Part «47»

32.7K 2K 426
                                    

#العُـقـاب 13

بقـلــــمي :- زاي العَـنـبـري 💚

لتنسون التصويت + التعليق بين الفقرات + متابعة حسابي الشخصي Mszay7 🌿.

°°
لا بيه اكُلك لا تجي
ولا بيه أكول أرجعلي
دوامه وتودي لحرب
مابين گلــبي وعقلي
خايف أجيك بلا وعِي
وما بيك تستقبلني
أنه أعرف تحب تبتعد
بس ما عرفت تحبني .

• ــــــــــــــــــــــــــــــــ( 🦅 )ـــــــــــــــــــــــــــــــ •

رحـــمة "

نايـــمة وأحس بجسمي يتحرك ؏ شي ناعم ، ضغطت
ضهري علــيه وغصت بـ ملمس الأغطية الحريرية
اللي متغطية بيهه

فصلت رموشي المشابكة بتعب
توضحت الرؤية تدريجيًا عندي وقابلني سقف مُزين
تنهدت بتعب من تذكرت آنـه وين والله ڪل ظني
بعدنـي بالقرية بـ بيت نجــلاء .

انتبهت لروحـــي نايــمة ؏ الچربــاية
عگدت حواجبي وتمتمت مستغربة :- هاي شوصلني!

-حضرتي .

طفرت من مكانـي نازة
يمه الله لا يطيه انخمش گلـــبي

منتچي ؏ تاج الچربـــاية
وإيدي بشكل هرم جوة حنچة
يباوعلي بنظرات راخية مستمتعة .

خزرته وشمرت الغطا گايـمة
أدري ماكو فايدة من المعارك وياه
مبينة سوة هيچ حتى يستفزني لا اكثر !

دخلت للحمام غسلت وجهي وفتحت شعري مشطته
عدي مشاعر خاصة للتمشيط داخل الحمام

باوعت لروحــي
فلك طرنــي دشاشتي فوگ من الركبة
رجليني شحـم معكوسات لأن لابسة اسود
نزلت بيهه ماتنزل اهوو هسة عادي وإذا طُز بـي

مو رجال حتى تستحين منه رحايم
خيولي ماحاسبته رجال إي اصلاً انتِ حتى تبديل
بدلتي گدامه اعتبريه حاله حال المروحة جماد لا اكثر

حتى المروحة هم تتحرك
يله حاله من حال الحايط جماد بالغرفة مو شخص .

ابتسمت بقوة ونزلت دلعة الثـوب عن متني
كزبرت من الهوا طگ متني المكشوف هزيت راسي
بسرعة أحـچـي :- اشش شبيچ ولچ خليچ قوية

نثرت شعري ؏ وجهي ومتوني
ابتسمت من حسيت بأطرافة لاحت افخاذي من وره

سحبت نفس قوي وطلعت من الحمام
شفته ؏ نفس گعدته وتليفونه بإيدة يباوع بتركيز

من حس بحركة رفع عيونه
تمغطت ومشيت ناحيـة الجنط الچبيرة
خسارة نيشانـي أذبه إلا استفاد بيهن قطعة قطعة

سحبتهن جنطتين يم الكنتور
فتحت وحدة من الخانات بيهه ملابسه
سديتهه وفتحت غير خانـة ، چانت فارغة كلش

العُقاب 13حيث تعيش القصص. اكتشف الآن