أغلال المرجان (غَـربيب)

Part 25 || نهايات

روكان: إذا ما أحترمت روحك افلشة على راسك.

همه متناگرين واني عيني على الباب
وين ياقوت؟! ليش مو وياهم؟!
باوعت على غفـار كان مركز نظراتة عليه
تقربت مـنه بخطوات بطيئة وواضح
السـؤال بعيوني قبل لا ينطق لساني
غفـار: ياقوت بخيـر وراح ترجعلج.

اترخصت مـن روكان ودفعت غفـار للغرفة
التعب متجسد على ملامح وجهه
سحبني مـن أيـدي كعـدني بحضنة واني
حضنتة بقـوة دموعي لا ارادياً صارت تنزل
مُرجان: خايفة غفـار.

غفـار: لا تبجين يَـابعد غفـار ماكو شي يخوف.
مُرجان: اخذني لمكان بعيد، بعيد كلش عـن مشاكلهم.

رفـع راسـي يمسح بدموعي ويبوس بوجهي بهدوء
غفـار: مُرجانتي حَبيبة عيـوني.

مُرجان: حبيبة عيونك مأذينها.

غفـار: أضمج بمحراب كلبي مـن الأذية.

رجعت حضنتة ضامة وجهـي برگبتة
إذا عيشتي وبقائـي ويا غفـار يكدر يغير
تفكيرة بالأنتقام راح أبقى.!! راح أخـذه وأطلع
مـن بيت المصايب.!! أضحي اني ولا الكل تروح ضحية.!!
عصرني بحضنة ويستنشق عطر شعري بقوة
غفـار: وصلنا لنهاية الطريق مُرجانة لا تضيعيني.

بقيت صامدة بحضنة لفترة بعـدها أبتعدت
امسد على وجهة لحيتة عيونة كل تفاصيل وجهه
مُرجان: الريل ما راح يهجر محطتة.

أبتسم وطلع تلفونة مـن جيبة
غفـار: چـاا أتصلي على الفضل خلي ينطي
خبـر لأهلة وعمه طرفة رجعت حتى افرح كلبج.

ما كنت فاهمة خطوتة الجاية شنو بـس
سويت مثل ما كال، اتصلت على الفضل انطيتة خبر
بكلام غفـار وغلقتة، ردت أبتعد بـس ما سمحلي
غفـار: خلي الروح ترتوي.

نظرات عيونة.!! كلامة.!! نبض كلبة اللـي داحس
بـس كلها تشرح مـدى حُـبه لـ مُرجان.!!
بـس رافض يعترف وإكيـد اكو سبب.!!
مُرجان: نـوح شلونة؟!
غفـار: ماعنـدي خبـر عنه.
مُرجان: بيت المياحي منو؟! شعدهم وياه؟!
غفـار: ثار بدون ذنب.

قبـل لا اسأل رفعنـي مـن حضنة
لأن صارت اصوات ولد الرماح بالصالة
أخـذ نفس عميق وسحب رقبة البلوز مالتة
زفر انفاسة بهدوء وفتح تلفونة دز مسج وغلقة
أشرلي على الباب وأبتسم
غفـار: مدام مُرجانة أتمنالج مشاهدة مُمتعة.

داخلي صار يغلي مـن الفضول
فتحت الباب ورجعت عليه دفعتة للصالة
الرماح وولدة مهوسين واحـد يصيح على الثاني
بسبب أختلاف الرأيي حول شردة طرفة.!!
مُرجان: شراح أستفاد اني من هوستهم؟!
غفـار: القادم أفضل يِرياقي.

ثبتت نظراتي عليهم بـس ما همني كلامهم،
قطع حديثهم المزعج صـوت حارث العالي
دخـل مـن باب المطبخ يصيـح
حارث: وينكم يا أهـل الدار؟!!

دخل يمشي بهمة وكف عنـد الباب وضحك
مـن صارت عينه على الرماح وولـدة
غفـار: الصيصان ملتمين يم الصوص الجبير.

حارث: لو بيهم لحمه جان واحد سواهم مشاوي،
بـس يلا مو مهم راح نشويهم بغير شـي.

كلها صافنة عليهم محـد مفتهم شدايحجون
رجع راسة حارث باوع للمطبخ وصاح
حارث: تعالـي يابعد اخوج وعشيرتة.

كلبي انعصر واحـس روحـي فرفحت اكيد ياقوت،
صوت خطواتها احسه يشخط كلبي
بـس الصدمة الصارت مـن دخلن ياقوت وغفـران
لازمات ادين بعض بقوة ويمشن سـوة
حارث: بناتكم جانن بـ أمانة أبـو الحوارث،
ونريد طرفة بنت الراهب الجانت بـ أمانتكم.

...
•••••••••••••••••••

📌توقعاتكم طرگاعاتي 🍊.

📌لا تنسون التصويت والتعليق بين الفقرات
+متابعة حسابي انستا itsara.kh