لو التمني ينفع الي تمنى🤍(:

بارت5

لف فراس على احلام وقال: مين سلاف ذي
رحمه: احلام فكينا تنشبين فكرة العرس براسه مافيني للزن
احلام: يمه سلاف بنت ام سلاف خالة زوجي اسم الله عليها بالعرس قايمه قاعده والرقص وكل شيء
فراس تحمس مع السالفه وبداء يسمع كل شيء
احلام: بس مستحيل عماتها او خالاتها مايخطبونها
فراس: لا خير يمه كلمي امها
جنى ضحكت : خير يبو الشباب بذي السرعه
احلام: الصدق البنت ماتنرد وذي مو اول مره اسولف لكم عنها دايم اسولف لكم بس شكلها امس صدق خيييالي
كملوا سوالفهم عكس فراس الي كان يفكر بسلاف ومنصدم كيف انها دخلت عقله وجازت له ويبيها !

بالجهه الثانيه بيت الجد محمد جات سلاف وشايله اكل عطوها ياسمين وبيادر ودقت الباب برجلها فكت حنين
حنين: وجع وجع
سلاف: فكي جعل العدو بالسم الاكل حار
حنين شالت صحون معها ودخلوا الغرفه وحطوا الاكل
رغد: دقيقه بشوف رعد اخوي كان جايع توه
حنين: خلاص اجل بجيب صحون راحت حنين جابت صحون وملاعق وحطت لرعد من كل شيء ولفت على رغد : بتودينه؟
رغد: ارسلت له بيجي له حطيه برا بس مافيني اطلع
فكت حنين الباب وحطت الاكل على الارض ومغطيه عليه وقالت بصوت خفيف : جعله بالعافيييه يارعدي
بدون ماتنتبه لوجود رعد الي كان ورا الجدار وبسبب الهدوء صوت حنين انسمع ورعد حس انه مو صوت رغد تقفل الباب وراح اخذ الاكل وقبل ياكل ارسل حق رغد : مين الي حاط الاكل؟
رغد شافت الرساله وناظرت ف حنين : حنين وش صار حطيتيه؟
حنين: ايه ليه
رغد: خلاص ولاشيء برسل لرعد فتحت جوالها وارسلت له"حنين حطته لك عند الباب شيله"
ابتسم اول ماقراء اسمها (حنين ورعد من صغرهم مع بعض ويحبون بعض بس كبروا وبعدوا وحنين ماتدري انها باقيه بقلب رعد ورعد مايدري انه باقي بقلب حنين )
اكل رعد وخلص وحط الاكل على جنب وقعد يتخيل حنين لين غط بنومته ، عز الي ماهو احسن منه عجز ينام وعجز يغفى بعد الي شافه ويقول بنفسه : ي الله كيييف كذا سلاف رمت حبها بقلبي من اول وجديد انشهد انها شالتني الله يجمعني فيها بس ويفكر لين غلبه النووم

غرفة البنات الي كانوا قاعدين يسولفون
سلاف: ااصه ماشفتوا نجلاااء بنت ام فلاح تخيلوا يبنات انها دخلت المطبخ ولقيتها تكلم وتقول حبيبي بعدين اكلمك !يويلكم تعلمون احد !
سحر: ترا سمعتها مره في عرس الجوهره بس ماعطيت الموضوع اهميه احسب اخوها او شيء
رغد: مستحييييل اخوها تكلمه بعدين !
سلاف: مدري مدري عنهم بكيفهم
سلمى: فيه إن بالموضوع عاد الي هو كيفها والله خلوها لاتتكلمون
وكملوا يسولفون ويشوفون الصور وكل شيء
سلاف: اقولكم تدرون احس بشاير ماراح تتعود على الديره تعرفون انتو جده كيف
سلمى: اذا بنات عمتك كويسين بتحبها صدقيني
حنين: هم طيبين بس عاد ماتدرين اهلها مب هنا
ندى : شفت اخوانها الصغار يصيحون قطعوا قلبي
سلاف: اي شفتهم يزعلون مره
سحر: الي صدمني امها ما شاء الله ماصاحت
حنين: اكيد الفرح غطى ع الحزن
حليمه الي قامت بتشرب مويا وسمعت سوالف بالغرفه فتحت الباب وشافتهم منسدحين ع الارض ويسولفون
حليمه: يالضفعه انتي وهي وهي وهي
ضحكت حنين: خاله وحشتيني تعالي تعالي
سحر: لو سمحتو انا وهي دايم مع بعض وخرو يالورعان
دخلت حليمه الغرفه وقفلت الباب وكملوا سوالف ليين غطو بنومهم
جاء الصباح وللحين نايمين حتى ابو محمد الي قام بالغصب بعد ما الجده ساره عصبت : ممحممممد اصحى الصلاه من متى تخليها !
قام الجد محمد : ياساره الله يصلحك قايم انا شوفيني قام وراح يتوضى وراح الخيمه يشوف العيال وكانوا منتهيين حاول يصحيهم لين صحيوا وراحوا للمسجد وخلصوا ورجعوا البيت يكملون نوم
عند البنات الي صحيوا كلهم ماعدا سلاف وسلمى لانهم كانوا مواصلين واخر ثنتين ينامون
الجده ساره كانت بالحوش مسويه قهوه وتمر الجو بارد ودخلوا الجد محمد والعيال
الجده ساره: هلاوالله بعيالي تعالوا سخفوا بها شوي تدفيكم
مطلق: لا ياجده بالعافيه ابي انام والله
عز وعمر ورعد : وانا معه،حتى انا بروح انام، بالعافيه ياسارونه
الجد محمد: اعقب وش سارونه
رعد: جدتي ياجد معليش
طلع محمد من الخيمه وكان شايل اغراضه ولابس بدلته سلم على جدته وقعد يتقهوى معها
الجده ساره: وين رايح
محمد: دقوا علي من الدوام لازم اروح وبجلس اسبوع
الجده ساره: واحلام وينها فيه
محمد : وديتها بيت اهلها امس
جات هدى سلمت على ولدها وسولفت معه وطلع محمد للدوام وكانت عنده مهمه وصل وقابل المدير الي سلم عليه واخوياه الي قابلوه ب ابتسامه ومحمد ماكان داري وش الي صاير
اللواء عبدالعزيز: مبروك الشيخ محمد ترقية عميد
محمد الي انبسط بس مسك نفسه قدامهم وقال بصوته الثقيل: الله يبارك فيكم ي اخواني وعقبااال عندكم ان شاء الله
دخل محمد وكان معه اللواء عبدالعزيز وكم عسكري
عبدالعزيز : يامحمد فيه كم عصابه يتنقلون بسيارات مختلفه وعلى حسب الي وصلنا انهم يندسون ب القرى بنشدد عليك الفتره ذي ياعميد وانت قدها ان شاء الله ومافي انسب منك للمهمه هذي
محمد: سم طال عمرك
طلع عبدالعزيز ومحمد اخذ جواله بيدق على احلام بس جاء راكان وحضن محمد: مبروووك يا اخوي تستاهل كل خير
محمد: عقبببالك ياراكان ان شاء الله ونفرح فيك
راكان قعد وناظر ف محمد: امين وبعيالك يارب ويشبهوني
محمد: اذا بيجوني عيال يشبهونك اجل مابيهم دقيقه بطلع اكلم الاهل
راكان: كلنا ندري انك بتكلم احلام الا انت
ابتسم محمد: دز دز يالنشبه
اخذ جواله وكلم احلام واحلام انبسطت اضعاف فرحة محمد وبشرت اهلها قفل محمد من احلام ودق على امه وعلمها وكانوا كلهم فرحانين له
بيت الجد محمد
صحيت سلاف على غطاريف واصوات عاليه طلعت عندهم وتناظر فيهم: وش فيه
سلمى: اخوي صار عميد
سلاف: اي اخو
حنين: مين من اخواني متوظف
سلاف: محمد
حنين: اجل هو يالدلخه
سلاف : مبروك يخاله ومبروك ي الضفعات
سلمى: ابوووو ذا الوجه اوريك
قامت سلاف تجري وسلمى تجري وراها وقفلت سلاف على نفسها بالغرفه وسلمى تتهدد فيها
الجده: وش الصياح ذا
سلمى: تقول عني ضفعه
الجده: خير ياطير ذا الصدق
سلمى: افا بس اطلعي اطلعي عليك الامان دام جدتي معك
طلعت سلاف وهي تضحك والجده ساره تضحك
فطنه: رغد نادي سهى وامشي بنرجع البيت
بدريه: بدري
فطنه: لاخلاص سهى وراها مدرسه
هدى: الله يحفظكم
رغد: يمه خليني هنا ماعندي دوام
الجده ساره: وهي صادقه خليها ليش تروح
فطنه: ماشاءالله ومين يعينني بالبيت
الجده ساره: ماراح تحتاجين شيء عيالك كبار
فطنه: يالله ياقل حيلي عاد دام امي تدخلت ماقدر اقول شيء
طلعت فطنه وسهى ورعد وعمر كانوا ينتظرونهم برا
رعد: رغد وينها
فطنه: عيت تبي مع البنات
عمر: اي خليها تستانس تطفش لوحدها بالبيت
مشوا متجهين بيتهم الي بالحاره الثانيه ورغد عند جدتها ساره مع سلاف وندى وسلمى وحنين
هدى: سلمى سحر حنين خليكم جاهزين اي وقت بنرجع
حنين: اما يمه ليه
هدى: ابوكم لوحده لو علي تركتكم
سلمى: تمام معليك جاهزين حنا 
...