانت عارفه اسمه قطع تفكيرها صوت ابوها وهو يقول : مي عيون ابوك قومي
قامت وجلست ونطقت: هلا بابا
قالها: انتم ذحين بتروحون تسلمون على عماتك وبناتهم وعمانك وجدانك البسو طيب؟
هزت راسها بالاجابه وطلع هو يتكي مع الشيبان
جلس صامل بين عبدالله والشيبه ونطق: والله ووسواها ولدك يا عبدالله طلقها!
سكت عبدالله واخذ نفس ونطق: ماحصل بينهم نصيب الله يصلح اللي اجبرهم
رفع حواجبه وفهم مقصده ولف على ابوه : يبه كيف حالك
لف عليه ونطق الشيبه وقال: هاااااه! ماسمعك يوليدي ماسمع ارفع صوتك
رفع صوته صامل وقال:كيف حااااالك يبه
لف عليه مسعد وضربه على كتفه وقال: ناديي ويششش!!!
قرب صامل عند اذنه وقال: حالك حالك يبه
ابتسم مسعد وقال: الحمدلله اثاريك تسأل عن حالي وانا احسب تسأل عن نادي مادري وادي
نطق صامل وقال: الله يصلحك يبه وش جاب حالك لنادي
ماسمعه مسعد وصامل سكت ولف على اخوه ماجد وقال: ماااجد اخوي كيف حالك
لف عليه ماجد ونطق: الحمدلله انت كيفك وكيف سامي وكيف البكر
سأل عن البكر مي لانهم يعرفون غلاتها عنده
ابتسم من جابو سيرتها وقال: الكل بخير والبكر دامها بخير انا بخير انت كيف حال نايف وش عنده وش ماعنده
تكى ماجد على المتكى اللي جمبه ونطق: ماعنده خلاف صار عسكري ويداوم هذي علومه
ماجد مايحب ولا يواطي صامل ابداً من وهم صغار وهو مايطيقه
كملوا سوالف وحكي رجال
مي بعد ماتكشخت وجهزت قررت تطلع تشم هوا اول ماوقفت على الباب تلبس عبايتها وطرحتها وقفت من شافت مها تناديها: مي مي
وين رايحه؟
مي ردت وهي تحط الطرحه على شعرها: بطلع اتنفس شوي احسني مخنوقه بذا البيت
مها زمت شفتيها وقالت: حسافه انا ماخلصت كشخه للحين،، انتبهي ترا الدنيا ترش برا لايخرب ميكابك
هزت مي راسها بالاجابه ومشت
طلعت تتمشى مع الجو ذا وقطرات المطر تصب عليها وقفها واحد ماتعرفه وقال : وش هالجمااااال يبوي ، انا رامي وانتي؟؟؟
طالعت فيه بتقزز وجت بتمشي الا هو يمسك ذراعها ويوقفها ويقول: انا اتكلم معك تردين علي!
حاولت تفلت يدها منه وهي تقول: اتركنننني اتركني والله اصيح اتركني
غمضت عيونها بقوه وهي تحاول تبعد يده
سرعان مافتحت عيونها بعد ماسمعت صوت شخص يطيح
لفت لقت عزام ضارب رامي
لف عليها عزام وقال: جاك شي!!؟
رامي طالع فيه وهو بالارض: ولد عزام خيررر ليه تضرب
لفت على عزام من عرفت اسمه ونطقت بصوت خافت: عزام؟
لف لها وهو معصب وقال :لبيه؟
ماحس على نفسه متعود على ذي الكلمه
استوعب وش قال ومسكها مع كفها بقوه يسحبها للحظيره
هي تحاول تبعده وهم يمشون ونطقت: عزااااام فكني اتركني!!!!!
عزام وقف ولف عليها وهو يشد على كتفها : اسمعي بدخلك هنا وبتسكتين فاهمه!!! ان سمعتك تصيحين انه شرك
هي خافت من تهديده وناظرت بالحظيره وخافت اكثر خافت يسوي لها شي
شاف الخوف بعيونها اللي ماشال عينه عنها من ساعت ماجات وصد عنها ونطق وقال:ماني مسوي لك شي ريحي
سحبها ورماها داخل الحظيره وقبل لايدخل ويسكر الباب اشر لنايف اللي واقف ينتظرهم من بعيد هز راسه نايف بالاجابه
ودخل وسكر باب الحظيره اللي ظلم على طول
وقفت مي بخوف ورجفه وقالت: عزام تكفى انا عندي فوبيا وينك تكفى لاتتركني عزااااممم
ماحست الا بيدين تمسك يدينها وقرب عزام منها وقال اسكتي مابيجيك شي طيب؟
انفاسهم تختلط بأنفاس بعض تحس بنفسه الحار اللي يشيط غضب وحقد وهو يحس بنفسها البارد اللي كان ينقطع ويرجع من الخوف
كانوا قريبين كانت قريبه منه وهو قريب منها كان قلبه يدق بقوه ويسرعه وهو صاد يناظر باب المزرعه
انفتح باب المزرعه بقوه وفجأه لف عليها وهي ماحست الا بوجهه لاصق بوجهها باسها ،، ويدينه تحاوط خصرها تقربها منه
بارت5
Magsimula sa umpisa
