لقيتك من بعد كل الخساير ربحي الأعظم عوض قلبي وبسماته وزهر عمري و نواويره

Part 4

عند جوري
دخلت داخل بيت الشعر و جلست تبكي بحرقه تبكي على كل شي على أحلامها اللي بنتها مع شخص طلع مايحبها ولا يناظر فيها حتى و جلست تبكي و تلوم نفسها على كل الأحلام اللي بنتها و لا تحققت

عند البنات
ليان مدت جوالها وقالت: بنات بليز وحده تصورني مع الكوب
لجين أخذته وقالت : يالله ليلي أنا أصورك
ليان اللي كانت لابسه هودي اسود و مسويه شعرها كيرلي كان شعرها مخليها جميله بشكل محد يقدر يقاومه مر سلطان و شافها جالسه تدلع و تحرك شعرها و بيدها الكوب بطريقه عفويه خلت سلطان يبتسم  لها التتفتت ليان تناظر الشخص اللي واقف و توترت لما ناظرت عيونه و ضحكته عليها مدت يدها للجوال وقالت بتوتر : خلاص لجين كافي بس
ضحكت لجين و التفتت لسلطان و لقته يضحك عليها و مدت لها الجوال وقالت : سلطان تعال في هوت شوكلت
سلطان و هو جالس يمشي : جاي
تقدم سلطان يأخذ الهوت شوكلت و ناظرها جالسه على الجوال تشتت أنظارها عنه ماعرف ليش ضحك لما شافها بس حس قد ايش هي لطيفه و ما حس بوجودها ولا لطفها و عفويتها من قبل و اكتشف انها كانت دايم هاديه و مايسمع صوتها حس ان شخصيته مشابه لشخصيتها
ام وليد استغرب عدم وجود جوري وقالت : جوري وين
العنود : ماما جوجو تقول مصدعه بتجلس داخل
شوق : أنا بدخل أشوفها
تقدم عوض وسيف عند قعدتهم وقال لها : أجلسي أنا بروح لها
تقدم سيف يجلس بين عماته و سلطان وقالت عبير: اي سيف كيف الدوام و انت سلطان
سيف : الحمدلله تعرفين آخر سنه تعب شوي لكن تهون
عبير هزت راسها وقالت : الحمدالله
سلطان : أنا ما خذ اجازه و بس يخلص العيد راجع للدوام و الكرف
عبير : بالتوفيق يارب ، سيف بسألك انت مع عوض و شوق
هز راسه سيف بالنفي
جلسوا يسولفون و شوق كانت مشغول بالها بجوري

عند جوري
دخل عوض و شافها تبكي وقال : جوري تبكين
رفعت جوري راسها و مسحت دموعها بعشوائيه وهزت راسها بالنفي و قالت : لا
عوض : كيف لا ما تشوفين شكلك
تقدم عوض لها يحضنها و حط راسها على صدره وبدا يمسح على شعرها وقال : تحبينه ؟
رفعت راسها جوري بصدمه وقالت تحاول تبعد الشكوك : مين
ضحك عوض لان عرف انها تحاول تنكر و رجع راسها لصدره وقال: كلهم عارفين إلا انتِ
جوري مافهمت من كلامه شي وقالت : وش تخربط انت
عوض باس راسها وقال : امسحي دموعك و تعالي جالسين يسوون فعاليات برا دموعك ذي بعد يومين راح تفرحك
وقف عوض و مشي يطلع و مافهمت من كلامه شي جوري ، تقدمت تعدل شكلها بالمنظرة و مسحت دموعها وطلعت و شافتهم جالسين كلهم بالجلسه وقالت : ما جاء جدي
عبير هزت راسها بالنفي
تقدمت شوق بصحن الذره وقالت : خليته لك
ضحكت لها جوري و حضنت يدها و بدت تمشي تجلس معاها ، عند فهد اللي كان يناظرها و كان مبين من شكلها انها كانت جالسه تبكي
قالت ام وليد : كيفك الحين
هزت راسها جوري : كنت مصدعه بس أخذت بنادول و صرت احسن
وصل الجد و عياله وقال بصوته العالي : السلام عليكم
الكل رد وعليكم السلام
عبير تقدمت لأبوها وقالت : حياك يبه بصدر المجلس
جلس الجد و بدأت السوالف تأخذهم و التفت لعوض وقال له : عندي لك طلب و ان شاء الله ماتردني خايب
عوض : افا عليك انا اردك ، امرني بس
الجد : كانت النيه اني اعلم شوق السواقه و اشتري لها سياره لكن ربي ما كتب أدربها و اعلمها و أنا ابيك تأخذها معك ان شاءالله و تجيبها معك إذا داومت ما بقى غير أسبوعين و أنا رجال كبير ولا اقدر أسوق الطرق ذي ولا اخاف عليها من السواق بالطريق بروحها
عوض اشر على خشمه وقال : تم على ذا الخشم
الجد ابتسم وقال : عليه الشحم
شوق تأفف وقالت : جدي ابيك انت توديني ذا و اشرت على عوض راح يجلس يحارشني طول الطريق ولا راح أتحمله
ضحك ابو وليد وقال : ما عليك منه ان قال لك كلمه تعالي قوليلي و حسابه عندي ، اجلده لك إذا تبين
عوض التفت على أبوه بصدمه : يبه أنا ولدك مو هي
اشر على المكان اللي بجنبه وقال لشوق : تعالي اجلسي جنبي
تقدمت شوق تجلس جنب خالها و حط يده ورا رقبتها على كتفها و دفنها بحظنه مدت لسانها لعوض وقالت : حره ااا يحبني اكثر منك
ضحك الكل على حركه شوق الطفوليه وقال الجد : والله الود ودي أوديك وأعلمك السواقه بس والله يابنتي رجولي ما تشيلني
شوق هزت راسها بالنفي: عارفه يجدي ولا يهمك راح أتحمل محارش ذا واشرت على عوض علشانك بس
التفت ابو وليد لجوري اللي كانت تضحك و مالها نفس وقال : شفيها وردتي ذبلانه و زعلانه 
هزت راسها بالنفي وقالت : راسي شوي مصدع
ابو وليد : تعالي اجلسي عندي وانت قم
عوض قامت وقال : قايم قايم ، عندي إسم من اليوم تناديني ذي اشر لشوق ب ذا وانت بعد
ضحكت شوق عليه و تقدمت جوري تجلس جنب ابوها وحط ايده على كتفها و بدأ يدفن البنات بحضنه و يضحك معاهم شوق كانت جالسه تضحك و تحر عوض اما عن جوري اللي حطت راسها على صدر ابوها و بدت تبكي التفت لها ابو وليد وشافها تبكي و كأنها كاتمه كومه أشياء داخل قلبها والكل جلس يناظرها بأستغراب كانت شوق عارفه ايش فيها ، بعد يده عن شوق و تقدم يمسك خدودها وقال لها : شفيك مين اللي مبكيك
هزت راسها وبصوت باكي قالت : راسي يوجعني حيل مو قادره أتحمل
تقدمت شوق لها وكانت تعرف ان اللي يوجعها قلبها مو راسها و حضنتها و بادلتها جوري الحضن و بدأت تبكي بحضنها وقالت شوق : أنا بأخذها داخل
وقفت ام وليد : جايه معك
هزت جوري راسها وقالت : لا بس ابي شوق
الجد استغرب وقال : شفيها
جود : معرف من قبل شوي و هي كذا
لجين : هي كذا ما تتحمل الألم اكيد راسها يعورها
وقف عوض وقال : أنا راح أشوفها
ابو مشاري : طمنا عنها
هز راسه عوض لهم وراح لبيت الشعر ووقف يسمعهم من برا
عند شوق و جوري
جوري اللي كانت تبكي و شوق حاضنتها و تهديها قالت : بس جوري بس قطعتي قلبي والله ما يستاهلك والله
جوري بصوت باكي: بس احبه والله احبه بنيت كل شي معاه كنت احلم ان حياتي كلها معاه شوق حبي لفهد كبير والله كبير و محد راح يفهمه و فكره ان يتزوج وحده غيري تكسر قلبي
دخل عوض عليهم وقال : بس بكي جوري بس
جوري لعوض : راسي يعورني عوض حيل يعورني مو قادره أتحمل
تقدم عوض يجلس جنبها وقال: مو راسك اللي يعورك أنا عارف
قامت من حضن شوق وقالت : عارف ايش
عوض مسك يدها وقال : قلتلك كل شي مبين وكلنا عارفين إلا انتي
تقدم يحضنها وقال : شوفي أنا حلفت ما اقول لك بس راح اقول
جلس يلعب بشعرها و كانت شوق تناظر حنيه عوض لجوري و ابتسمت وقال : يقولون ان بعد بكرا راح تبدّا أحلامك مع حبيب طفولتك
ابتعدت جوري عن صدر عوض وقالت : ايش جالس تقول انت ، من اليوم قاعد تقول الغاز
شهقت شوق من فهمت وضحكت وقال عوض : شوفي ذي فهمت وانتي لا
جوري : عوض راسي يعورني و تعبانه لا تجلس تطقطق و تلعب فوق راسي
تقدمت شوق تمسك يدين جوري وقالت : يا غبيه البنت اللي راح يملك عليها فهد هي انتي
شهقت جوري و جلست تهز راسها بالنفي : تستهبلون فوق راسي انتم صح
عوض لف وجهها له وقال : ناظريني ، أصلا هو جاء سألني بالأول إذا راح توافقي ولا لا
جوري بدت تبكي وقالت : قول والله عوض تكفى ما ابي احلم من جديد الله يخليك
عوض حضنها وقال : والله انه بيملك عليك و كان يبي يخليها مفاجأة لك رفع أكتافه و كمل بضحك : لكن أنا فضحتها ، كل شي إلا أشوف جوجو زعلانه
شوق بأنفعال : يستهبل ذا ايش المفاجأة ذي ، البنت تقطعت من البكي و ذا يبي يفاجئها
قامت شوق تطلع برا خيمه الشعر بعصبيه تنادي فهد عند عوض قال : كلنا كنا عارفين حبك له و حبه لك إلا انتم كنتم غافلين عن بعض
جوري بدت تمسح دموعها و تستوعب ان حبيب طفولتها راح يصير زوجها و غطت وجهها بيدها و دفنت نفسها بحضن عوض