"بسم الله الرحمن الرحيم "
•
•
•
•
•
عند ماجد اللي دخل غرفة امه لقاها جالسه على سجادتها وتسبح وراح يحب يدها ويبتسم : يمه فاضيه عندي موضوع مهم
الجده منيره : هلا ياوليدي قول وش عندك
ماجد بهدوء : ابي اخطب رهف
الجده منيره بصدمه : رهف بنت خالتك ؟!
ماجد بحزم : ايه ابيها
الجد منيره بحسره: بس يا وليدي البنت جاها نصيبها الله يوفقها
ماجد يكتم عصبيته : والله ماتاخذ غيري يمه انا اولى فيها بنت خالتي وانا ابيها
الجده منيره باستغراب : مو انت اللي رافضها وماتبيها وش غيرك !!
ماجد يزفر : ذا اول بس الحين انا ابيها
الجده منيره بشك : انت شايفها يا ولد !!
ماجد وهو يتذكرها : لا بس ابيها
الجد منيره تتنهد : طيب بكره اكلم حصه ونشوف
ماجد برجى : يمه تكفين اليوم مابي الموضوع يتاخر
الجد منيره: خلاص فارق عني بكلمها وارد لك
ماجد قام وهو يبتسم : ابشري
وطلع وهو يفكر بالموضوع بحماس
———————————————————
ريان وهو يعصب عمامته على راسه ويعدل ثوبه صادف دخول لين للغرفه وهي تناظره : بتروح العزبه ؟؟
ريان : ايه لي كم يوم مهمل العزبه والبل
لين بحماس : ابيي اروح معك
ريان بحزم: انا ماخذ معي حريم هناك يجوني رياجيل رايحن وجايين علي
لين مسكت يده برجى : تكفففى والله اني طفشت من البيت والعزبه اهون من البيت
ريان اللي انتفض من لمست يدها الناعمه وبتوتر : طيب تجهزي بسرعه
لين نقزت بحماس وهي تحضنه : الله يخليك لي
وريان اللي للمره الثانيه يتجمد من حركاتها اللي تلعب بقلبه وحست لين على نفسها وبعدت باحراج : معليش ذا من الحماس وراحت تتجهز للعزبه وريان اللي طلع وهو يبتسم ونزل ينتظرها تحت
راما بملل : يمه طفشت من البيت
ام نواف بصداع من حنتها : راما اذلفي لغرفتك ماني فاضيه لحنتك
ونزلت لين وهي تناظر راما باستغراب : شفيك ؟؟
راما فزت لها : وين بتروحين اخذيني معك طفشت لحالي
لين بحماس : بروح مع ريان للعزبه تعالي معنااا
راما بتكشيره : لا يععع اكررهااا
لين :اقول البسي بسرعه بقول لريان ننتظرك
راما زفرت : يلاه طيب على الاقل احسن من جلسة البيت وراحت تتجهز
ريان دخل البيت بعصبيه: وينك انتي انتظرك من اولى
لين : انتظر راما بتجي معنا
ريان : لا اله الا الله وذي شتبي
لين : طفشانه زيي
ريان : بسرعه دقيقتين لو ما القاكم بالسياره بمشي واخليكم
لين وهي تنادي راما اللي نزلت وبسرعه ركبو السياره مع ريان وراحو للعزبه
——————————————————
عند ام ماهر اللي قالت لراشد عن ماهر وانه يبي يخطب بنت عمه ناصر
راشد : ما لقى الا بنت ناصر ؟
ام ماهر : والله نوف مافي مثلها وانت تعرف بنت اخوك
راشد : خير خير بكره بروح لابو نواف واخطبها له
ام ماهر بفرحه : احسن ما تسوي يا ابو ماهر واخيرا ربي بيفرحنا بولدنا الوحيد
راشد ابتسم : الحمدالله
————————————————————-
عند ام نواف اللي طلعت لغرفت نوف ولقتها جالسه تتابع مسلسلها دخلت وقفلت الباب وراها وجلست قدامها : بكلمك بموضوع مهم
نوف عدلت جلستها باستغراب : وش هو ؟
ام نواف اللي خايفه من رد فعل نوف تنهدت : تعرفين صديق ابوك مطلق ؟
نوف زاد استغرابها : ايه شفيه ؟!
ام نواف : خطبك لولده متعب وابوك وافق
نوف فزت بصدمه : هاااااااا يمههه انتي جايه تاخذين رأيي ولااا تعلميني بالموضوع بس والله ما اتزوجه
ام نواف تتنهد بقلة حيله : وش فيها يا بنتي الرجال والنعم فيه وابوك يمدح متعب
نوف بغضب : اناا اللي بتزوج ولا انتم مالكم دخل فيني انا رافضه
ام نواف : نوف حبيبتي وافقي برضاك ولا تعرفين ابوك بيجبرك عليه
وبذي اللحظه دخل عليهم ابو نواف بغضب وهو اللي توه جاي من برا وسمع صوت نوف : طالت وشمخت ترفعين صوتك وش بلاك انتي
نوف بغضب وهي تقرب من ابوها : ولد متعب تخبره اني رافضته ولاني متزوجته لو يموت
ابو نواف بغضب : تخسين وتعقبين بتتزوجينه برضاك او غصبن عنك فاهمه
طلع راكان ونواف من غرفهم على صوت ابوهم
نوف بغضب وصراخ: والله ما اتزوجه لو تموتون
ابو نواف بغضب عطاها كف: اعقبيييي والله لتتزوجينه وكلمتي ما تتثنى يا كلبه تعرفين صوتك على ابوك ياللي ما تستحين على وجهك
ام نوف اللي سحبت بنتها تحضنها وراكان ونواف يهدون ابوهم
نواف : يبه اهدى انت مريض سكر ما يصير اللي تسويه
ابو نواف بصراخ : والله لتتزوجينه تسمعيننننن
نوف ببكى وصراخ : والله ما اتزوجه لو اذبح نفسييييي
ابو نواف بتعب من العصبيه : سكتها لا والله ذبحتها
راكان وهو يقرب من نوف ويهديها : نوف خلاص اسكتي منتي شايفه ابوي تعباننن
نواف اللي اخذ ابوه لتحت وهو يحاول يهديه
ام نواف وهي تهدي نوف : يا بنتي حرام اللي تسوينه بنفسك خلاص اهديي
نوف ببكى : مابيييي اتزوج فاهمينننن
راكان : يمه وش السالفه
ام نواف بزفره : ولد مطلق متعب خاطب اختك وابوك وافق بدون ماياخد رايها
راكان زفر بنفاذ صبر : ابوي وحركاته ما يتركها
نوف ببكى : اطلعووووو وخلوني لحالييي
ام نواف بحزن طلعت وطلع وراها راكان ونزلو تحت ولقو نواف يقيس ضغط ابوه اللي حاط يده على راسه بتعب
راكان : مايجوز الجواز بالاجبار يا يبه
نواف باستغراب : بتزوجها اجباري يبه !!!
ابو نواف بحده : بنتك هااا لا هي اعقب ولا اسمع لك صوت مطلق صاحبي ورفيقي وانا ما رميتها لحد ردي الا على واحد عارفه انه كفو ورجال وبيصونها
نواف اللي سكت ما يبي يتعب ابوه وراكان وام نواف جلسو يناظرون ابو نواف وكان هدوء بس صوت نوف وبكاها كان واضح لهم وتنهدت ام نواف بحزن على بنتها
——————————————————
عند ريان اللي يعلف البل ويلعبهم ولين وراما كانو بعيدات عنه خايفات من النياق
راما بخوف وهي تناظر البعير : يمه شوفي برطمه مترهل
لين بقرف : يييععع منظره مقزز
راما : اي والله
لين : اتحداك تروحين له
راما بخوف : لااا والله يخوف
لين : يا خوافه
راما تخصرت : اجل وريني جرائتك يالشجاعه
لين بتحدي : تتحديني اروح لها ؟؟؟
راما بتحدي : اتحداك
لين تمثل الشجاعه : ناظري وتعلمي وراحت للبعير اللي كان مربوط وقربت بتعطيه علف : يا حلو تعاللل وتقرب منه فكرت واخذت حصاه ورمتها عليه وفجاة هاج البعير عليها وهي صرخت بخوف وراما اللي تجمدت لان البعير يركض ورا لين اللي تصارخ
ريان اللي كان مشغول بتعليف النياق لف بسرعه على صوت صراخ لين وراح يركض وهو يشوف البعير يركض ورها وبسرعه مسك الحبل حق البعير وبركه على الارض ولين اللي تبكي وتحضن راما الخايفه
ريان بغضب وهو يلف عليهم بعد ما خلص من ربط البعير : انتتتييي مجنونه تروحين للبعير هااا
لين ببكى : مادريت انه بيهيج كذا
ريان انفجع من بكاها وقرب منها يتفحصها: فيك شي صارك شي ؟؟؟!
لين تمسح دموعها بطرف طرحتها : لااا ما فيني شي بس فجعني
راما بتوتر : خلاص حصل خير
ريان بحده : حصل خير ذي المره المره الجايه تحلمون تروحون معي ويلاه بنرجع البيت
لين وراما ركبو السياره ساكتين وركب ريان ومشى للبيت
وبعد وقت وصلو البيت ونزلو ودخلو البيت راما استغربت صمت اهلها اللي كانو جالسن كلهم الا نوف !
لين دخلت ورا ريان صدو راكان و نواف لين طلعت لين لفوق
ريان باستغراب : شفيكم صاير شي !!
راكان : لا ولا شي
ريان جلس : مدري استغربت هدوئكم
ابو نواف : اختك نوف خطبها ولد مطلق وانا وافقت والكل هنا زعلان عشاني عطيت موافقه
راما شهقت بصدمه وطلعت لاختها بسرعه وطق باب الغرفه وما جاها رد : نوفف ذي انا راما افتحيي
نوف فتحت الباب بهدوء وعيونها كانت منتفخه من البكى ووجهها محمر دخلت راما وهي تحضنها : انتي بخير!!
نوف بهدوء : وش تشوفين
راما جلست معها وهي ضايقه : انا سمعت ابوي امس وهو يقول لامي انو خطبك مطلق بس ما توقعت انو منجد ابوي بيجبرك
نوف بصرامه : والله ما اتزوج
راما تنهدت : ماتدرين امكن متعب خير لك
نوف بحده : راماااا !! تعرفين اني احب ماهر كيف بقدر اتقبل رجال غيره ولا بعد اتزوج غيره
راما تنهدت بضيقه : ابوي صامل وانتي تعرفينن
نوف : بكيفه ما يهمني اخر كلام عندي انو مراح اتزوج وبس
راما تنهدت وطلعت من عند نوف وتدعي وخايفه من الايام الجايه
——————————————————
بعد يومين •
بذي اليومين دق ابو نواف على مطلق عشان يجي ويعقدون القران
واليوم هو يوم عقد قران نوف ومتعب
ابو نواف دخل مجلس ابوه اللي كان فيه اخوانه كلهم وعيالهم جلس وهو يبتسم لابوه : يبه مطلق صاحبي جاي يعقد على نوف ابي وقفتك معي انت واخواني بعد المغرب الجماعه جايين
وقع الخبر على ماهر زي الصاعقه ولف لابوه بسرعه ووجهه مخنوق
راشد مسك يد ولده ماهر يهديه وتنحنح :ماشاءالله مبروك يا اخوي بس من متى خطب مطلق بنتك
ابو نواف ابتسم :الله يبارك فيك وعقبال ماهر واخواته ومطلق كلمني قبل كم يوم وان شاء الله اليوم عقد القران وملكه بنفس الوقت
الجد سعود بابتسامه هاديه : مبروك يا ولدي وان شاء الله نوف موافقه !
ابو نواف بحزم : الله يبارك فيك يبه اي موافقه
ماهر اللي طلع بسرعه من المجلس وفك زر ثوبه يحس بخنقه من القهر
خالد طلع وراه وطبطب على ظهره باستغراب : ماهر فيك شي ؟؟
ماهر بضيقه وقهر : ااااه يا خالد تعبان تعبان
خالد مسكه بقوه وبفزعه : تبي اوديك المستشفى !
ماهر حضنه وهو يهمس له بقهر : راحت من يدي ااااه يا خالد
خالد وهو يستوعب ويطبطب عليه : يمديك تكلم عمي انت اولى فيها من الغريببب !!
ماهر ابتعد من حضن خالد وهو ضايق : ابوي ما خلاني اتكلم عمي ما قال لنا الا الحين والناس جايه تعقد القران
خالد بحزم : يبالك تكلم عمي الحين دام الناس ما جووو ولا تخليها تروح من يدك
ماهر تشجع من كلام خالد ودخل للمجلس وخالد وراها وبحزم : عمي انا ابي نوف لي انا ولد عمها واولى فيها !!!
الكل انصدم وما توقعو اللي سواه ماهر
ابو نواف بدهشه : ياولدي العذر والسموحه منك انت رجال تنشرى بالغالي بس انا اعطيت كلمتي للجماعه وجاين بيعقدون لو قلت لي من قبل كان صار كلام ثاني
ابو ماهر بحده وغضب يناظر ولده : البنت خلاص بعد كم ساعه وتصير مخطوبه من ولد الناس مو نصيبك يا ماهر
ماهر اللي يحس بجمره بقلبه : بس يبه
ابو ماهر بحده : لا بس ولا شي
ماجد فز وسحب معه ماهر وطلع : دوبك تتكلم انت!! دامك تبيها كان طلبتها من الاول مو الحين بعد ما بيعقد الرجال عليها
ماهر اللي يحس الارض ضايقه عليه : كنتتت بخطبها والله العظيم جاي لجدي عشان يروح معنى ونخطب خطبه رسميه بس عمي صدمنا بالخبر
ماجد تنهد: لعلها خيره يا ماهر
ماهر اللي طلع لبيتهم يحس ما يقدر يتحمل الضيقه
—————————————————————
عند راما وام نواف اللي يحاولون بنوف عشان تتجهز خلاص الجماعه قربو يوصولون وهي معنده ما تلبس
لين دخلت ومعها البنات ريما وطيف وترف وروان ويارا وريم
ريما : خلاص انزلي يا ام نواف حنا بنقنعها
ام نواف : طيب استعجلو ونزلت تحت تجهز الضيافه
ريم اللي ناظرت نوف بحزن ونوف ناظرت لها وبكت الكل انصدم وانفجعو
ريم اللي طارت لها تحضنها : هدي يا نوف لعلها خيره يا قلبي لا تزعلين عمرك
يارا بحزن : والله وجهك ما يستاهل الحزن يا نوف هديي
ريم وهي تهمس لنوف : وعسى ان تكرهو شي وهو خير لكم
نوف اللي حاضنه ريم وتشاهق من البكي
راما : نوف يلاه الناس بيجون والله لو درا ابوي انك ما تجهزتي ليذبحنا
ريما بقهر : الله يقلعه ابوكم ذا ماعنده قلب
نوف ببكى : ادعي انتي اخته اما انا بنته مقدر
ريما وهي تدعي من قلبها وهي حاقده علو ناصر اخوها
راما بزعل : تراه ابوي ما ارضى عليه
طيف : بالله اسكتو حنا جينا نساعد نوف تتجهز يلاه يا عروس وبدو البنات يساعدون نوف اللي كل شوي تخرب الميك اب من دموعها
———————————————-
عند الرجال وصل مطلق وعياله متعب وسامي ومعه كم واحد من الجماعه ورحبو فيه ابو نواف والجد سعود وجاء المأذون ومتعب اللي بيطير من الفرحه مستانس ومتحمس يشوف نوف اللي دايم يحلم فيها
وابو ماهر اللي جاء ومعه ماهر اللي يفترس بنظراته متعب
وماجد اللي سحبه يجلسه جنبه
المأذون: يلاه بسم الله نبدا بعقد القران وفعلا بدا يعقد لهم وخلص ومشى وبدت ترتفع اصوات التبريكات والتهاني على ابو متعب وابو نواف ومتعب
متعب اللي رفع حاجبه لماهر وابتسم : ماتبي تبارك لي يا حضرت النقيب ؟!
هنا ماجد دق كتف ماهر وهمس له : لا تغلط وبارك له بدون مشاكل
ماهر سحب على ماجد وتقدم لمتعب وهو يصر على اسنانه ويصافحه ويضغط على يده ومتعب زيه كان يضغط على يد ماهر : مبروك وان شاء الله زواجت الدهر
متعب بابتسامه: الله يبارك فيك وعقبالك
ماهر ترك يده وطلع وهو يدق على خويه بحزم: الغي اجازتي بداوم من بكره
خويه : ابشر وقفل
وراح ماهر لبيتهم وهو يدعي لنوف بالحياه السعيده
—————————————————————-
عند الحريم بعد ما استقبلو بنت مطلق ورحبو فيها وجلست تولين بتوتر والبنات بدو يسولفون معها ويلطفون الجو معها
ودق جوالها باسم متعب لترد : متى ادخل ؟؟
تولين : دقايق وادق عليك بشوف عن الناس وارد لك
متعب : طيب بسرعه وقفل
تولين بابتسامه : متعب بيدخل يلبس الدبل والشبكه
ام نواف : طيب انتظري ادخل نوف الغرفه وبعدها يدخل
تولين : اوك
وراحت ام نواف لنوف : هيا يا بنتي متعب بيدخل
نوف زفرت : طيب ومسكت فستانها الناعم الطويل ونزلت للغرفه اللي مجهزين فيها كل شي وجلست
وتولين اللي كلمت متعب واستقبلته عمته ام نواف وهي ترحب فيه وهو حب راسها باحترام ودخل وقلبه رجف مع رجفت جسمه وهو يناظرها
نوف اللي رفعت نظرها له ورفعت حاجبها له بجرائه متعب اللي تفاجئ بس ما قال شي وقرب منها وبدت تولين تعطيه الدبل ولبسها وجاء دورها تلبسه والبنات مشغلين اغاني ويصورونها وهي لبسته الدبله ومتعب اللي اخذ الطقم من يد تولين ولبسها اياه وبعدها الكل بارك لهم وطلعو وخلوهم لحالهم ومتعب اللي جلس ومسك يد نوف اللي اول ما حست بلمسته وهي تنفض يدها منه
متعب باستغراب : شفيك !
نوف ناظرته بحقد : انا ما ابغاك وتراني مجبوره عليك ليكون بعلمك
متعب وهو يكتم غضبه : بترضين مع الوقت
نوف بعصبيه : مستحيل الوقت يخليني ارضى ياخي افهم طلقني وفكني منك ما ابيك
متعب ياكل من الكيكه ببرود : تراها لذيذه لا تفوتك
نوف تناظره بصدمه وبنرفزه : انا وين وانت وين
متعب ناظرها وابتسم : انا معك واخيرا حققت حلمي
نوف عقدت حواجبها بعدم فهم : حلمك ؟ مافهمت وش تقول
متعب ابتسم بحب ومسك يدها اللي تحاول تبعدها عنه بس وثق يدها بين يدينه : انتي حب الطفوله والمراهقه والشباب ما قدرت اي بنت تنسيني اياك طوال السنوات ذي كنت اشتغل عشان اتزوجك وتكونين لي
نوف اندهشت : منجدك انت !!
متعب ابتسم لها : يشهد علي ربي ما قلت إلا الحقيقه
نوف زفرت : اجل خلها لك الحقيقه لانو انا مو راضيه فيك
متعب مسك يدها بقوه وبعصبيه: ليه في احد ببالك هاااا اكيد ذا الاصرار مو على الله
نوف تبي تقهره : ايي فيه واحبه وهو فاز بقلبي بس انت فزت بلا شي
متعب سحبها له وهو يهمس لها : والله لخليه يطلع من قلبك واخليك مهوسه فيني
نوف ناظرته بتحدي : اتحداك يا ولد مطلق
متعب ابتسم باعجاب بشخصيتها القويه ويناظر لشفايفها وملامحها القريبه منه : وانا موافق على التحدي يا بنت ناصر
نوف كانت بتبعد بس صدمها لمن باغتها ببوسه على شفايفها وتحاول تبعده بس ما قدرت ومتعب اللي كان يتعمق فيها اكثر واكثر لين حس فيها انها تختنق وبعد عنها ونوف اللي ناظرته بصدمه : كيييييييف تتجرأ تبوسنييي هااااا
متعب يعض شفايفه بخبث : مراح بس اوقف على بوسه وبعد الزواج بتشوفين
نوف اللي طلعت جزمتها بغضب وكانت بتضربه بس مسك يدها بقوه وبحده: تبيني اعيدها هاااا والله مراح اتردد فاهمه ويدك ذي اذا ماتبين تخسرينها لا ترفعينها
نوف ولاول مره تحس نفسها عاجزه ونزلت الجزمه ولبستها ودق جوال متعب ورد عليه : هلا سامي وش فيه
سامي : شكلك بترقد عندها ولا وش
متعب : خلاص جايكم
سامي : بسرعه وقفل ومتعب ناظر نوف : وين جوالك
نوف بتسأل: شتبي فيه
متعب : ابي اسجل رقمي عندك
نوف تكتفت : مو لازم
متعب بحده: انتي مصره تعندين
نوف زفرت : اوفف خلاص سجله عندك وعطته رقمها وقرب منها وهي تراجعت خطوه ورا بخوف انه يعيد حركته بس سحبها وباس خدها وطلع وتركها تزفر من حركاته اذا ذي البدايه كيف النهايه
ودخلو لها البنات كل وحده تسال
ESTÀS LLEGINT
احتريتك من بين كل البشر وسميتك عشقي وفرحة سنيني
Accióالكاتبه شهد✍🏻 اول روايه لي وان شاء الله تنال اعجابكم 🤍 • اختصار للروايه ؛تتكلم عن حياة الجد سعود وعياله واحفاده ويومياتهم والاحداث والمغامرات اللي تصير معهم •• "" لا استبيح النقل او الاقتباس ""
