لو التمني ينفع الي تمنى🤍(:

بارت4

وأخيرًا خلصت بدريه وسلاف وندى ولبسوا عبايتهم وطالعين بيت ام يوسف وبطريقهم قابلوا حريم الديره
ام فلاح: هلا هلا ب ام سلاف
ام سلاف : حي الله ام فلاح تفضلوا
دخلت سلاف وامها وندى وام فلاح وبناتها قعدوا بالحوش وسلاف وندى دخلوا البيت حطوا عبايتهم وراحوا للمطبخ
سلاف: كييييف شكلي بسرعه
سماهر : يجننن يجننن بشكل مو عادي
كانت سلاف لابسه فستان احمر ماسك من الخصر وفاتحه شعرها وحاطه ميكب خفيف واكسسواراتها وكعبه وريحة عطرها الي تسابقها
ندى لابسه فستان اسود ضاغط لين تحت وبارز طولها وجمالها
بيادر وياسمين كانوا مطقمين نفس الفساتين والي هي فساتين متزينه باللون الكحلي ماسكه لين البطن ونفشه لييين تحت محلييين الفساتين
سماهر كانت زوجة الولد الكبير وشكلها راقي جدًا بفستانها الاسود
كيان الي لابسه فستان زيتي محليها وكثير
سلاف: انتو الي وش الحلاوه ذي ماشاءالله
بيادر: اييييي قوموا قوموا نخلص بعدها نمدح بعض
كيان: ايوالله قومٍ تعاونوا ماذلوا
كل وحده شالت صحن وطلعوا الحوش يوزعون على الحريم الي كانوا مالين الحوش والمطربه الي تجهز العده خلصوا ورجعوا الاغراض داخل
سلاف: احس اهخ متى تدق وتجي الاغاني متحمسه برقص
ياسمين: الله يعطينا خير حماسك اصبري اصبري
ندى: صدق وربي نبي نرقص ومنتظره بنات خالاتي
ياسمين: كذابه بيجون
ندى : ايه
ياسمين: يوه اشتقت زماااان عنهم كلميهم يجون الان

بيت الجد محمد كان قروشه ب اختصااار
حنين: يبنات اكسسواراتي كانت هنننا مين الزفت الي اخذتها ؟
الجده ساره: شوفو شوفو ع الالفاظ ذي استحوا على وجيهكم كبار
رغد: علمتهم ياجده ينطمون بس مايعرفون ولفت على سحر سحر تكفين ضبطي الايلاينر حقي
سلمى جات مسرعه : يويلي يمه انخلعت
حنين: وش بلاك انتي
سلمى: تقابلنا انا وعمر بالغلط بس ماتوقع امداه يشوف دخلت بسرعه المهم الي هو خلصوا ندى دقت علي تقول الناس جو
الجده ساره: فطططننننه امشي نروح والخايسين الي هنا يلحقونا
فطنه: اي قلت لك مامنهم رجاء مشينا مشينا
حنين: جده ماتشوفني تعبت وتكشخت بالنهايه تقول خايسين
جات احلام وكانت لابسه ومخلصه : بنات متى بنطلع؟
حنين: يلا الحين ماباقي الا شوي ونطلع
خلصوا البنات وكانت حلاوتهم طاغييييه وكثير دخلوا بيت ام يوسف ومعهم خالاتهم حليمه وهدى دخلوا والحريم بصوت واحد مابين: حي الله بنات محمد، حي الله بنات ساره وساره والاجواااء كلها بساطه وحنيه
عند العيال :
عمر: ياعيال احد شاف نادر
عز: ماشفته والله ليش وش تبي
عمر: ناقصنا اغراض نبيها من بيتهم ويوسف مشغول والعريس عاد مانقدر نقول شيء
عز: تمام خلاص بكلم امي تكلم احد من اهلهم وتطلع الاغراض
وعند مطلق الي كان يصب القهوه لين وصل عند ابو سيف : لا حياك ياذا الشايب
ابو سيف: تكلمني انت
مطلق: اقول امسك امسك الفنجان بس
لين وصل عند اخر واحد ورجع يسوي قهوه ثانيه ويوسف وحسين ومحمد ونياف كانوا يستقبلون الضيوف والجد محمد كان يتوسط صدر المجلس كأنه واحد من عياله ويرحب فيهم
احمد جاء عند مطلق : مطلق ياخي خلاص بطنهم صار قهوه متى يبداء اللعب والحماس
مطلق: شدراني عرسكم هو
احمد: كلنا جماعه فديتك تجهز يلا خلينا نلعب شوي
وبدت الفرقه تغني والاجواء صارت حماس بزياده والعيال كل واحد ماسك سيفه ويلعبون فيه وكل مره واحد يتوسط صدر الساحه ويلعب وعيون ابو محمد كلها فخر ب احفاده واحفاد صاحب روحه
عند البنات
سلاف: بنات برقص مين بترقص معي
سلمى: اهجدي يبنت شوي
سلاف: مقدر والله لي كم انتظظظر عشان ارقص وانبسط
وبدت الفرقه تغني اغنية رايقه:
مثل خاتم صرت انا في اصبعك
بس احبك واتبعك ..
وقامت سلاف الي كانت تحب الاغنيه هذي مره وتتمايل وترقص وكل الحريم يناظرونها وقاموا حنين وسلمى معها الي كان شكلهم متناسق مع بعض وكثييييير والحريم مذهولين من حلاوتهم خلصت الاغنيه ورجعوا مكانهم
احلام: بنااتتت استودعتكم ربي وش الحلاوه ذي
سلاف: باقي ماشفتي شيء قامت سلاف عند الفرقه تكفون نبي خطوه جنوبيه
وحده من الفرقه: ازهليني ابشري بها وش اسمش انتي
سلاف: اسمي سلاف لبى كبدش
الفرقه بدت تغني خطوه :
وانا لو بملك العالم مابعشق الا جنوبيييه
وقاموا نص حريم الديره والبنات يرقصون ومبسوطييين
جاء وقت الزفه والوقت الي بتدخل فيه بشاير
(بشاير بيت اهلها بجده ونازلين الديره بيتهم الثاني عشان العرس ومسوين العرس ف بيت ام يوسف لانه اكبر واوسع )
ام يوسف وبيادر وياسمين وسماهر وقفوا بنص الحوش وماسكين البخور ينتظرون طلة بشاير
حنين قبصت سلاف ولفت عليها سلاف : وجع خير
حنين: تعرفون البنت انتم يعني شفتوها كيف اسلوبها
سلاف: اخر مره شفتها وعمري 9 مدري10 اكيد تغيرت
حنين: بالله سولفي لنا عنها بعدين
جات الزفه ودخلت بشاير وكانت هي البنت الوحيده لا اهلها واكبر وحده وامها تغطرف ومبسوطه وحريم الديره مبسوطين ودخل العريس وطلعت بشاير معه وراحوا للفندق ..

سلاف: يوه ماشاءالله تجنن بشاير
ياسمين وبيادر بصوت واحد: ايوالله عسل عسل بتتعرفين عليها مع الايام
ندى : اي ان شاء الله نمون وتجينا ونجيها
بخيمة العيال الي للحين يلعبون ومكملين والجد محمد يلعب شوي ويرتاح شوي ومطلق وعز وعمر قاعدين يرتبون الخيمه
عمر: عز يحمار ماكلمت امك تعطيك الاغراض !سحبت علي يلي ماني بقايل
عز: كانت مشغوله مارحت ( عز كان يكذب على مطلق مايبي يقول له انه راح ولمح سلاف من النافذه وهي ترقص وحس على نفسه وقال مالي داعي لايشوفني احد راحت هيبتي بس الي صار انو سلاف جابته من اقصاااه ورجع وقال حق امه مايمديه يجي )
مطلق : امشوا نساعدهم ونرجع والله انهلكت تعبت وبنرجع بيتنا بكره
جاء محمد الي قفل من احلام : يالله يشباب بروح اودي زوجتي بيت اهلها
مطلق: اوه حبيبي حمودي
محمد: ياولد امنعنا مافيني اضرب كبر جدي انت
عز: سنعه سنعه مايستحي ذا
جاء رعد وكان مشمر اكمام يده وماسك طرف ثوبه ب اسنانه : اهخ يعييال فاتكم
عز: وش الي فاتنا مين مردغك
رعد: لا العكس انا ونادر واحمد رايحين نودي اغراض وقابلنا ناس مايستحون يعاينون الحريم
عز: وش ذا وين احمد ونادر طيب ووش صار على ذولاك
رعد: ابد احمد ونادر يشوفون اهلهم والناس راحت باقي احنا
مطلق: خلاص لاتصيح بوديك البيت
عمر: يناس شنوحه ذا
عز: مب صاحي امشوا نرجع
رعد: اي يالله مابقى شيء قفلوا الخيمه انتم واحنا بنشيل الزل
خلصوا العيال ورجعوا وكان التعب ماخذهم وناموا علطول عكس البنات الي رجعوا وبدلوا وينتظرون سلاف ويكملون سوالف واحلام الي رايحه بيت اهلها
اهل احلام:
امها(رحمه 49)ابوها(سالم50)
عندها اخوين راكان 24 عسكري مع محمد،فراس 22 بدون وظيفه طول وقته نايم او مع اخوياه ، احلام 19 ، جنى 17 وكانت علاقتهم حلوه ومتماسكه وحياتهم على قدهم وساكنين بالقريه الي جنب قرية الجد محمد بس بعيده شوي
دق الباب وراحت رحمه فتحته : هلا بنتي هلاوالله ي احلامي
احلام: هلافييييك ياعيون احلام اشتقت وجيت من العرس هنا علطول
جنى طالعه من المطبخ وانصدمت انو احلام جات: بسم الله كيف جيتي على اساس عندكم عرس ؟
احلام: خلص العرس ومحمد مداوم بكره خليته يجيبني عندكم
جنى: ادخلي ادخلي نسولف
احلام : ببدل وارجع
ضبطوا الشاهي والمكسرات وقعدوا بالغرفه وكانوا يسولفون لييين وصلوا عند سالفة العرس وكان فراس موجود ويسولفون قدامه 
جنى: كيف العرس الي رحتيه 
احلام : يجننن يجننن والبنات وكل شيء مرتب وحلو
رحمه: كان خاطري اجي بس مامداني ان شاء الله مره ثانيه
احلام: والله يايمه وسيعين صدر ويجنن كل شيء عاد بناخذ سلاف لفراس قررت انا
...