ياقوت: احجي عدل نـوح، او بالأصح لا تحجي رجعني لأخواتي وهسه.!!!
عاط بيه بعصبية رجفني
نـوح: ولِـج تموتيييين.!! يذبحونج والله يذبحونج.!!
انا لو أدري تضلين عايشة شسوي بيج مخليج هنا؟!!!
نزلـن دموعـي مهضومة وصرت اشهگ
ياقوت: وأخواتي؟! راح يأذوهن ما يرحموهن.!!
نـوح: أخواتج بخيـر أنتِ الوحيدة المو بخير ياقوت.
كعدت بزاوية الغرفة حاضنة نفسي
أرجـف وأبجـي أحـس بيبان الدنيا انسدت بوجهي،
كعـد كدامـي وأخذ نفس عميق ويحجي بهدوء
نـوح: أنتِ يمي حتـى أحميج مو أأذيج ثقي بيه.
ياقوت: شنـو أكثر شي تحبه؟!!
عگد حاجبة مستغرب سؤالـي وانـي بقت
نظـرات عيوني تتوسله على جـواب،
لعق زاوية فمة ورفع راسه يبعد نظراتة عنـي
نـوح: شيبات امي، ليــش؟!
ياقوت: أحلفك بشيبات امك لا تأذيني،
لو ردت تصير مثلهم أذبحني وخلصني بس لا تأذيني.
باوعلي بسرعة واستوطنت عيونة النظرات الحزينة
نـوح: ياقوت انا لو أريد أذيتج جان رجعتج لأهلج.
ياقوت: خايفة والله خايفة كلها عذبتني.
نـوح: أنتِ أمانة يمي ياقوت،
وعنـد نوح نحر المنحر ولا غدر الأمانة.
ياقوت: أمانة منو؟!
نـوح: أمانة الله ورسـول بالأول وبعدين أبـو الحـسن.
ياقوت: شوكت راح ترجعني؟!
نـوح: مـن نكـدر نأمن على حياتج.
ياقوت: وإذا ما كدرتو؟!
نـوح: وسفة عليج يا حفيـدة الرماح، ماكو شي
ما نكـدر عليه بس نحتاج وگـت.
بقـى يحجي وياية ويشرحلي الوضع،
وهـم طمني على أخواتـي وحلفلي هنه بخيـر،
والوضـع والأمور كلها متعلقة لحـد ما يرجـع غفـار،
بقيت كاعدة عنـد كلثوم ونـوح يمر مرة او مرتين
باليوم يطمن على الوضع ويجيب أكل ويروح
ودائماً قبـل لا يروح يسأل نفس السؤال
نـوح: أخذتي علاجج؟! محتاجة شي؟!
كولي لا يردج إلا لسانج.
ياقوت: ما أريد شي.
نـوح: حجيك وياي معلگ يا أبن الناس.
ياقوت: وأنتِ شعليج بيه شلون احجي؟!
نـوح: چـاا شواربي مو بعينج تكليلي ”شعليج“؟!
ياقوت: أنتَ تحجي وياية بصيغة مذكر وانا سويت مثلك عكست الحوارات.
نـوح: وإذا نـوح يهلهل بالشارع تسوين مثلة؟!
ياقوت: طبعاً ششوف منك أطبق عليك.
هـز أيدة وطلع مـن البيت بدون يحجي
شـي بعـد، وهيـج صار يمـر الوقت بين أربع حيطان.!!
حـدي أفتر بحديقة البيت المترة ونص وأرجع للغرفة
أبقـى مكابلة كلثوم وأحاول احجي وياها
ياقوت: خالة هم تعرفين هنا سحارة؟!
KAMU SEDANG MEMBACA
أغلال المرجان (غَـربيب)
Aksi• حقيقة.!!! يتشاءمون بالغُراب إِذا نعق ويتشاءمون من الغربيب إذا زهقّ بـكّرَ بُـكُورَ الغُـرابِ أذا تَـوهَق ماكـر وحـذر، شـرس، وسـفاحٌ جاء لِيشرق ويغرب في أفق منزل الرماح ذكي مُحتال يوهمهم نَدِيّ جسمهُ ماء بينما كان غربيب لا تُرى عليه أثر الدماء •...
Part 24 || فُقـدان
Mulai dari awal
