حارث: اتناقشو بمشاكلكم بعدين ، وين طرفة؟!
الرماح: طرفة هـذا بيتها شسوي بيها؟!حارث: عمتي جانت مهزومة شسوي بيها يعني غير اذبحها؟!
الرماح: طرفة ما جانت مهزومة يا حارث،
ضب لسانك واعرف روحك شجاي تحجـــي.فزيت مـن سلطان شال تحفية وركعها
بالكاع سواها طشار وصاح
سلطان: شهل مكـودة والحيونة مالتكم.!!!!
مكرنيييين أنتـووو؟! ترجعون شاردات للبيت؟!!!غفـار: البنات جانن يم ابن عمهن ما شاردات.
سلطان: بكيفك هي؟!!! صار اشهر ندور عليهن.!!!
وحدة اختفت والثانية شردت ويا ذاك الـ****.!!!الرماح: أنتَ الجبتها لروحك يَـالغفـار.
ضحك غفـار مستهزأ بكلامهم
غفـار: اثبتلي طرفة ما جانت مهزومة
وانا اثبتلك غفـران وياقوت جانن يـم حارث.الرماح: طرفة راحت زيارة هي وخضر ،
وخضر انتكست حالتة ومدخلتة مستشفى وماكدرت
تحجي ويانه لأن تلفونها ضايع.غفـار: وأنتَ عنـدك علم بهذا الشي؟!
الرماح: لو ماعندي علم ومتأكد ما احجي.غفـار: بـس انا ما عنـدي علم بيها؟!
الرماح: طرفة بمسؤوليتي شجابك عليها؟!!غفـار: غفـران وياقوت هم بمسؤوليتي
وهـم عنـدي علم ومتأكد وين جانن شجابك عليهن؟!كلهم صفنو بوجهه غفـار ممستوعبين ،
صار ساعة ياخذ وينطي بالكلام وياه حتى
يوصله لهذهِ النقطة ويحجي الرماح بنفســه.!!
ماكدرت أتحمل تعابير وجوهم وضحكت
غفـار: ضحكة خيـر يارب.حجاها بنبرة عادي بس اتخذتها سبب
حتى انفجر مـن الضحك أكثــر،
وحسيت على غفـار يعصر بأيـدي
غفـار: وهسه عدكم شي يمنة بعـد؟!سلمان: هذهِ يسمونها *****.
غفـار: سـوالف ابوك كلها *****.حارث: هسه عوفونه مـن الـ***** واحجو
الصدك طرفة وينها؟!الرماح: كتلك طرفة هذا بيتها والبت ما
جانت مهزومة ، اثول أنتَ.!!!!
سلطان: اي انا أشهد على كلام أبوية.
حارث: يعني أنتَ جنت تعرف بيها بالزيارة؟!
سلطان: اي.
حارث: چـاا ليش جذبت وكلت ماعنـدي خبر عنها؟!صفـن يفكر بجواب وصار يمتمت
سلطان: لا انا بالأول ما ادري بيها ، بـس
بعديـن عرفت وانطيت خبر لأبوي.حارث: هـا حلو ، إذا هيـج أعذرونة عـن الأزعاج،
راح انطـي خبـر لأخوانها اكللهم جانت ضايعة بالأمام.حجاها بأستهزار ودار وجهة طالع مـن
البيت، واسمع صوتة يم باب المطبخ ضحك
بصوت عالــي وصاح
حارث: لك هااا لولايتي ما مشتاق لأبـو الحوارث؟!
أنت تقرأ
أغلال المرجان (غَـربيب)
Action• حقيقة.!!! يتشاءمون بالغُراب إِذا نعق ويتشاءمون من الغربيب إذا زهقّ بـكّرَ بُـكُورَ الغُـرابِ أذا تَـوهَق ماكـر وحـذر، شـرس، وسـفاحٌ جاء لِيشرق ويغرب في أفق منزل الرماح ذكي مُحتال يوهمهم نَدِيّ جسمهُ ماء بينما كان غربيب لا تُرى عليه أثر الدماء •...
Part 26 || خِـداع
ابدأ من البداية