مهرة ألغضب

part 13

إن نويت الود هاك القلب كله
‏وان نويت الصد تكفيني الاشارة
‏
عاشقٍ مهديك روحه لا تعلّه ..
‏اشتعل معه بهواك او طف ناره
‏
الهجر في حسبة الاحباب ذلّة
‏من يعز القلب لو يبغاه؟ زاره
‏
اختلف فيك الشعور وصعب احلّه
‏يوم احسك عاشق ويومين كاّره..
/////////////////////////////////////////////////////////////////

:الوصيه ما تنكال بلموبايل
مهره: تمام لعد وين نلتقي
: تجين المكتبي موجود بمحكمة........
مهره: تمام انشاء لله راح اجي باجر ساعه 10 يناسبك
: باي وقت مرحب بحفيدة سلمان بس اريد منج تجين ويا زوجج لان الوصيه متعلقه بي
مهره: انشاء لله
سديته منه ورحت احجي ويا غضب
طلعت من الغرفه ما لكيته بل صاله صعدت الغرفته دكيت الباب وفتت
مهره: خوما اجيت بوقت مو مناسب
غضب : لا عمري الغرفه صارت الج تجين براحتج وبعد لا ادكين الباب من تجين
مهره: اريد احاجيك بموضوع
غضب : اسمعج
مهره: جدوو لله يرحمه قبل ما يموت كلي علمود وصيه تتوزع وكتبها كدامي
غضب : شنو هيه اني اعرف جدج ما عنده شي فارغ
لا ورث ولا شي
مهره: لا عنده ترى
غضب : حته اذا عنده مو النه ايصير لبوج وعمامج احنه الاحفاد ما النه شي
مهره: خابرني محامي مالت جدي يريد يشوفني اني وياك باجر

حجيت هيج وياه وعيونه صارن حمر كام عليه جرني قوي وعصرني بل حايط لزم فجي وكان يحجي بصوت ناصي
غضب: حاجاج وحدج
مهره: غضب عوفني شبيك
غضب: منين جاب رقمج
مهره: مو رقمي رقم خالي واني ماخذته علمود اذا عندي قضيه يعني رقم شغل
غضب: ويخابروج عليه ولد
مهره: غضبببب عوفنييييي
صرخت قوي وصرت ادفع بي حيل نرفزني حجيه جداا على صوتي اجه عمي دفع الباب وفات وخرني من عنده دفعه قوي
عمي : شبيككككك
غضب : اطلعععع برهههه
عمي: شكووو شبيكممم
غضب : معليكككك اني ومرتي
عمي: خاب ما تنلصم لا اضربك كدام مرتك
غضب : عوفني انحلها اني وياها
عمي: اكعدوو كدامي وانته استجن

كعدت اني اباوع عليهم والدمعه بعيوني بس ما اريد ابجي ابدد
غضب: ما كو شي اني وياها نحلها
عمي: وشون حلول لوما اجي خانك البنيه انته
غضب : صار الي صار بعد بس هديت هسه

من شفت هيج الحجي كمت عفتهم ثنينهم وطلعت الغرفتي متت بجي اريد اسكت ما كدرت اجه غضب دك الباب ما فتحته رجع دكها عفته وجان تنفتح منين جاب المفاتيح
اففففف
غضب : ليش ما تفتحين
مهره: عوفني و اطلع
غضب: مو بكيفج
اجه عليه رحت انهزمت منه للحمام راد يلزمني بس ما كدر بسرعه قفلة الباب
مهره: هاذا هم عندك مفتاحه
غضب : افتحييييي ولا تنرفزيني
مهره: ولله مشكلتك عيني
غضب: مهرررررره
مهره: ولي منا
غضب: بسيطه اشوف لشوكت تبقين هنا كاعدلج
سكتت ما رديت ضليت كاعدت همزين عندي كرسي ما اطلع لو يموت
ضليت كاعده هواي فوك الساعتين نوب سمعت صوت الباب انرد بس عليه اعرف متقصد هيج يسوي حته اطلع ضليت كاعده نوب غفيت