سرعان ماتحولات ملامحو لأكثر صلابة وهدوء مد لصاحبو الكونطاكط لي شافو البلان ونساحبو ديجا كيعرفوها لما لا وهي من عائلة أكابر وعائلة الوزراء.
قرب ليها بشوية دار يديه فجيبو تاناضت من فوق طموبيلتها متقدمة ليه هضرات بنبرة متلاعبة : الورياغلي لي تقلبي عليه فطنجة كاملة وماتلقايهش!
رضى: نفهم من كلامك كتقلبي عليا ابنجلون؟
إسلام: بغيت نفهم شنو باغي تصنع، شنو مخليك ماتحطش عينك فعيني ولا تبغي تشوفني !
نفخ راد راسو لجنب: سيناريو ديال ديما كيتعاود
بصرامة هضرات بعصبية: ريضاااااا
رضى: نزلي صوتك منين تكوني كدوي معايا
إسلام: ماغاديش نزلو يغاوقع غاتخليني كيف كدير ديما؟
هز يديه ضربهوم ببعضياتهوم: إسلام أنا وياك قصة قديمة سالات وماغاتوليش ترجع فهميها الصفحة لي طويتها مكنوليش نطل عليها
إسلام: قصتنا ماشي ورقة من كتاب قصتنا كتاب حياتك كامل
رضى: سكرتي؟ ولا طانزة عليا ولا على راسك ؟
إسلام: نتا باقي باغيني وكتكذب على راسك، أي واحد فهاد الدنيا تقدر تكذب عليه إلا أنا تسنيتك تعيطل...
قاطعها بالغوات: علااااش غادي نعيطليك !!!
ردات عليه تاهي بالغوات: كوون ماكنتيش بااغييني ماغاديش تجي لعندي نهار ضلماتك دنيا
رضى: جيت عندك حيت سالاو القـ ـحاب من حياتي، صافي هادشي لي بغيتي تسمعي ؟
* ايتوزين
أمينة دخلات للدار سلمات على مها عاد كملات لبيتها حيدات المحفاضة كانت ثقيلة، ورمات الطابلية: لو يديرو لينا البدلة كان غايكون حسن ففف.
غسلات وجها ورجعات لبسات بيجامة هاد العشية خاوية بعدا اتكمل مسلسالها وفنفس الوقت تحفظ وتكمل لي عليها، قرايتها ماكزگل منها والو وذكية تبارك الله دغيا كتفهم قافزة، كتجيب معدالات كبار وداكشي لي مصبر باها باش مايخرجهاش من تما كتمنا تكمل تالباك وديك ساعة ترغب خوها يعاونها تكمل قرايتها فشي جامعة لي كبيرة، حلمها تولي طبيبة بغات واحد النهار تشوف راسها كتعالج ناس وتولي عندها مكانة كبيرة بين عائلتها واخا عارفة الحلم صعيب وهي فهاد العائلة، سميرة كانت واخدة عليها حمل كبير وأغلب الدق كتاكلو عكسها هي لي كانت نسبيا محيدة عليها العين ودابا منين مشات سميرة حسات بلي رجع كولشي ليها هي، هبطات تغدات مع مها غير بجوج لي كانو كولشي خارج سالات طلعات لبيتها قفلات عليها وهزات تيليفون لي عطاتها ختها فرحانة بيه بزاف خصوصا انه عارفاه غالي واخر ماكاين فالايفون، غير تصاور كيجيوها كيحمقو دارت تاهي سوشل ميديا لراسها ومبلوكيا العائلة كاملة والا غايقتـ ـلها باها، فتحات الانسطا كدور فيه ولاو عندها متابعين، واخا قلال غير لي كتعرف من الكوليج وكدوي مع صحاباتها منو.
YOU ARE READING
الرحمة 2 MERHAMET
Romanceبين الحياة والموت .. الحق والباطل .. الابيض والاسود .. الاستقامة والاعوجاج .. الخير والشر .. القسوة واللين .. خيط رفيع اسمه " طـَـه الوريـــاغلي " قصة الجيل الثاني منفصلة عن الجيل الاول تحذير قصة جريئة.
PART 51
Start from the beginning
