لو التمني ينفع الي تمنى🤍(:

البارت6

كملوا البنات يسولفون ومبسوطين
سُلاف: الا بسألكم فهده وراه ماجات معكم؟
سلمى: خليننني ساكته عن ذي النشبه
سلاف: ليه ليه
حنين: اخس سيره
رغد: بسم الله شفيكم
سلاف: بتتكلمون ولا انطموا
حنين: هذي صايره نشبه لدرجه يبنات تخيلوا تسوي اشياء وتروح تتمسكن عند حسين اخوي
رغد: مثل وشو يعني
سلمى: مثلاً تقول له خواتك مايسولفون وخواتك اذا شافوني جايتهم يسكتون وهرجٍ مامنه فايده
سلاف: دام كذا اشوا ماجات احلام بسم الله عليها لطيفه واخلاق ماشاءالله
سلمى: يووووه ي احلام تنحط ع الجرح
جات حليمه وسحر
حليمه: بنات شرايكم نطلع السطح دام مافي احد
سلاف: تم تم بس بسوي كرك واجيكم
سلمى: البسوا اشياء تدفيكم ترانا الفجر وبرد
رغد: ايوالله توي راجعه وكان برد مره
قاموا البنات اخذوا شراشف وبطانيات ونور صغير وسلاف راحت تضبط الكرك

بالخيمه عند العيال
عز: احس اني اشتقت للعيال
مطلق: اي عيال وبعدين مو عوايدك تشتاق
حسين : خله خله ياخي عز مايعبر الا مره وحده دايم مكتوم جعل العدو بكتمه
عز: تصدقون الواحد يندم يعلمكم شيء انا بطلع اهوجس
حسين: انتبه بس
طلع عز وكان يسمع اصوات بالسطح
عز: شكل البنات فوق معناته البيت فاضي بروح اشوف لي اكل مشى من الباب الثاني حق المطبخ الي بالحوش وفتحه ودخل علطول وسلاف الي كانت واقفه وشعرها المنسدل عند المغسله وهي تحط المويا على مكان الحرق وتأفف عليها
عز انلخم يوم شافها ووقف يطالعها لفت عليه سلاف وشافته يناظرها
سلاف: عز خير وش تسوي اطلع ماعندي طرحه او شيء اتغطى به !
عز: معليش مادريت رجع وقفل الباب وتلثم بشماغه عشان يخفي ابتسامته ومشى للنياق
سلاف الي ماكانت بحال زين قعدت تفكر وتقول ببالها : معقوله ذا يحبني وش الصدف ذي الي كل شوي تجمعنا معلينا بستعجل ع البنات جات بتشيل الصحن وطلعت ناسيه جوالها بالمطبخ

البنات بالسطح يسولفون وكانت الاجواء حنونه وصوت الشجره الي من صغرهم وهي موجوده يدخل بينها الهواء واجواء الديره اللطيفه
سلمى: عاد على كثر مانتضارب انا وانتي بس والله الكرك حقك مايتطوووف
سلاف؛ بالعافيه وقربت سلاف من اذن سلمى وهمست لها:تخيلي عز دخل علي بالمطبخ
سلمى شهقت وانكب الحليب :وجع وجع
حليمه:خير وش الي وجع
سلاف:ولاشيء معليكم منها كملوا سوالفكم
سحر: كأني ناقصتك ي سلمى بالغصب افتك من عيالي تجين انتي مثل الورعان تشاهقين
سلمى: اقول لايكثر بالغلط قلنا الله واكبر ذلحين
حنين: يليل خواتي انطموا خاله كملي السالفه
حليمه : المهم واقولكم نزلت من الشقه رايحه بتقهوى لوحدي عبدالعزيز نايم
رغد: خاله معليش مابي اقاطعك بس كيف تطلعين كذا لوحدك ماتخافين
حليمه: لا هناك مو نفس الديره ترا يبنات اعرف اسوق تعلمت واطلع واجي يعني عادي وعبدالعزيز يدري بس ماعلمت خواتي هنا
حنين: اي صادقه لانهم يشوفون الاشياء ذي عيب كلها
سلاف: خلصتوا اسئله ها انطموا خلوها تكمل
حليمه : اخر مره اتكلم لا اشوف بنت امها الي تسأل المهم نزلت الكوفي وكنت قاعده اتقهوى ارسل لي عبدالعزيز قال وينك قلت بالكوفي تحت قال اجل اصبري بصلي واخلص وانزل عندك وانا قاعده يبنات جات بنت محلقه شعرها بوي ومب لابسه عبايه او شيء قعدت معي قعدت اناظرها قلت لها تبين شيء قالت جيبي لي عبايه تكفين وبيدها ورقة تنويم رحت ركض شقتي جبت عبايه وعطيتها قلت لها طيب بيجي لك احد قالت لا قلت اجل وش كيف بتقعدين كذا قالت بروح معك بيتك اخذتها بيتي وقعدت بس ماحسيت اني تطمنت وعبدالعزيز قعد يقول لي ليش تجيبينها والهروج ذي
حنين : يخا.. مامداها تسأل الا سلاف تحط يدها على فم حنين
وقالت بصوت عالي: انطممييييي
كملت حليمه السالفه وخلصت
سلاف: يويلي يخاله ليه تروحين معها ب اوبر ماخفتي تسوي فيك شيء
حليمه: وش اسوي عيت يبنات ماتفكني
حنين: الحمدلله ربي ستر ورجعتي
سحر: عبدالعزيز يدري انك ركبتي معها؟
حليمه: لا ماعلمته قلت له رحت معها الكوفي تنتظر خواتها
ومن وقتها ماعندي علم عنها الله يستر عليها
سلاف: ايوالله وين جوالي بصور القعده ذي
سلمى: شوفي البطانيه ذي يمكن عندها
حنين: مافيه الاجوالي
سلاف: شكلي نسيته تحت سلمى امشي معي
سحر: تكفون بشويش لايصحون عيالي
سلمى: الله والعيال عاد
سحر: هبي شحمه انتي مناشبتني انا وعيالي
نزلوا سلمى وسلاف وكانوا يسولفون بطريقهم
سلاف: اقولك خرشني طلع بوجهي
سلمى: يالله مدري وش نهاية صدفكم ذي اصبري بدخل قبلك يمكن رجع يسوي له اكل فتحت سلمى الباب ماشافت احد وشافت جوال سلاف اخذته وطلعت
سلاف: حيو جوالي حبيبي
سلمى: اقول انطمي بس ومشينا للبنات
فتحت سلاف جوالها وانصدمت من الاشعار الي جاها قبل خمس دقايق
سلاف: يم يمه بسم الله من ذا
سلمى الي وقفت وناظرت ورا تشوف سلاف: شفيك
سلاف: تعالي شوفي رقم غريب مرسل لي "السلام عليكم انتي سلاف صح؟"
سلمى: خير ياطير ردي يمكن وحده من البنات
سلاف : اجل اجلسي هنا نرد ثم نروح
ردت سلاف :"هلا وعليكم السلام مين معي "
رد صاحب الرقم علطول :"معك فراس "
سلاف ناظرت سلمى بصدمه وقالت : بسم الله من فراس ! من ذا
سلمى: شدراني اننا قولي له وش تبي
سلاف:"مين فراس وش تبي مني "
فراس "ابي اقولك اني احبك ياسلاف ويشهد علي ربي ماكذب عليك وابي اخطبك ب اسرع وقت بس اني للحين ماعندي الوظيفه وادري اهلك بيرفضوني حاولت ف اهلي كذا مره اخطبك بس رافضين لين اتوظف "
سلاف وسلمى يقرون الكلام ومصدومون وصدمة سلاف كانت اقوى بكثير
سلاف: من ذا كيف يعرفني يسلمى وربي ماعرف احد اسمه فراس
سلمى: يختي مدري اسأليه طيب ولا عطيني انا اتفاهم معه
رمت سلاف جوالها على سلمى وقامت سلمى تكتب "وش تبي مين عطاك رقمي ؟"
فراس :" شكلك ماتعرفيني انا اخو احلام اخذت رقمك من عندها "
سلاف عصبببت وسلمى ماكانت اقل منها عصبيه
سلاف: كييييف تعطييي اخوها رقمممي كيف كذا طاحت من عيييني يسلمى وربي طاحت من عيييني !
سلمى: لا صدقيني مستحيل احلام تسويها اكيد هو خذاه
سلاف: اذا هو خذاه شدراه عننيييي وبدت سلاف تتوتر وتخاف
سلمى رجعت فتحت الجوال لقت فراس كاتب :" لايجي ببالك انو احلام عطتني رقمك لاوالله اخذته بدون علمها"
سلمى :" وش الي خلاك تحبني واحنا مانعرف بعض اساسًا ؟"
فراس:"سوالف احلام عنك كافيه بأنها تخليني احبك وافكر فيك واهوجس فيك كل يومٍ بلياليييه "
سلمى : اسمعي بلكي الرقم لين كذا يوم اتفاهم مع احلام
سلاف: تمام بلكت الرقم ورجعت مع سلمى عند البنات وبالها مب معها

عند فراس الي اول ماجاه بلوك من سلاف انصدم وخاف : ياربي يافراس جبت العيد بنفسك انبسط الحين طفى جواله وانسدح يفكر لين نام
....