علي فضل باصص ليها و نفسه يعتذر منها بس مهما قال مفيش حاجه هتعوض اللي حصل بسبب امه و يا تري لو حبيبه عرفت هتتعامل اذاي مع امه
حبيبه :علي انت معايا
علي :اااااه يا حبيبتي يالا و اخدها و نزل و هما نازلين علي سلم سمعو صوت صريخ
حبيبه بخوف :هو في ايه
علي :مش عارف هي شقه مين دي.
حبيبه :دي شقه خالو محفوظ و خبطت عليهم و استنت رد و فتح ليهم محفوظ
حبيبه:انتم كويسين يا خالو في ايه
محفوظ :مصيبه يا حبيبه خالد اتقبض عليه بمخدرات
علي :تعاطي يعني
محفوظ :معرفش يا بني معرفش هو كلمني و قالي انه في القسم و نا من وقتها مش قادر اتلم علي اعصابي
علي :طب تعالي معايا نروح نشوف اي اللي حصل
هند :رجلي علي رجلك يا محفوظ
محفوظ:رجلي ايييييه و زفت ايه سبيني في حالي بقي مهو كل اللي احنا فيه ده بسببك انتي تعالي يا بني معايا
محفوظ و علي نزلو و راحو القسم و حبيبه قعدت مع هند تحاول انها تواسيها و طمنها و بعد مده رجعو و كان باين عليهم الضيق
هند بقلق :في ايه يا محفوظ ايه اللي حصل فين خالد
محفوظ قعد علي كرسي و اتكلم بحزن :ابنك ضاع يا هند ضيع نفسه و ضيع مستقبله
هند بخوف:ليييه هو هو اي اللي حصل يا محفوظ
محفوظ : ابنك اتمسك و هو معاه مخدرات و اتحلل ليه كان شارب مخدرات يعني تعاطي و اتجار ضيع نفسه يا هند ضيع نفسه
هند بصدمه :لالالالا ابني لاااا ابني مستحيل انت بتكدب خالد ابني لا انا هقوم ليه محامي و هيخرج
محفوظ :يخرج و بصلها و سكت و وطي راسه و.حط ايده علي دماغه يحاول انه يهدي من نفسه
علي :انا هقوم بقي يا حاج و لو احتجت مني اي حاجه كلمني علي طول
محفوظ: الله يباركلك يا بني
علي اخد حبيبه معاه و نزل و طول الوقت كانت حبيبه شارده
علي :في ايه مالك يا حبيبه
حبيبه :مش مصدقه اللي حصل و حاله طنط هند صعبه اوي ربنا يفك كربهم
علي بصلها بتفجئ
حبيبه :بتبصلي كدا ليه
علي :مفيش حاجه عادي المهم مستعده للماده اللي جايه
حبيبه :اللي جايه اه اللي بعدها لا و مش ناويه احضرها أساساً
علي ضحك:و مالو ماتروحيش انا باردو حابب انك تطولي معايا و بدل سنه نقعد اتنين مع بعض
أنت تقرأ
فارس احلامي
General Fictionانت فارس احلامي اللي شوفتك كل يوم في حلم و بقيت حبيب ايامي عرفت معني الحب معاك و عشت سنين بستني يجي اليوم اللي اقابلك في خارج احلامي 🤍