الرحمة 2 MERHAMET

PART 56 || Red Twilight Fin ||

نطق باها : تهلا سي رضى راه هزيتها من قلبي حطيتها بين يديك

رضى حط يديه فوق يديها و كيطمأنو بعينيه : كون هاني نسيبي بنتك امانة عندي و تا حاجة متمسها او تآذيها، وخا يبقى عرق واحد فيا كينبض، امانتك في الحفظ و الصون

تسالمو و خرجو باش إكلسو بين الناس ويكملو الأمسية ديالهوم.

فنفس المدينة فجهة ثانية، العشية كـانت گالسة كتفرج بعد يوم راحة كامل فدارها مرتاحة، يوماين مادواتش معاه شافتو غـبر عضات فشفايفها مبسمة داخلة بغات تسيفطليه ميساج وتراجعات فآخر لحضة، تاسمعات الصونيط قلبها ضرب بسرعة أكيد وأخيرا جا لعندها، ناضت بزربة حطات يديها على البواني وبجهد فتحات الباب بضحكة نطقات: جيـتـــ...

ماكملاتهاش تلاشات ضحكة شوية بشوية، اليد فشلات، والقلب وقف بصدمة، من كترت صدمة الموقف مابقاتش عارفة شنو تقول تبسم ليها وتقدم شي لي خلاها ترجع باللور تاكانت غاطيح لو ماشداتش فراسها سد موراه الباب ونطق: مرتي العزيزة ؟ !

كتحاول تستوعب شكون واقف قدامها: ز ز كرياء

زكرياء: فين كنتي كتفكري أغيثة تانسيتي واش أنا كاين فحياتك.

بصدمة مزال ماقادراش تفرز هضرتها: ش ش كك ا دير ه نا .

كانت غاطيح تادور يديه بزربة من مور ضهرها ونطق بصوت خافت: جيت نحضر لزواج صاحبي

طلع راسو بحالي زعما بغا يصحح: اسمحلي أولا نقول الحبيب ديالك

جمعات حجبانها فيه باغا تفهم حقق مزيان فعينيها: رضى الورياغلي.

زادت فشلات كثر تاخواو بيها الركابي القلب ديالها ترضخ والودنين ديالها تنفخو بلي سمعات : ك كيفاش ص صاحبك

زيرها لعندو وطلع يدو لحنكها تاغمضات عينيها ميلة راسها: آآخ أغيثة آخ، كيفاش قدرتي ديري فيا هاكا ؟ ماعرفتيني حي ولا ميـ ـت مشيتي كتجري لأحضان صاحبي ؟

ركابيها خواو بيها بالكاد شادا راسها كمل: شنو كيحسابليك ههه تيقتي أن رضى غايبغيك لدرجة كتفكري طلقي مني وتزوجي بيه، تيقتي غايتزوج بوحدة بحالك أغيثة ؟ الورياغلي غيدي وحدة لا أصل لا مفصل،بنت الحرام يديها على سميتو

ضحك: كيف العادة لي جا كيلعب عليك ولعب براسك ويتفلا عليك كياخد لي بغا ويمشي بحالو !

شفايفها بداو كيرجفو طلع ليها التصويرة ديال رضى واسلام فالبرزة حلات عينيها كتحقق تاميلات راسها وشفايفها مفارقين بشوية كتشوفو ضاحك شاد فيدين اسلام كيبوسهوم.