#العُـقـاب 13
#بقلـــمي: زاي العَـنـبـري 💚
لتنسون التصويت + التعليق بين الفقرات + متابعة حسابي الشخصي Mszay7 🌿.
اصدمـني اريد انصدم
عشرتنه چانت صدگ ؟
لو هيچ للونسة!
هذا الأحساس الچنت ،
اتمنى ما حسه ..
• ــــــــــــــــــــــــــــــــ( 🦅 )ـــــــــــــــــــــــــــــــ •
رويدة "
رجعت للبيت إللي أول ما اجيتله چانت الدنيا طالعة
من عيني بس للأسف مرات الحقيقة مُـرة وهالمرة
اكتشفت انُ هالبيت أحسن من بيت اهلي
ماتعودت اشوف هالحقد والغِـل الموجـودات داخله
المصايب والصدمات ، الحقارة وعدم الأمـان!
-وين صافنة
سحبني من تفكيري صوت يعرُب ، ابتسمت بهدوء
رويدة :- أفكر بتصرفك الحلو وي اخوتـي .
يـعرُب :- همَ خوش زلم
رويدة :- تـنـهدت بـ خفوت مبتسمة ، حط صحـن
الفواكه ؏ الطبلة وگعد بصفي صافن بوجهي..
غطيت خدودي وهمست :- اكو شي غريب بيّه؟
يـعرُب :- لا
رويدة :- چا ليش صافن بوجهي؟
يـعرُب :- صافن بجمالچ ، انه ما استاهلچ .
اختفت ابتسامتي وسألته مستغربة
رويدة :- ليش تحچي هچـي؟
تنهد وحچى بحزن
يـعرُب :- ما ادري رويدة ، آنــي ما اضم عليچ خير
من الله مصادق بــنات ومراسل ومتواعد وياهن
وانتِ نظيـفة تستاهلين واحد نظيف مثلچ
بزنــي گلــبي وهمست
رويدة :- ي-يعني مسوي حرام وياهن؟ ز-زانـي؟
يـعرُب :- لا شنو السالفة مو لـ هالدرجـة ، صحيح
ما اصلي وطايـش وضارب الدنيا چلاق بس مو
هيچ اروح ازنـي! تره اظل مسلم واعرف الله
رويدة :- زيـن شنو اللازم افهمه من حچيك؟
جر حسرة شگت صدرة وگال بحيرة
يـعرُب :- ما اخليچ تروحين حتى لو ما استاهلچ
ظلـي ڪِلشي ماريد بس اباوع بوجهچ يومية.
رويدة :- يـعرُب جاي تشوشني !
يـعرُب :- هو صوچـي آنه من البداية وافقت
رويدة :- على شنو !؟
هز راسه وهمس "هيچ" عيونه ذبــلانة وحزيــنة
حطت إيدي ؏ خدة ابتسم وغمض عيونه..
أنت تقرأ
العُقاب 13
Mystery / Thrillerمن أرضِ الشجَرة الخبيثة تبدأ الحِكاية.. "العُقاب 13" بقلمي: زاي العَنبري. لا اُحلل اخذ الرواية ونشرها كاملة في الواتباد 🧡.
