مهرة ألغضب

part 5

الوعي لعنة مزمنة ، كارثة هائلة ، إنه منفانا الحقيقي ، فالجهل وطن والوعي منفى .

فعذاب الادراك يجبرك تعرض نفسك لمواقف تأذيك بكل مرة من تشوف نفسك تتصرف بأشياء غلط !
ولعنه الوعي تجبرك تشوف وتحلل كل شي ولكنك متحيز ما تكدر على التغيير ، فـ الشخص الي مو واعي أنه دا يتصرف بأشياءات غلط هذا بـ نعيم ، مقارنةً بالشخص الي يكون واعي أنُ تصرف بكذا مكان بكذا غلط .

الي ما عنده وعي أنُ هو دا يعيش بسجن راح يعيش حياة سعيدة مقارنةً بالشخص الواعي الي يعرف بقيود السجن من حوله .

مثل ما قال نجيب محفوظ " طوبى للحمقى فهم سعداء"

والسلام.

____________________________________

عمي: مهره بابا كاعده اريد احاجيج بموضوع

مهره: ايي عمو اتفظل

كمت كعدت على الكرويته انتظره يحجي احسه حيل متردد
مهره: عمو خير قلقتني
عمي: بابا انتي تعتبريني مثل ابوج لو لا
مهره: اكيد عمو كول
عمي: اني الي كاعد يصير بينج وبين غضب ما يصير يا بنيتي شوفي بابا اني مستحيل اخليج ترجعين يم خوالج الي سبب كان ماشي
مهره: ماشي
عمي : لهاذا اني قررت انج تعقدين على غضب

انصدمت صدمه ما متوقعتها ابدد
مهره: عمي شكاعد تحجي شنو اعقد صدك تحجي
عمي: شوفي عمي اني بعمري ما شفت غضب هيج احسه بي مجال يتغير بسبب
مهره : على حسابي يتغير عمو عندي دراسه اني و عندي شغل يا زواج
عمي: خللللل اكمللللل
وركع الميز الي كدامه قويي احس قوة الدنيا صارت بيه
مهره: مستحيل تفهم
عمي: من اول ما اجيتي وهوه يتقربلج محد يكدر يمنعه عنده استعداد يكتلنه كلنه المهم انتي دراسه ادرسين بعد شكووو واني يمج لو ترضين يلزمج بلحرام كولي
مهره: صدككك تحجيي شنوو ارضهه
عمي: انتي مو صغير جبيره ومتخرجه وحق زواج
هاذا الموضوع انتهى بلنسبه الي يومين فكري بيهن ابراحتج لوو ترضين لو لا اني عمج ولا اعرفج
عافني بصدمتي وطلع ظليت افكر من التفكير راساا نمت كعدت ويا صلاة الفجر صليت وطلعت سويت كهوه اباوع بلكتب مالتي الي اشتريتهم لازم ابدي ادرس فتحت اول كتاب اصفح بي ما انتبهت على الوقت الا الساعة بل 7 كمت طلعت شفت بس فدك
مهره: صباح الخير
فدك: صباح الخير عيني اشعجب كاعده
مهره: ما عندي شي
فدك: شنو راد عمج البارحه
مهره: ما راد شي حاجاني على العركه
فدك: زين
كمت للطباخ سويت جاي ورحت طلعت جبن كعدت اتريك وكمت ردت ارجع ادرس
مهره: لعد عمو شعجب بعده نايم
فدك: لا طلع من الفجر هوه و غضب راحو للبصره عدهم شغل
مهره: هاا زين شوكت يرجعون
فدك : اسبوع عشر ايام هيج
مهره: تمام رجعت الغرفتي افكر احسن راح يبقون اسبوع ضليت افكر حرت حيره عفت كلشي والتهيت بدراستي ضليت هواي ادرس اريد انسه التفكير النهار كله خلص واني بغرفتي وهمه ابد ما صاحوني لا على الغده ولا العشاء حزت بخاطري عود ليش نمت ليلتها وما مهتمه الاي شي اريد بس انسه مشاكل امي وعمي وغضب وخوالي افففففف
كعدت الصبح الساعة ب 9 صليت الصبح وكمت سبحت ورحت ادرس ما طلعت ابدد وشهيتي تنكطع من ادرس كلشي ما اشتهي ضليت هيج الحد الليل وهم نمت بسرعه هاذا حالي صار
ثاني يوم كعدت اكلت شي خفيف وكمت ادرس وهيج كضيتها مر اسبوع كامل واني هيج حالي ما الي شهيه الشي بس ادرس و انام لو اكل شي خفيف لو لا اليوم على اساس يجي عمي و فدك كاعده من الصبح تخبز و تحضر يله هيه صح جبيره بس حلووه
كمت طلعت يمهم كاعدين الولد
مهره: صباح الخير
مهند : انتي مو وياهم شجابج
مهره: لا مو وياهم ما رحت
فهد: لعد وين جنتي
مهره: بغرفتي ادرس
اياد : هاي موو ادراسه صار اسبوع محد شايفج
مهره: لا اطلع بس انتم مشغولين الصبح
فهد: هاا مشغولين الصبح زين والعصر
ابراهيم: يا ولد اجه ابوي

طلعو الولد اسمع صوت غضب شعلوووه
غضب: طيحححح لله حظكم ايي ولله اني هم ما مشتاقيلي شو بس ابوي وثولل ايي ولله
فهد: للك بلسره شبيكك
مهند: ما انحبك هيه كووه
غضب: طايحين الحظ اعرفكم مهوره وين وخرو شكد مخلف محمد مدكلي شكد مهرههههه
مهره: هاا لا تصيح شبيك

اجه راسا حضني وشالني حط راسه بركبتي يتنفس حيل
عمي: وللكككككك شبيكك اخذها فرد نوب هدها
غضب: مشتاقلجججججج يولووو
مهره: غضبببب نزلنيييييييييي صرخت بي حيل نزلني ايباوع بوجهي عفته ورحت ركض الغرفتي قفلة الباب قبله ضل ايدك حيل عمي كعد يحجي وياه هواي يله قنع وراح الحمد لله
رحت غسلة وجهي فشلني ابن ال خوش الناس استغفر لله اندك الباب
عمي: مهره فتحي
فتحت الباب فات عمي راسا حضنته
عمي: لا تخافين بابا تعاي شربني مي وكعد كعدت ويا
ليش وجهج اصفر و مصخنه مريضه
مهره: لا عمو ما بيه شي
عمي : منتظر قرارج
مهره: عمو عادي باجر
عمي : ليش
مهره: ميخالف علمودي
عمي: تمام براحتج انتي المهم مرتاحه وتعاي تغدي يله ويانه
مهره: ما اشتهي بلعافيه
عمي: وجهج اصفر تعاي اكلي يله
مهره: توني تريكت ما اريد من اجوع اكل
عمي : لا تعاي اكلي هسه حته لو شويه يله حته انطيج دووه
طبعا عمي احسه شايل حنيه الكون يعرف شبيه قبل ما احجي ما اتمنى اخسره ابدد
طلعت لكيت غضب يتعارك ويا اخوه عمر طبعا عمر حيل كيوت ومن يحجي يجر بلكلمه جر ويتموع هواي
غضب: لا تكول هيج ولككككك كول اخوي
عمر: اوف انته شبيك اذا انته همجي مو معناتها تصير مثلك
غضب: شلون راح يخليني اكوم امده ولكك شوف من تحجي لا تكول اوف انته شبيك. ويقلد على حجيه ههههههه ويعيد الحجايه بس بحزم قوي هوه غضب من يحجي عادي عبالك صالة حرب
كعدت بصف عمي غضب ايباوع عليه بس يخزر خفت منه انداريت على عمي يحجون على الفصل ولله نسيته هاذا الاحد تنتهي العطوه ويحولون علمود الولد الي غضب كسر خشمه وجان غضب يحشر خشمه
غضب: اني من هسه اكول اريد اصير شيخ والبس عكال وبشت وافصل
عمي: خاب ما تسكت هوه احنا الراح ننفصل وتعال يا محمد ادفع لشوكت ادفع اني من وراك
غضب: محد كلك خلف هلكد ادري ناقصنه بس ثنين ونصير فريق مال طوبه صدوك جدوب
عمي: انته ما تجي ما ناقصني فصل ثاني
غضب : لا لا شلون ما اجي غير اشوف العمليه نجحت لا حته اذا ما ناجحه اعيدها
فهد: استفاد
عمي: شوف انته تاخذ مهره وتروح للمستشفى اتسويلها تحليل
اشو هاذا راسأ اجه كعد يمي ايكلي اشبيج
مهره: هاا لا ما بيه شي
غضب: شنو ما بيج حته وجهج اصفر كوليلي
عمي: خليكككك وياي ولك فتيت كلبي ما بيها شي بس موعد كل ست اشهر اتسوي عام ويوم الاحد الموعد تمام
انداريت على عمي شفته يغمزلي سكتت كتله ايي بس موعد كال تمام لعد غير وكت اصير شيخ عمي كله خوشش جيبلي بعد مصيبه مو جديده عليك كمنا اتغدينا رجعت الغرفتي رحت اتوضيت وصليت استخاره احس ارتاحيت نمت الضهر وحلمت حلم حيل حلوو كعدت المغرب صليت ورجعت هم اخذت استخاره وهم مرتاحه عدتها مره ثالثه بس كل مره ارتاح اكثر من القبله طلعت اتعشه وياهم عمي ايجيب ويحط كدامي وفدك تباوع قصدي تخزر
كملت وكمت كتله عمي اريدك بموضوع كلي جايج
رحت الغرفتي
عمي : ايي عمي كولي
مهره: عموو اني .........

للحكاية بقيه ♥️
عذروني على الاخطاء الاملائيه 🥀
احبكم 💋