احتريتك من بين كل البشر وسميتك عشقي وفرحة سنيني

41

"بسم الله الرحمن الرحيم "
•
•
•
أمسكتُ يداكِ فاستصعبتُ إفلاتُها .
"في بيت ابو نواف "
عند نواف اللي جالس بغرفته وهو يدخن ويتفرج على جوالها وفجأة سمع ضحكه وقدر يميز صحبتها وهو يشفط بقوه من سيجارته وفز واقف وهو يتجهه للباب وفتحه وانصدمو روان وترف وراما بوجود نواف اللي ما ناظر باحد غير ترف وسحبها من يدها وقفل الباب بقوه
روان بصدمه : وش اللي صار !!!
راما اللي ما تفرق عنها بالصدمه : مدري ! بس امشي لا يذبحنا وسحبتها للغرفه وروان اللي رافضه كيف تترك اختها لوحدها مع نواف !!
راما : تكفين مقدر اتكلم مع نواف لان اخلاقه ذي الفتره زي الزفت وربي
• عند نواف وترف •
ترف اللي نفضت يدها من يده بقوه بس كان متمسك فيها باقوى ما عنده ونفذ دخانه بوجهها وحكت بقوه : وجععع ان شاء الله و شتبي منييي !!!
نواف : قلت لك وش ابي بس انتي تعاندين
ترف : جاك ردي بس انت مستمر بعنادك مو انا اللي اعاند
نواف : ليه تحاولين تتكبرين وانتي واضح عليك الاعجاب ؟
ترف بصدمه : معجبه ! ومين انت !!!
نواف تقدم منها : ااايه انا بس تكابرين ومصيري بكسر لك كبريائك
ترف بعصبيه : تخسي ولا تظن اني بلحق وراك
نواف حاصرها على الجدر وهمس لها بحده : وش لي لو خليتك تلحقين وراي !
ترف : مالك شي لان مراح يصير اللي تقوله
نواف مسك يدها بقوه : ترف اتركي عنادك وخلينا نرجع حبايب
ترف : من متى كنا حبايب عشان نرجع !! انا قلت لك مراح اقبل فيك ولو تسوي اللي تسويه
نواف اقترب منها اكثر من قبل وهو يثبتها بسبب مقاومتها : قسم بالله يا ترف لخليك تجيني انتي تعترفين بنفسك بانك تحبيني
ترف بغضب : على وش شايفين نفسكم يا عيال ناصر مافيكم شي زايد عننا !!!
نواف بابتسامة : واثقين من انفسنا وانا واثق بان محد بياخذك غيري وباس نحرها تاركها تتجمد ابتسم باتساع وهو يشوف رد فعلها وقرب من اذنها يهمس : هاه وش بلاك متجمده ؟ وين البنت الشرسه اللي بتذبحني من اول لمسه ؟
ترف بتلعثم : ا .. ابـ عـد عنييي
نواف ضحك بقوه وحضنها بقوه وهو يهمس : تصدقين اني توي اضحك من يوم رفضتيني وانا حالي مايعلم فيه الا الله
ترف بدت تتنفس بثقل من التوتر : طيب وخر عني
نواف تنهد وبعد عنها : لهدرجه ما تحبيني ؟؟
ترف رق قلبها من نبرته اللي تحس فيها كسر : انت اللي اجبرتني على كرهك
نواف : وش سويت لك يشهد الله اني ما غلطت عليك
ترف : مابي اتكلم بذا الموضوع بمشي انا واتجهت للباب بتطلع وقاطعها نبرت نواف : بكرة ملكتي واتمنى تكونين اول الحاضرين تشوفين عروستي
ترف انصدمت ولفت عليه : هاه !!
نواف : اتوقع سمعتيني
ترف ناظرته بعيون مصدومه تحسبه يمزح هي واثقه من كلامه بانه مستحيل يشوف غيرها وبلعت ريقها وهب تطلع من غرفته وهي تدخل غرفه راما اللي استلمتها هي وروان اساله وكانت بحالة صمت غريبه
ابتسم نواف بخفه وهو يجلس على سريره
.
•فلاش باك لحدث ماهر•
بالمركز اللي موجود فيه ماهر كان معه معاذ والجازي لان فيه اوارق رسميه تتطلب بصمات الجازي وشهادتها ولمن خلصو من الاجراءات طلعو معاذ والجازي ولحقهم ماهر وركب معاذ سيارته وماهر كذلك
تنهدت الجازي : وربي طفشت متى بيمسكونه !!!
معاذ : باذن الله قريب
وماهر اللي صعد توه لسيارته بس وقف وهو يخلع سترة البدله ويفرك راسه بالم
وينحني للركبو لسيارته وبيشغلها ويستوقفه وقوف سيارة بعيده عنه بقليل وخروج راكان منها وهو يصارخ بقوه : ممممممااااهههههررررر انزززللللللل
كان معاذ بيمشي بس وقف على صوت راكان واستغرب وش فيه ؟ وقف سيارته وبدت تلتفت الجازي بخوف وقلق : معاذ وشفيه ؟؟؟
معاذ : مدري ونزل وانصدم بروية راكان اللي دفع ماهر ولكن سرعان ما تفرجت السياره امام انظاره وجميع العسكر خرجو من المركز وهم يتصلون بالدفاع المدني معاذ حس رجوله مهي قادره تشيله من هول المنظر
نزلت الجازي وهي تصارخ : لاااااااااااااا
معاذ حس بعجز رجوله امام الحادثه اللي حصلت معه ماوده يقرب ويشوف صدمة حياته قدامه كان يسمع بكاء وصراخ الجازي بس بشكل مشوش
بعيد عن مكان الانفجار كان حامد يضحك بانتصار كيف انه قدر يحقق مخططه اللي من فتره يدرسه ومشى وهو يصفر ويغني : باقي يالجازي بتشوفين موتت اخوك قدامك عشان يفضى لي الجو وضحك بشر وركب سيارته ومشى وهو كان متنكر
جات سيارات الاسعاف والشرطه والدفاع المدني وهم يشرفون على الحادثه
ماهر اللي كان مستلقي وفوقه راكان المغمي عليه وهو يكح بكتمه والم واسرعو رجال الاطفاء وهم يرفعون راكان ويحملونه لسيارة الاسعاف وكذلك ماهر اللي سحبوه بعيد عن النيران وكان وهو بين تعبه يلمح الجازي اللي تبكي وتناظر له ومعاذ اللي صحى على نفسه واسرع لماهر يتطمن عليه
ماهر وهو يكح بقوه وبتعب : راكان وينه !!
رجل الاطفاء : موجود وبخير بس ارتاح والمسعفين استلمو ماهر وهم يركبونه لسيارة الاسعاف ويضعون له الاكسجين ويدارون وضعه ومعاذ اللي مسك راسه من هول اللي صار وبشكل مفاجئ!! واسرع يهدي بالجازي ويركبون السياره وهم يلحقون سيارات الاسعاف
بسيارة الاسعاف الموجود فيها راكان كانو مركبين له الاكسجين واسلاك نبضات القلب وفجاة اعتلى صوت توقف قلب راكان واسوعو المسعفين ينعشونه
.
بييت الجده منيره بعد ما صلو الكل التراويح الكل اجتمع عند الجده منيره يتقهون وكل وحده من حريم ولدها جايبه ثلاجة قهوه وصينيه حلا وكان البيت حياة بصوت سواليف البنات والحريم والكل سعيد بمناسبة طيف بانها راح ينكتب كتابها قريب
شهد بضحك : عاد يا طيوف انا ما اتخيلك وانتي منزفه
طيف ضحكت وهي تضربها : وجعع وليش ان شاء الله!!!
شهد : احس بتطحين على طول
البنات : هههههههههههههههه
ريما : اااهخخ اي والله وخذلك البلشه
روان فزت واقفه تسوي حركات بهلوانيه : مشية طيف بعرسها
البنات : هههههههههههههههههه
طيف بتكشيره وهي تكش عليهم : هين والله لردها لك
يارا : طيوف كيف وافقتي وهو عنده ولد يعني راضيه ولا مجبوره فيه ؟؟
طيف ابتسمت وهي تتذكر هتان ونظراته وحركاته البريئه : لا والله بالعكس راضيه تخيلو بس مرتين قابلت هتان ولده وتعلق فيني وتعلقت فيه
ريم : الله حسيتك ام وانتي باقي ما صرتي ام
طيف بابتسامة : بكون ام لهتان
ريما : طيوف ابوي اجبرك ؟
طيف : لا والله صح امي لحت علي بس انا من نفسي كنت مرتاحه
شهد : الله يوفقك يارب
طيف : امين يارب
راما : ماشاءالله ذي السنه كلها زواجات
روان : اي والله ماشاءالله باقي حنا حزب العزابيه
ريم ضحكت : ويازينه من حزب
ريما : كنت اقول كذا لين تزوجت وتنهدت بابتسامة وصارخو البنات بحماس : اوووووووه
وضحكت ريما : بس كيف وانا ادخلكم جو معي
شهد : خطططيييرررره
طيف بضحك : الا يا ريما مافي نونو منا ولا منا !!
ريما شهقت : لا بسم الله علي مابي الحين
ريم : ورجالك عادي عنده ؟
ريما ابتسمت : طبعًا معاذ موافق بس اخاف يغير رايه
راما : والله احس لازم تخافين منه لان الرياجيل مامنهم امان
روان : ادعسسس يالخبيره
راما ضحكت : لا بس معروفين يعني
.
•بالمستشفى •
اخذو الدكاتره ماهر يعقمون ويداون الجروح اللي فيه وهو فاقد الوعي بسبب التهاب الرئه وكان سببه الرئيسي دخان الحريق وكسر بيده
وراكان اللي دخلوه بشكل عاجل لغرفة العمليات بسبب سقوطه القوي سبب له كسور بالصدر ورضوض بانحاء باقي جسمه
ومعاذ اللي واقف برا غرفة ماهر والجازي اللي تبكي بخفوت من تكرار عقلها للحادثه هذي كانت ثاني حادثه تشهدها لماهر
اقتربو سلمان وسامي اللي يتناقشون بجديه لمعاذ اللي اتجهه لهم : وش صار وش سبب الانفجار ؟؟
سامي : صار بفعلة فاعل ابدا مو حادثه
معاذ بصدمه : كيف يعني
سلمان : يعني لقينا قنبله سببة كل ذا الانفجار ولقينا مشاهد من الكاميرات المراقبه لشخص متنكر يزرعها بقلب السياره وهو اللي متحكم فيها
معاذ : وليه راكان جاء يركض ؟
سامي تنهد بقهر : جانا بلاغ من زملاء لنا بان فيه شخص يراقب ماهر من كم يوم وكانت فيه حركات مريبه قريبه من سيارة راكان واكتشفنا باخر لحظه بان فيه شخص زرع قنبله قرب مركز الشرطه بس ما كنا ندري ايت سياره
ولكن راكان قال حامد
معاذ صفق يده بيده الثانيه بقهر : اااكييييد هو ما يبالها تفكير
سلمان بجديه : رجال الامن شغالين على قدم وساق عشان نمسكه باذن الله بنلقاه
معاذ بقهر : متى متى كم لنا انتم تلاحقونه ولا لقيتوه الكلب مدري وين مختفي
مسح سامي وجهه وهو قلقان على راكان : قريب قريب بس ما اتصلتو على ابو نواف وابو ماهر ؟؟؟
معاذ بحسره : ما قدرت افاتحهم بالموضوع
سامي : بكلم عمي ابو نواف لازم يكون عندهم خبر
وفعلا رفع سامي جواله برقم نواف وهو متوتر من رد الفعل وجاها صوت نواف المرحب : يا هلا ومرحبا
سامي : وينك فيه ؟؟
نواف استغرب من نبرته : موجود بالبيت ليه ؟؟؟
سامي مسح وجهه بتعب : يمديك تجي مع عمي ناصر للمستشفى
فز واقف نواف وهو يحس بشي غلط : عسى ما شر فيك شي ؟؟
سامي : لا مافيني شي بس صارت حادثه وراكان تعبان
نواف بفجعه : هاااااااه راكان وينههههه !!!
سامي : هديي يا نواف ابيك تسمعني زين الحين هو بالعمليات وان شاء الله بيصير زين بس تعال انت وعمي وريان وماهر بعد تعبان
نواف بصراخ : سااممييي وينكم انتمممم
سامي بتوتر من رد فعل نواف : بمستشفى *** وقفل نواف ونزل وهو ينادي على امه وابوه ولا من مجيب واسرع لبيت الشعر وهو يركض ورافع ثوبه والخوف ياكل قلبه اكل واول ما دخل وهو ينطق : ررراااكاااننن وماهر بالمستشفى فز ابو ماهر وخلفه ابو نواف بفجعه والكل فز بخوف من اللي نطقه نواف
ابو ماهر بفجعه وخوف : وووششش علامهممم تكلمممم
نواف : مدريي كلمني سامي اخو متعب يعلمني
الجد سعود : بسرعه مشينا على المستشفى
وركب نواف بسيارته ومعه ابوه وعمه ابو ماهر وجده
وماجد لحقهم بسيارته ومعه ريان وابو خالد
.
الجازي اللي كانت تستمع لحديث سامي وسلمان ومعاذ وهي تغطي وجهها وتبكي بحرقه ماودها تسمع شي زياده كل شي يصير مع ماهر بسببها هي ولدت مع المشاكل والحوادث من ولدت ما عاشت براحه تحس بخنقه وبدت تاخذ انفاسها بصعوبه خرج الدكتور المشرف على حالة ماهر وفزو له معاذ وسامي وسلمان ونطق معاذ بخوف : هااااه يا دكتور بشرنا
الدكتور : الحمدالله هو بخير وصحته بخير ولكن عنده كسر بيده والتهاب بالرئه بسبب استنشاقه لكميه كبيره من الدخان بس ان شاء الله بيقوم بعد شويه ويمديكم تدخلون عنده
سلمان : يعطيك الف عافيه
الدكتور : الله يعافيك اي استفسار ثاني ؟؟
سامي : اايه المريض راكان كيف وضعه ؟؟
الدكتور باسف : ماعندي اي خبر عنه لاني مو مشرف على حالته ولكن اسالو الدكتور تركي
معاذ : طيب شكرا
الدكتور : العفو
معاذ اتجه للجازي : يمديك تنتظرين هنا بنروح نتطمن على راكان ونجي
الجازي : طيب عادي روح
معاذ مشى معه سامي وسلمان متجهين لقسم الجراحه
والجازي اللي كانت تلتفت كل شوي وقامت وهي متردده بس قلقها غلب عليها وهي تمد يدها لباب غرفة ماهر ودخلت وهي تغلق الباب خلفها وتتقدم ببطىء وهي تشوف يده مجبره والاكسجين موضوع على انفه حطت يدها على فمها وهي تبكي وتتقدم له وبهمس : انا اسفه كله مني انا السبب تكفى سامحني
ومن شدة حزنها على وضعه غطت يدينها على وجهها وهي تبكي بحرقه على حاله اللي يقطع القلب فتح ماهر عيونه ببطىء وهو يسمع صوت بكاء خافت بجانبه ولف راسه بخفه وهو يشوف اللي مغطيه وجهها وتبكي بحسره رفع يده بتعب وهو يشيل مكبس الأكسجين وينطق بنبره هامس متعبه : راكان وين ؟
الجازي انتفضت وهي تشوفه يناظرها بتسأل وعيونه المتعبه : مدري بغرفة العلميات
ماهر صر على اسنانه من الالم : وليه تبكين ؟
الجازي اللي ضعفت من نبرته : كل اللي صار لك بسببي حامد ورا ذا كله
ماهر تنهد بخفوت وبأمر : مابي اشوف دمعتك تنزل !
الجازي عضت على شفايفها تكتم غصتها من ان تفضحها : ذي ثاني مره تنصاب بسببي تكفى سامحني
ماهر ناظرها : مافي شي اسامحك عليه ولا لك دخل اللي صار مقدر ومكتوب
الجازي : تحتاج شي ؟
ماهر : سلامتك وتحرك وهو يبي يعدل جلسته ويقوم يتطمن على راكان وشهقت الجازي بخوف : لا تتحرك انت تعبان
ماهر بحده : مقدر اجلس و ولد عمي بالعمليات
الجازي توترت من نبرته : طيب اساعدك ؟؟
ماهر : ماودي اخوك يشوفك ويشك فيك وانتي مالك ذنب
الجازي : مراح يقول شي معاذ وقربت منه وهي لاول مره بتقدر تتجرأ وتقرب من رجل برضاها ومسكت يده وشدت عليه وهي تساعده يقوم وكان يمشي معها ببطئ ويده اليسار المكسوره رافعها لصدره والجازي متمسكه بيده اليمين وفتحت الباب وهم يطلعون لبرا وحس بدوخه ماهر وصرخت الجازي بقلق : مماااهر !!!
ماهر بارهاق : مافيني شي
الجازي : لا انت تعباننن يا دكتورررر واسرع لهم الدكتور المسؤول عن حالته : ليييه تقوم ممنوع انت تعبان وغلط كبير تقوم !
ماهر بحده : ماني جالس و ولد عمي بالعمليات الله يعلم بحالته
الدكتور تنهد من عناد ماهر واسرع يجيب عربه وساعده يجلس عليها وقام يدفعه والجازي تمشي جنبهم ألى ان وصلو لقسم العمليات وكانت وجيهه سامي وسلمان ومعاذ ما تتفسر من حالت راكان المزريه وعندما وصلو معاذ اسرع لماهر بقلق : ماااهر وش قومك!!!
ماهر : وين رااكااننن ؟؟؟؟
معاذ بحزن : وضعه خطير
ماهر بلع ريقه بحسره عليه وبرجفه : كيف يعني !!!
سلمان بهدوء: توقف قلبه اكثر من ثلاث مرات وقدرو انهم ينعشونه ولكن وقفو العمليات بسبب خطرها على حياته
ماهر ادمعت عيونه بحرقه وشد على يده والجازي اللي حزنت على وضع راكان ونطق معاذ : لازم ترجع لغرفتك انت تعبان
ماهر : تبيني ارجع وارتاح وراكان وضعه خطير !!!
معاذ بغضب : اجل بتوقف عنده انت وضعك بعد مزري شوف يدك كيف واخذ العربه معاذ من يد الدكتور وهو يتوجهه لغرفة ماهر اللي حس بتعب ولا قدر يتناقش مع معاذ ولحقهم سلمان والجازي وفجاة يسمعون نداء ابو ماهر وابو ناصر وكان الجد سعود يمشي وراهم ونواف قدامهم
ابو ماهر انفجع بروية حالة ابنه وحضنه بفجعه : مممماااهرررر وش فيك يا عيني
ابو نواف بخوف : وش اللي حصل و وين راكان !!!
الجازي ابتعدت عنهم وهي تبكي من رؤيتهم
ماهر بادل والده وبهمس حزين : انا بخير بس راكان
نواف بقلق : وشفيههههه !!! وش اللي صار
معاذ بلع ريقه بصعوبه : صار انفجار بسيارة ماهر وراكان الي ساعد ماهر والحين وضعه جدأ صعب توقف قلبه اكثر من ثلاث مرات
ابو نواف داخ واسرع ابو ماهر ونواف يساندونه ونطق بنبره متعبه وحسره : ااااهخ يا راكاننن
الجد سعود بحزن وهو ينادي الدكاتره يساعدون ابو نواف ونقلوه للطوارىء يقيسون ضغطه والسكر
ونواف اللي عيونه محمره من كثرة حبسه لدموعه وجاء ماجد هو وريان وخبرهم معاذ باللي صار وكان الحزن مخيم عليهم
وانتشر الخبر في بيت الجده منيره وانقلب البيت اللي كان قبل كم ساعه مبسوط لتعيس كانت ام خالد وترف والجده منيره يحاولون يهدون في ام نواف وفي ام ماهر ومها اللي حاضنه بنتها شهد اللي كانت تبكي بحرقه : يييمه بررررووحح اشوفه تكفين
مها بحزن : ابشري بس هدي طالبتك يا شهد
واسرعو روان وطيف يساعدون شهد وريما ومعها اللي تحاول تسكت في يارا وريم الدي يبكون بخوف على اخوهم
والكل لبس عبايته عشان بيروحون للمستشفى
ومشت يارا هي وامها وريم مع خالد وشهد ومها ومعهم راما وام نواف مشو مع صالح واتجهو للمستشفى
.
بغرفة ماهر كان منسدح بتعب وجنبه والده والجد سعود جالس بحزن على اللي صار لاحفاده ومعاذ معهم والجازي بالخارج وكان ابو نواف يدفعه نواف بالعربيه بسبب انخفاض ضغطه وماسكه راسه بحزن وحرقه على ولده ونواف اللي الكسر واضح بعيونه ودخل لغرفة ماهر ومعه ماجد وريان اللي الحزن كاسيهم ماجد تنهد : وش اللي صار بالتفصيل يا معاذ ؟
معاذ تنهد بحزن وبدا يسرد لهم من البدايه آلى النهايه اللي وصلتهم لهنا
الجد سعود بحرقه : حسبي الله ونعم الوكيل الله يسلط عليه
عند الجازي الجالسه خارج غرفة ماهر وهي شارده البال وقاطع عليها صوت بكاء قوي والتفت وشهقت وهي تشوف شهد ومعها اهلها وفزت واقفه
ودخل صالح لغرفة ماهر وهو يتحمد له بالسلامه
وطلع نواف وهو يهدي امه اللي تبكي بحرقه : وينه تكفى قولي انه بخير
نواف بحزن وهو يحضنها : بيصير بخير ان شاء الله ادعي له
ام نواف وهي تبكي بحسره
وشهد اللي ماسكتها والدتها تسمي عليها وجاء والدها وتساله : يبه وينه وين راكان !!
صالح بحزن مايدري كيف يخبرها : بالعنايه المركزه توهم مدخلينه
شــهــد ببكاء: لاااااا لااا تكفى لا تقولها
ام نواف اللي بكت اكثر وهي تسمع كلام صالح وانقلب المستشفى مناحه والجازي اللي تحاول تواسي يارا وريم وام ماهر اللي دخلت لولدها بعد خروج ابو نواف وماجد
ابو نواف بحزن وهو يعلم ام نواف برضع ولدهم : توقف قلبه ثلاث مرات
شهد اغمى عليها اول ما سمعت بكلام عمها ومها اللي تبكي على وضع بنتها وصالح اسرع يشيل بنته وهو ينادي على الدكاتره
وريم ويارا لحقوهم بعد ما تطمنو على اخوهم والجازي واقفه مع راما اللي تبكي بحزن على وضع اخوها المجهول امره
عند صالح اللي اول ما دخل الطوارئ ويجتمعون الدكاتره على شهد يكشفون عليها وصالح حضن مها اللي تبكي على شهد المغميه
"العناية المركزه "
كان بداخلها راكان النائم بلا اي حركه كانت الاجهزه متصله بجسده وكانت قدمه مجبوره لان اكتشفو بانها مكسوره اثناء العمليه وعندما زادت حالته سوء قررو الدكاتره يوقفون العمليه بسبب نبضات قلبه الضعيفه وكان تركي واقف بجانب راكان يكتب ملاحظات عن حالته اللي الخطيره لان هو حاليًا عايش على الاجهزه لو تنفصل عن جسمه راح يعلنون عن وفاته المحتمه بالنسبه للدكاتره
ولكن قدرة الله فوق كل شي ..
•بغرفة ماهر بالمستشفى •
كان فيها امه وابوه ويارا وخالد والجد سعود
ماهر بتعب : الله يقومه بالسلامه
الكل : امين
خالد : كتبو لك خروج ؟؟
ماهر : لا قالو لازم اجلس يومين فيه تحاليل ولغلويص الدكاتره لابد منها
الجد سعود : يا شينهم ويا شين دبعتهم
ام ماهر : والله انهم يشتغلون بكل ذمه وضمير لولا الله ولولاهم كنا ضايعين
عند شهد اللي فتحت عيونها وبدت الدموع تسيل وهي تهمس : مو حلم !! ليه مو حلم
مها التفت على شهد على طول وهي تسمي عليها : بسم الله عليك يا عيني تحسين بالم شي ؟؟
شهد جلست وهي تبكي : يمه قولي ليييي اني بحلللمممم تكفيييين
مها بكت وهي تحضنها : ادعي له يا روحي انا ومايصير الا اللي ربي كاتبه
شهد بصراخ وبكاء : لااااااا تكفووووننن ابييي راكاااانننن !!! تكفون ساعدوه ولا تخلونه يموت ويتركني
مها بخوف على بنتها : صلي على النبي يا شهد !
صالح دخل بخوف وهو يسمع صراخها وقرب يهديها وهي تتمسك بوالدها ببكاء : يبه تكفى قولي ان راكان بخير
صالح بحزن : بخير يا قلبي هو تحت رحمة الله ادعي له مايصير اللي تسوينه
شهد دفنت راسها بصدر والدها وهي تبكي بحرقه : يبببببببه مقدرررر اعيششش بدونه تكفون ساعدوه
مها كتمت بكائها وهي تشوف انكسار بنتها وصالح اللي يحاول يبلع غصته لازم يكون قوي عشان بنته حضنها بقوه وهو يقرأ عليها ومها تساند شهد اللي تبكي بكل ما اوتيت من قوه تحس نار بقلبها تخاف من كلمة " فقدان شخص تحبه "
ريم كانت تسمع صوت شهد وبكائها بس كانت بوقت ضعفها ولا ودها تدخل وتنحسر على بنت عمها ومسحت دموعها وهي تبكي وتتجه للحمامات ولكن تنصدم بخبطت شخص فيها وتالمت : اااه
سامي : معليش
ريم ناظرته وانصدمت وجات بتكمل طريقها ولكن تتفاجئ بسحب سامي لها للحمام وهو يقفل الباب بالمفتاح : ليش تبكين ؟
ريم : وشدخلك وكيف تتجرأ تسحبني بذي الطريقه وكانك تقرب لي ؟؟
سامي بهدوء: انا اسف ما قصدت بس ما حبيت اشوف دموعك
ريم : انت وراك بلا ماغير تلحقني وش عندك ؟؟
سامي ابتسم بخفه : ممكن بسبب الحب ؟!
ريم تجمدت بصدمه وتحس بدت تفور من الحراره اول مره يحصل معها موقف مثل كذا : هاه !!
سامي ابتسم وهو بيتكلم بس قاطعهم سماعهم لصوت نواف ومعه خالد اللي يحاول يواسي ولد عمه واخوه وصديقه الحبيب هنا ريم تصنمت من الخوف وسامي اللي توتر من قرب اصواتهم وسحب سامي ريم لاحد الحمامات ودخل معها وهو يقفل الباب وريم اللي مغمضه عيونها بقوه ودخل نواف وخلفه خالد واصواتهم اعتلت بدورة المياة وكانت ريم ترتجف من الخوف وسامي اللي تعرق جبينه من التوتر
خالد بحزن : لا تشيل هم باذن الله بيصحى راكان وبيكون بيننا
نواف اللي طاحت دموعه من شدة كتمان حزنه على اخاه واسرع خالد يحضنه ويبادله نواف وهو يبكي بكل ما اوتى من قوه وكان مقهور ومحروق على اخوه
ريم حطت يدها فمها تكتم بكائها وناظرها سامي وهو يسحبها لحضنه استلمت لحضنه وهي تبكي على بكاء نواف المؤثر
بعد خمس دقايق ساعد خالد نواف يغسل وجهه وشربه مويه إلى ان حس نواف انه ارتاح شوي من الضيقه اللي كانت حابسه صدره
خالد : يلاه مشينا لعند ماهر
نواف : طيب وطلعو وريم دفعت سامي وهي تفتح باب الحمام وتخرج بخوف وسامي اللي تنهد وخرج وراها وصدمهم خالد اللي كان راجع عشان بياخذ جواله اللي نساه على المغسله وانصدم برؤية ريم برفقة سامي ونطق بنبره مصدومه : وش تسون مع بعض ؟؟؟؟
ريم حست بمغص يهاجمها وبدت ترتجف بخوف وبتلعثم نطقت : خ.. خـ .. خالد !!
سامي تنهد وهو ماوده تصير مشكله : خالد مو زي ما انت تفكر
خالد قاطعه بحده وهو يتقدم منه : وش قاعد تسوي معها عشان احكم على تفكيري !!!!
ريم اللي حست بالخوف من خالد هي تعتبره اخوها : خالد تكفى لا تسوي مشكله خلنا نتفاهم
خالد اللي ماسك ياقة سامي وبحده وغضب : انت صديقي واعرفك زين وش تبي منها !!!!
سامي مسك يدين خالد وبجديه : ابيها زوجه لي على سنة الله ورسوله فيها شي غلط !!!
خالد انصدم بس مو كثر صدمت ريم اللي داخت واسرع سامي يدفع خالد ويساندها وخالد اللي مسك عضد ريم وسحبها من سامي : وخر عنها !!
سامي بحده : البنت دايخه وانت تفكيرك كذا !!! واسرع يشيلها وهو يسمع ريم تهمس بكلام غير مفهوم ودخلها بسرعه لعند احد الممرضات اللي استلمتها وتحاول تصحيها وطلع سامي وهو ينطق بحده لخالد : اسمع ترا كنت ناوي اخطبها لو ما صارت ذي الحادثه كان امداها على ذمتي
خالد : اجل تعال للناس من من بيوتها مو من خلفها لان ذي مو من شيم الرجال
ومشى خالد تارك خلفه سامي اللي يطحن اسنانه ببعض
.
شهد اللي واقفه امام غرفة العنايه المركزه وهي تبكي بحسره وتمسح على الزجاج بهمس : تكفى لا تروح وتخليني بعد ما علقتني فيك !!
كانت بوضع محزن كانت تتمنى تكون محله ولا يكون هو بذي الحاله اللي هو فيها جاء صالح وهو حزين على وضع ابنته وعلى ابن اخاه ونطق : يلاه يا بنتي خلينا نمشي
شهد : بجلس عنده مراح اروح واتركه
صالح تنهد : مايصير ممنوع الجلوس امام الغرفه
شهد : يبه تكفىىى
صالح : والله هذه نظامهم بكره نجيه هيا انتي تعبانه خلينا نرجع ترتاحين وتصلين وتدعين له لان وضعه حاليًا يحتاج فقط الدعاء مانقدر نسوي له اي شي
شهد ناظرت لراكان نظره اخيره وهي تودعه ببكاء وهي ترحل مع والدها
ورحل الجميع لم يبقى الا ماهر اللي مستلقي بسرير المستشفى وهو يدعي لراكان يقوم بالسلامه
وتفاجئ بدخول الدكتور تركي عنده وجهه ما يطمن بالخير وفز ماهر غير مهتم لالم جسده وهو ينطق بقلق : وشفيه ؟؟؟
الدكتور تركي تنهد بحزن : دخل راكان بغيبوبه
ماهر جلس على سريره بتعب وهو يمسك راسه بحزن : تكفى لا تقولها !!
تركي اقترب منه وهو يواسيه : لازم نرضى باللي مكتوب
ماهر بحزن وقهر : وش سبب دخوله للغيبوبه !
تركي : سببها ضربه قويه على راسه بسبب سقوطه بشكل غلط مالكم الا ان تدعون له فيه احتمالات كثيره انه ما يصحى وفيه احتمالات انه يصحى بس ما يكون راكان الاول
ماهر بغير فهم : كيف يعني ؟؟؟
تركي : اكتشفنا يوم سوينا له اشعه لدماغه بان كانت الضربه قويه حيل لدرجه ممكن تسبب له الموت ولكن قدرنا ننعشه والثانيه انه يفقد الذاكره ولا يعرف اي احد
ماهر فرك مابين حواجبه بتعب : اللهم لا نسألك رد القضاء ولكن نسألك اللطف فيه يارب
.
"بعد اسبوعين يوم العيد "
كان دائم العيد عند الجد سعود غير كان يعم بالفرحه والبهجه والحياة التي تغمر عمارته ومنازل ابنائه ولكن كان هذا اول عيد يمر على الجميع وهم لا يشعرون بفرحة العيد قبل اسبوعين عندما علم الجميع بان راكان دخل الغيبوبه الكل انهار واولهم شهد اللي من درت باللي صار براكان وهي مقفله عليها الباب وانهارت ام نواف وبناتها ننف وراما الكل كان حزين ولاول مره يمر عيد عليهم بهذا الحزن صار الهدوء يعم المكان والجميع انشغل باعمالهم ولكن كان الحزن يغمر قلوبهم ليس بيديهم الا الدعاء ..
• بمنزل معاذ •
دخل معاذ بعد ما جاء من صلاة العيد وهو يشوف ريما اللي لابسه فستان هادي وناعم وهي تمسح دمعتها يوم لاحظت دخوله تنهد وهو يقرب منها ويحضنها من الخلف : وش اللي يبكيك ؟؟
ريما : ولا شي
معاذ : مراح اصدقك !
ريما تنهدت وهي تلتفت له : اول عيد ما احس بالفرحه احس ماله طعم توي مقفله من طيف تحكيني بان بيتنا مو مثل العاده لاول مره بالحياه الهدوء يعم بيتنا دايم الكل يجتمع عندنا ويكونون مبسوطين الا ذي السنه تغيرت حياتنا بشكل مو طبيعي
معاذ : وكله بسبب شخص حقير مصيره السجن
تنهدت ريما : وش صار عليه ؟؟
معاذ : خبرني ماهر بانهم قربو من الوكر حقه
ريما بغبنه : يالله انك تسلط عليه عيال الحرام
معاذ : اتركينا منه خلينا ننزل امي والجازي محضرين الفطور
ريما : مالي نفس
معاذ : لا عاد بتقومين ولا والله شلتك
ريما بعناد : قلت مابيييي غصب يعني !!!
معاذ ضحك : تذكري حذرتك وما سمعتيني واسرع يشيلها وهي تشهق بصدمه : ممممععععاااذذذ نزلنننيييي
معاذ بقهقه : ممكن بالاحلام وخرج من شقته ونزل لعند امه والجازي : يييمه شوفي جبت لك ريما كانت رافضه ماتبي تاكل بس جبتها بطريقة حمام زاجل
التفت ام معاذ والجازي بصدمه من معاذ وريما وضحكت الجازي : حرام عليك
ريما غطت وجهها باحراج : حسبي الله على عدوينك
معاذ جلسها على الكرسي : امين يارب
ام معاذ بابتسامة : ليه تعاندينه تراه اقشر اذا احد عانده !!
ريما قرصت فخذ معاذ من تحت الطاوله وصرخ بالم وابتسم
والجازي اللي كتمت ضحكتها وهي عارفه حركات ريما وافطرو وهم يضحكون كان معاذ يحاول يخرج ريما عن اجواء الحزن والضيقه
•بيت صالح •
كانت مها مسويه الفطور والقهوه والشاهي وجالسه مع صالح وهم متضايقين من تغير شهد من من بداية دخول راكان للمستشفى وهي بس تاكل وتشرب بغرفتها ومعد تقابل البنات اللي يجونها بس ما تفتح لهم باب الغرفه انعزلت على نفسها لدرجة قررو صالح ومها انهم يجيبون لها دكتوره نفسيه بسبب وضعها
صالح بضيقه : ما طلعت من غرفتها ؟؟؟
مها بحزن : لا وحتى اخذت الفطور اللي حطيته لها عند باب الغرفه
صالح مسح على وجهه بحسره : وش السواه مانقدر نتفرج فيها وهي جالسه تخسر نفسها بهذي الطريقه !!
مها جات بتتكلم بس قاطعها نزول شهد وهي بكامل زينتها وهي تبتسم : يبه
فزو صالح ومها وقلوبهم ترتجف بخوف وصدمه من رويتهم لشهد اللي جايتهم بفستانها الابيض وشعرها اللي مسويته ويفي وحاطه ميك اب خافي معالم التعب : كل سنه وانتم طيبين وحضنتهم وناظرت مها لصالح بخوف وقلب يرتجف وبادلها صالح وهو يبتسم بقلق : وانتي بخير
شهد ابتعدت عنهم : يلاه يبه ابيك توصلني لعند راكان بروح اعايد عليه
مها بحزن : شهد ما يصير قاطعتها شهد بحده : ما قلت شي غلط قلت بروح اشوف خطيبي وبعايد عليه
صالح : طيب طيب البسي عبايتك
شهد ابتسمت : حاضر ومشت لغرفتها والتفت مها عليه : وش بلاك انت بتاخذها لعنده وانت خابر وضعها كل ما راحت تعبت !!
صالح تنهد : وش اسوي يا مها تبيني امنعها وتجن زياده !!!
شهد اللي كانت واقفه عهد الدرج وسمعت كلام امها وابوها وصرت على اسنانها وهي تسرع تلبس عبايتها
ولمن خلصت مشت مع صالح اللي طول الطريق كانت سيارته تعم بالصمت
.
• بيت ابو نواف •
دخلت نوف وهي شايله غيث ومتعب معه غيم رحب فيهم ابو نواف وام نواف وكانت ملامحهم حزينه ولكن قدر ما يقدرون يحاولون يحسون بفرحة العيد
نوف وهي تحب راس ابوها : كل عام وانت بخير يبه
ابو نواف بابتسامة هاديه : وانتي بخير
ام نواف اخذت من نوف غيث وهي تسلم عليه ونوف اللي مبتسمه لامها اللي تبوس بغيث
جاء نواف وهو لابس ثوب وشماغه المكوي بكل عنايه وسلم على متعب ونوف
وريان كذلك وراحت نوف لمجلس الحريم وهي تسلم على لين وراما اللي حاطين القهوه وحلاوة العيد
نوف : كيفكم وش الاخبار
راما : الحمدالله بخير انتي كيفك كيف الحلوين الصغار
نوف : بخير الحمدالله
لين : وينهم غيث وغيم
نوف : مع امي وابوي
ابتسمت راما : توهم جو امي وابوي
نوف باستغراب : وين راحو ؟؟
راما بحزن : لعند راكان عيدو عليه وجو
نوف اللي بلعت غصتها بصمت
لين حزنت على تعابير البنات وهي تقوم بثقل تصب لهم القهوه : قولو الحمدالله مهما صار ومهما تضاعفت الامور احمدو ربكم على كل شي عشان يزيدكم خير من عنده ؛ نوف وراما : ونعم بالله
.
"بالمستشفى "
دخلت شهد لعند راكان اللي من دخل الغيبوبه وهم حاطينه بغرفه يمدي لاهله يدخلون عنده فضل صالح يوقف خارج الغرفه ماوده يشوف نظرت الانكسار بعين وحيدته اقتربت شهد من جسد راكان الهادي الموصل بالاجهزه
جلست بجانبه وهي تمسك يده وبابتسامة : كل عام وانت معي يارب
تدري وش صار اليوم فكرت فيك وقلت لازم اتزين لك مع انو كنت تحبني بكل حالاتي بس قلت اليوم استثنائي اليوم اول يوم عيد وانت معي وبلعت غصتها اللي ناشبه بحنجرتها وعيونها اللي بدت تحكها من كثر حبسها للدموع : اوكي مراح ابكي اعرفك تكرهني يوم ابكي بس غصب علييي ونزلت دموعها مثل الامطار المتساقطه بفصل الربيع كانت تشعر بالفراغ بقلبها لا تريد انه تشعر بالفقدان دائم ما كانت تتحسر عليه بسبب وضعيته الميته ؛ والله إن الشوقَ، فاقَ،تحمُلي يا شوقُ،رفقًا، بالفؤادِ، ألا، تعي حاولتُ،أن أُخفي، هواك، وكلَما
أخفيتهُ،بالقلبِ، فاضت ،أدمُعِي ؛ صعب جدًا ان ترا من تحب جسد بلا روح هكذا كان وضع راكان وكائن روحه تحلق بعيد عن جسده وترفض الرجوع اليه
نظرت شهد اليه وهي تبكي بحزن على محبوبها الذي اشتاقت اليه وما زال صوتك في ثنايا مسمعي والشوق في صدري يفتت أضلعي والله ان الشّوق فاق تحمّلي يا شوق رفقًا بالفؤاد ألا تعي بعد طول بكائها اقتربت منه شهد وهي تقبل راسه وخده وتمسح دموعها وتخلع عبايتها وهي تاخذ كتاب وتجلس بالكرسي الموضوع بجانب السرير ونحنحت وهي تنطق ببسمه : خلاص لا تزعل بكمل لك القصه وقامت تقرأ بانسجام ومرت الدقائق ومرت الساعات وشهد مستمره تقرأ له القصص وبعض الاحداث اللي صارت بغيابه وهي تتنقل بالغرفه
وصالح اللي ينتظرها بالخارج دخل عليها اكثر من مره ولكن ما طاوعة قلبه يقاطعها وهي تقرا وتبتسم وتضحك وكانها تحادثه ..
الدكتور تركي قرب من غرفة راكان : كل عام وانت بخير يا عم صالح كيفك
صالح ابتسم : وانت بخير الحمدالله طيب انت كيفك وش الاخبار
تركي : والله بنعمه
صالح : كيف وضع راكان ؟؟؟
تركي ابتسم : وضعه جيد وانا والدكاتره المشرفين على حالته لاحظنا ذي الفتره مستجدات على حالته بس قلنا لكم عشان لا نعطيهم امل ويصير شي غير متوقع
صالح بفرحه : وش المستجدات ؟؟؟
تركي ابتسم من فرحة صالح : لاحظنا بان كسور صدره بدت تتجبر وكمان الضربه اللي براسه بدت تتشافى وأيضا لاحظنا بان قريب جدأ راح يصحى باذن الله
صالح بفرحه : اللهم لك الحمد بس لو انكم مخبرين اهله !!
تركي بهدوء : والله كان بخاطري بس خفنا نعطيهم امل على الفاضي لان حالات كثير كانت كذا وبعدين بدت تسوء
تنهد صالح : يارب انك تقومه لنا باسلامه
تركي : امين يارب بكشف عليه الحين
صالح: بنتي داخل انتظر لشوي
تركي : ابشر وجلس مع صالح يسولفون وشهد اللي بداخل كانت تقرأ ان تعبت وجلست ترتاح وهي تناظره بهدوء وناظرت للتلفزيون وقامت تبحث عن قنوات وبعدها وقفت عند قناة MBC1 وكانت الدعايات عن العيد وابتسمت بخفه
راكان فتح عيونه ببطىء وهو يشوف الدنيا غباش وأخيرًا بدت ترضح الروية امامه وكان اول شي يشوفه السقف الابيض وكان يسمع بالاغاني حقت العيد وشخص يردد وراها ورفع نظره للبنت اللي معطيته ظهرها بفستانها الابيض : مين انتي !!
______________________
كيف القفله 🫣
والله اني مدلعتكم انزل لكم ورا بعض محد قدكم 😂❤️
بس تستاهلون يا حلى متابعين 🥹❤️
قراءه ممتعه واتمنى ماتنسون النجوم والكومنت ❤️❤️