خالد خرج من الأوضه كانت هند قاعده بتتفرج علي تلفزيون ف قعد جنبها و بصلها ....و بعدين
هند :مش عارفه انا اول مره اتفرج على فيلم يا واد بس انا شاكه ان
خالد بانفعال :فيلم اي يا ماه بس ماتعصبيش الواحد انا بكلم في المصيبه اللي احنا اتحطينا فيها دي و مجي غراب البيت دا و جيه اذاي اصلا
هند. :في ايه يا واد مالك بتصرخ في وشي كدا ليه كاتك نصيبه
خالد :يختاااي حقك عليا نتكلم في المهم هنهبب اي دلوقتي
هند :ولا حاجه ذي ما احنا
خالد :بمعني اي مش فاهم
هند :ابوك كان محدد ان بكرا كتب كتابك انت و هي بس ف هيكمل علي كدا
خالد :مع وجود جدها تفتكري الموضوع هيمشي
هند:اه هيمشي ماتقلقش و مش هيبقي قدامهم حاجه غير انهم يوافقو
محفوظ جيه و قعد معاهم ....هما مين دول اللي يوافقو انتم
هند : مش انت متفق مع اختك ان بكرا كتب كتاب حبيبه و خالد
محفوظ بحزر :بس دا كان قبل رجوع الحاج عتمان وجوده دلوقتي غير اللعبه خالص
هند:ولا غيرها و لا حاجه و كل حاجه هتمشي ذي ما احنا عايزين و مش هيكون قدامه حاجه غير انه يقبل بالامر الواقع
محفوظ:بس هو مش هيسكت
هند :هيعمل اي يعني طلاق مش هنطلق اللي عنده يعمله
محفوظ:ربنا يجيبها زينه
هند :اسمع بس مني كدا هات انت حبيبه هنا نكتب كتاب و بعدين خلاص الموضوع هيكون انتهي
زينب علي سرير و باصه للسقف بتفكر في اللي جاي و توحيده فتحت الباب و دخلت....اي يا زينب عامله ايه دلوقتي يا اختي احسن انهارده
زينب :الحمدلله في نعمه
توحيده :امال حبيبه فين مش شايفاها يعني
زينب :جدها خادها معاه عشان تحضر فرح بنت عمها و يعرفها لاهلها
توحيده بسعاده :والله طيب كويس و كملت كلامها بحزر... بس انتي غريبه أنك وافقتي ان حبيبه تبعد عنك
زينب : بكرا الخميس يا توحيده و دا المعاد اللي قاله محفوظ عشان عايز يكتب كتاب حبيبه
توحيده :اه صح انا نسيت طيب و افرض كتب كتابها غيابي مهو واصي عليها
زينب :لا هيخاف من الحاج عتمان ماتقلقيش
توحيده :ربنا يقدم اللي في الخير يارب و يبعد عن بنتك شر
و هما في طياره كل واحد فيهم سرحان في حاجه شكل
عتمان بيبص لحبيبه و مش مصدق ان حفيدته رجعت ليه بعد سنين دي معقول بنت علي رجعت الطفله اللي كان بيلعبها و بيحبها رجعت ليه بعد سنين بس راجعه بنت كبيره ترطب علي قلبه بعد حزنه سنين علي فراقها
أنت تقرأ
فارس احلامي
General Fictionانت فارس احلامي اللي شوفتك كل يوم في حلم و بقيت حبيب ايامي عرفت معني الحب معاك و عشت سنين بستني يجي اليوم اللي اقابلك في خارج احلامي 🤍
