ردت احجي وبلعومي تجرح كثر ما يابس
صرت أگـح وأحـس ألم ببطني كطعني،
نهض نـوح مخبوص جاب ماي ورجع كنبص
كدامي يريد يشربني ماي بـس كنت خايفة.!!
خايفة مـن الماضي الأسـود التارك رهبة بداخلي.!!
ضميت نفسي ويا الحايط رافضة مساعدتة
ياقوت: رجعني عفية ما أريد ابقى هنا.
بقى يباوعلي بحيرة واني أنهاريت أبجي خايفة
عاف الماي قريب منـي وأبتعد لورة
نـوح: ما أأذيج انا ياقوت لا تخافين أهدي.
كلثوم: سودة بوجه اللـي مخوفها، مهبوطة هذه البنية.
نـوح: حجية رحمة لغاليج أهتمي بيها راح انتظرج برة انا.
طلع وعافنة وكلثوم انطتني ماي وتمسد
على شعري وتقرأ آيات وادعية وهواية
سوالف ما فهمتها، كعدت علـى حيلي جسمي
يوجعني مـن كثر الضرب والجروح بسبب سلطان
مررت أيـدي على بطني شعور يكلي بطنج فارغة
بجيت بصوت عالي ورفعت راسـي على كثلوم
ياقوت: ابني ابني شصار بي؟! ليش ما أحس بي؟!
كلثوم: يايمة سودة عليه مو زين وأنتِ عايشة،
وصلتي جثة يا يمة وابنج طايح.
الكلمة اللـي ما اتمنيت ولا مستعدة اسمعها
حضنت بطني بثنين ادية وانطويت على نفسي
صرخت أصرخ مـن وجع كلبي.!! مـن عذابي.!!
مـن حزني على طفلي اللـي قتلو قبل لا يجي.!!
ياقوت: ياريت ميتة وياك يَـالحرموني منك.
كلثوم: بعدج صغيرة يا يمة وتجيبين بدل الواحد عشرة كولي يا الله.
كلشي أتراكم عليه الدنيا كلها طاحت على راسي.!!
مجـرد نبض بداخلـي اتعلقت بـي
الله يساعد كلب كل أم فاقدة أبـــن.!!!
بقيت إيام ليل مـع نهار اني أبجـي
كلثوم ونـوح يوصلون مرحلة مـن العجز
يكعدون كدامـي ويسكتون ما بيدهم أي شـي،
بـس الوضع كان صعب على نـوح يشوفني
بهذهِ الطريقة، صار يضربني أبـر مهدئة حـتى
أرتاح وانام ومـن أكعـد أحاول أتقبـل بـس
ما أكـدر التفكير يشل عقلي وأرجع أنهار
وأصــرخ علـى نـوح ما أعرف شريد
ياقوت: رجعني لأخواتي رجعني.!!!
أنـدار على كلثوم بصعوبة لازم اعصابة
نـوح: الغالية بدون أمرة عليج خلينا وحدنه.
كلثوم: عوفها يمة البنية بعدها مصدومة.
نـوح: ماراح أذبحها بس أحجي وياها.
ياقوت: ما تطلع ما أريد احجي وياك رجعني لأخواتي.
بقى يباوع لكلثوم وهي هزت راسها بيأس وطلعت
أنـدار عليه يفرگ بلحيتة متنرفز
نـوح: أنتِ اكو عقل براسج؟! لو أخذتة روجة النزيف؟!
YOU ARE READING
أغلال المرجان (غَـربيب)
Action• حقيقة.!!! يتشاءمون بالغُراب إِذا نعق ويتشاءمون من الغربيب إذا زهقّ بـكّرَ بُـكُورَ الغُـرابِ أذا تَـوهَق ماكـر وحـذر، شـرس، وسـفاحٌ جاء لِيشرق ويغرب في أفق منزل الرماح ذكي مُحتال يوهمهم نَدِيّ جسمهُ ماء بينما كان غربيب لا تُرى عليه أثر الدماء •...
Part 24 || فُقـدان
Start from the beginning
