مهرة ألغضب

part 17

‏عَلَمتني الحياة ألا أنتظر،، لأن الإنتظار قلق دائم ،،
علمتني أن أطمئن بأن كل ما سيكون لي سيأتي لا محالة،،
علمتني ألا أتعلق أو أتمسك، فكل من يريدني سيبقى ، وكل من يستغني عني سيرحل..
علمتني أن لا أتخيل مكانتي في قلوب البشر ، مكانتي ستظهر في تصرفاتهم وكلامهم معي..
علمتني أن من يحب لا يجرح ، ومن يقسو لايحب،،
تمر الأيام والسنين وتبقى الحياة دروس لا تنسى..
نموت ويبقى الأثر ..

_____________________________

غضب : هاذا اخو جدج بمستشفى ......
مهره: ليش شبي
غضب : كومي هسه نشوف شبي
كمنا رجعنا للبيت وصلني وهو راح للمستشفى دخلت للبيت شفت فدك راجعه
مهره: صباح الخير
فدك : هله عيني وين جنتي بليل مو اكول اكح........
مهره: راح اسوي نفسي ما سمعت
عفتها ورحت الغرفتي الجديده الي هيه غرفة غضب صعدت رتبتها وعدلتها غيرت الفراش مال جربايه رحت سبحت وبدلة خليت مكياج وعدلة نفسي اباوع بلمرايه طالعه اخبل صار هواية ما معتنيه بنفسي او حاطه مكياج كويت شعري اني شعري سرح وناعم بساع يصير كملت  ضليت كاعده اكلب بلموبايل شفت غضب تاخر غفيت وما حسيت الا على واحد يكرص خدي باوعت عليه
مهره : غضب امنيتي انام وما تكعدني
غضب : طالعه كيك ولج
مهره: شكراا ايي شنو صار وياك
غضب: كلها تتمرض الا هو غير مرض عود واللسانه يلعلع اكله تزوجت يكلي جذب تردون ورثي ههههههه
مهره: عوفه خل يولي
غضب : ايي عوفي نتجه الج تعاييي

اخذني بين ايده العالمنه الخاص الي ما بي مشاكل او هموم
ضلينه سويه نسولف ونضحك الحد المغرب طلب من المطعم نزل هو ايجب الطلب وصعد اكلنه
كتلنه خل ننزل جوه ما قبل ضلينه كاعدين وندك الباب كام فتحه فات عمي هو وفدك حجو ويانه عمي يعرف تزوجنه اني وياه وفرحان بينه اخذ ايدي وحط بيها علبه مزغرفه وصندوك فتح الصندوك طلع طقم ذهب يجنن وجبير
عمي : اعرف مقصر وياج هاذا شي بسيط
ولله يا بنيتي الزوج الصالح احسن من زواج وعرس ورا العرس يطلع الزوج ما يستاهل
مهره: لله يحفظك عمي ويخليك سند الي
فدك : هاج هاي
مهره: شكراا
فتحتها قطعة قماش شكرتها
غضب : يله تصبحون على خير تاخر الوقت
عمي : أيا طايح الحظ
غضب: هسه شكايل عمي انريد أنام احنا دجاج أنام من وكت
كما اكرص بي قوي اريده يسكت
عمي كان يغلط عليه وطلعوا
مهره: هاي شنوو سويت
غضب: اريد انام وهو هواية يحجي
مهره: مو عيب هيج تحاجي تحسسني صاحبك مو ابوك
غضب: توتو احبه هاذا الرجال حيل احبه
مهره: ما طول اتحبه غير تحترمه
غضب: منو كلج ما احترمه
مهره: تصرفاتك
غضب : شبيهن يخبلن مثلك

دك موبايلي رحت ارد لكيته رقم غريب بس على سيمكارة الشغل يدك
ف

تحت خط
مهره: الوو
: السلام عليكم
مهره: وعليكم السلام
: مو هاذا رقم المحاميه مهره
مهره: ايي تفضل بشنو اساعدك
: بنيتي داخل على لله وعليج
مهره: كول عمو وانشاء لله ما اقصر وياك بشي
: باباتي اني ابني بلمدرسه صف ثاني متوسطة ولله العظيم فقير وما عنده ايي شي ولله يشهد عليه بس قبل كم يوم مسوين تفتيش ولاكين بجنطته حبوب ولله العظيم يبجي ويحلف واني ابني مربي واعرفه باباتي داخل عليج
مهره: لا عمو هاذا واجبي اني بس دزلي ملف القضيه وراح اشوفها هسه واردلك خبر
: زين شكد تردين
مهره: عمو حاليا ما اخذ الحد ما يطلع من السجن
اخذها اني ب....
: تدللين عمو بس يطلع وبيج خير وتدللين
مهره: تمام بس دزلي الملف لله وياك
: تمام بابا لله وياج بنيتي
سديته من عده رحت يم غضب
غضب : شبي
مهره: ابنه متورط احساسي يكلي لو الولد مجرور لو مغدور لازم اشوفه واشوف الملف يلله اقرر
غضب: زين لنفرض الولد مجرور
مهره: ما اطلع مجرمين صحيح طفل هو ثاني متوسط بهاي الحاله يتم مراعاته بس ما يطلع اذا راعوه ينسجن ثلاث سنوات ولازم نشوف منو ورطه واذا العكس لازم اثبات قوي
غضب : ولله دوخه هاي
مهره: شكد متحمسه صار هواي ما لازمه قضيه
غضب: ايي لله يسهلها الج
مهره: عمري باجر اروح للمحكمه ولازم التقي بلولد
غضب: شنووووو ترحين للمركز
مهره: لا اطمن ما اروح لان باجر راح يجي للمحمه واشوفه
غضب: اذا هيج تمام
رحت اتمدد اجه يمي حضني ونمنه

كعدنا الصبح تريكنا وطلعنا سويه اني وصلني للمحكمه وهو راح للمستشفى عنده عمليات جان ماخذ اجازه واليوم انتهت
فتت للمحمه رحت لغرفة المحامين سلمت وكعدت جبت كهوه وخابرة على الرجال كال نص ساعه واجي طبعا المحكمه اليوم انتظرت يجي الولد شوي وجابو رحت شفته طفل يا ربي كاعد يبجي وخايف حاجيته وطمنته سالته كم سوال من حجيه عرفت حاطيله شي لان مبين بس الدليل شنو
بدت اول جلسه دخلة طبعا طلبت تاجيل لان قبل يوم مستلمه القضيه مددوها اسبوع طلعت رحت المدرسته الولد حاجيت الكادر وسالت كم سوال الولد متفوق وشاطر وما عنده ايي نشاط عدائي طالبت بلكامرات اخذتهم وطلعت رحت للمركز وطلبت فحص كامل للولد وطلعت رجعت للبيت
دخلة ماكو احد بس مهند
مهره: السلام عليكم
مهند: وعليكم السلام اليوم وين
مهره: عندي قضيه وجنت بلمحمه
مهند: لله يسهلج
صعدت الغرفتي فوك فتحت الحاسوب وكعدت ادقق بلكامره لكيت ساعه كامله محذوفه من اليوم الي لزمو بي
اخذته ونزلة
مهره: مهند تكدر تعرف اذا المحذوف من الكامره يرجع
مهند: اذا متفرمته ما يرجع واذا بس ماسحين يعتمد على نوعها شوو جيبي
نطيتها اله اخذها بحث بيها
شوي
مهند: هاذي بس محذوف ما مفرمته لازم خبير بيهم يعرف يرجع
مهره: انته مو.ضابط يعني المفروض تعرف بهيج امور
مهند: ظابط تحقيق شعليه بلكامرات هاي مختصين يشتغلونها
مهره: تعرف احد امين
مهند: اصعدي فوك على اليمنا اكو واحد اسمه المخرب قصدي المبرمج يزون يعرف بيهم
مهره: صدك ولله ولا ادري
مهند: انتي مطفيه
مهره: ههههه شكراا
مهند: بلخدمه
اخذتها وصعدت دكيت الباب كلي اوكفي نوب فتح دخلت
مهره: خوما زعجتك
يزن: لا كولي ما عندي شي  راح تثورين على غضب
اني وياج احتجاج اعتصام قتل
مهره: على كيفك عيني عوف رجلي خطيه
يزن: اوف صار خطيه هسه سوده عليه اريدددددد ازووووجججج
مهره: وسممممممم اسكت حته نسيت المن اجيت
يزن: خرطيهم بسرعه مشغول اني
مهره: اعتذر من جنابك الشركات منتظره شوف هذن الكامرات محذوف الوقت .....بتاريخ. .. .. تكدر ترجعه
يزن: جيبي شكد تنطيني
مهره: اذا رجعن انطيك جكليته
يزن: اخذيها وطلعي بررره
مهره: اشاقه اشاقه هههه كملها واحلا صينية مندي
يزن: اذا هيج خوش اسكتي حاليا خل اركز
مهره: اريد فيديو مو تخترع الذره
يزن: سكتي سكتي

عفته وكعدت عنده ثلاجه بلغرفه رحت فتحتها اخذت ككو ونساتل وببسي كعدت اكل وهو يشتغل

يزن: منو عزمج
مهره: مرة غضب ما تحتاج عزيمه ابن امك لا تعزمني
وشوف رجلي شي سوي
يزن : لله يا لله علمناهم على ركض سبقونه
مهره: كمل بسرعه يله
لزم الكوشه شمرها عليه
كمل شغله هو واني اكل اجه غضب فات
مهره: لله يساعدك
غضب : هلوو عمري شسوون
مهره: جبت الكامرات وطلع ساعه كامله محذوفه اذا كدر ايرجع الساعه تثبت البرائه
غضب : حلوو
كمل بسرعه ولك
يزن : شلون بلله يوازون الواحد عليهم
غضب : نجب وكمل شوف اروح اسبح ارجع الكاهم خلصانين تعاي عمري
رحت ويا سبح ونزلنه نتغده اباوع نور بس تخزر استغفر لله هاي شبيها وحنان زوجت مهند حبابه حيل وفقيره
كملنا وصعدنا يزن يشتغل بلكامرات دك موبايل غضب
غضب: اهوووووو ولله مليت وصبري اله حدود ترى
: ....
غضب : انجبببب طايح الحظ اب..... ك.....

للحكاية بقيه ♥️
اعذروني على الاخطاء الاملائيه 🥀