_
أطباع ضباع
"البارت الأول"
علي عَـاتقي ذنُــوب أرتكبت ضـدي 🥀
:تي حول شن ادير كلهم برا
نفخ بـ ملل مبعد خطوتين لـ الخلف :الواحد مايلقاش فيك طريق ، وينك امس نكلم فيك ماتردش
طلع تليفونه من جيبه متلفت لـ الصوت لـ ينادي :احمد عمي حيدر هيا تعالو حطو لغدي جدي ينادي
حيدر:اهو جايين
تلفتت حلا خشت تجري وخلت حيدر لـ شبح لـ احمد :قولهم اليوم بايت عند حيدر ستاحشتك قداش لينا علي بعض
هز احمد راسه بـ هدوء وتلفت تحت نظرات حيدر لـ ابتسم بـ نية شاذه ولحقه لـ المربوعة لـ كانت لامة العيلة مع دوشة الصغار لـ طالعين خاشين ، منهم يلعب ومنهم يتجسس بـ نظرات متفحصة ، بين الجد والاولاد والاحفاد ، قبل مايتلفت يخش يجري لـ المظبخ متجه لـ هديك لمقعمزه علي الكرسي المتحرك بـ ملامح باهته ، هزت راسها لـ الطفل لـ رفع كتافه وقال : عمو ياسين قعد ماجاش
تنهدت بـ ألم متفاديه النظر لـ قالت : خلاص ياماما كان بجي اهو قدامه كان هدا متعودين علي قلته
واول ماكملت كلماتها جتها ضربه علي كتفها من اختها التوأم : جواااهر خلاص
نفخت جواهر وهيا تاخد من خالتها احلام في صونية لغدي: خلاص ياجواهر ماتزيديش امك علي مابيها وبري مدي الصفره لـ احمد
خدت جواهر الصفره وهيا تتلفت لـ صوت التليفون لـ علن عن مكالمة خلتها تصيح قبل ماتطلع :جود زودي راجلك يتصل
انكمشت ملامح جود لـ تحمحمت وهيا تشبح لبنت خالتها تسنيم: بري ردي هاتي تو نكمل عليك
هزت جود راسها وهيا تسيب لـ في يديها واخده تليفونها وطلعت لـ الجنان راده علي المكالمه :الو
جاها صوت راجلها الناعس : قصي جايك بعدين بروح بيك اني مش فاضي
ضيقت جود عيونها بـ اشمأزاز :لا مانيش مروحة حتي اليوم نبي نبات
غمظ طلال عيونه وقال قبل مايسكر سماعات التليفون:ماسد بايته يوم العيد ومزال فيك لسان تدوي ، روحي مع قصي خير مانجيك اني بعاري
عضت جود علي شفها كاتمه قهرها وخزيها في قلبها مانعه دموعها من انزول من عيونها المحمره من غصتها ، غمضت عيونها بـ قوة مستنشقه كمية هواء تهون عليها ضيق صدرها وقلبها المليان قبل ماتفتح عيونها متلفته خاشه الحوش .
.
نفخ بـ ملل وهوا يسكر في باب السياره بـ رجله كـ انه يشوط في كوره ، وتكئ عليه بظهره مطلع تليفونه من جيبه لـ تعلا صوته معلن عن مكالمة :شنو منو تبو
جاه صوت قصي المبتسم: خالي حبيبي كل عام وانت احسن خال
ضيق الحارث عيونه بشفايف مزمومة: شن تبي يافرخ الشطان
صيح قصي بتلاعب ومراوغة : شن نبي ياخال شن نبي يعني متصل نعيد ورافع القدر والله ماحلوه منك تسبلي في بوي وديما مطيح قدري وكاسر بخاطري والله ماتجي هي
