ထို့ကြောင့် မြို့သို့ ဤတစ်ခေါက်ရောက်ချိန်တွင်လည်း သူက "ကျိရှန်ကော*" ဟုခေါ်သော စားသောက်ဆိုင်သို့ တိုက်ရိုက်သွားခဲ့သည်။ (ဒီနေရာက ကော-ဆိုတာက နှစ်ထပ် သုံးထပ်အဆောက်အဦးတွေကို ခေါ်တာပါ၊ ပြောချင်တာက ကျိရှန်အဆောက်အဦးပေါ့)
သူ အရင်တစ်ခေါက် ဆေးဖက်ဝင်အပင်များ ရောင်းချရန် မြို့သို့ ရောက်ခဲ့စဉ်က ကျင့်ယိက ငယ်ရွယ်သော ဆေးပညာအလုပ်သင်ငယ်လေး အချို့နှင့် စကားစမြည်ပြောသည်ကို ကြားဖူးခဲ့သည်။ အသစ်ဖွင့်ထားသော ထိုစားသောက်ဆိုင်နောက်ကွယ်မှ ပိုင်ရှင်က သူ့၏ရက်ရောမှုနှင့် ကောင်းမွန်သော ကိုယ်ကျင့်တရားကြောင့် ထင်ရှားကျော်ကြားပြီး ချင်းကျိုးစီရင်စုမှ ထင်ရှားတဲ့ ပုဂ္ဂိုလ်တစ်ဦးဖြစ်ကြောင်း သူတို့က ပြောခဲ့ကြသည်။ ထိုကြောင့် ကျင့်ယိက သူ့ကံကို စမ်းသပ်ရန် ဆုံးဖြတ်လိုက်သည်။
ရှေးခေတ်က ခေတ်မီစျေးကွက်ရှာဖွေရေး နည်းစနစ်များ မရှိဘဲ သတင်းအချက်အလက် ရယူနိုင်ရန် အများအားဖြင့် လူအများကြားမှ ပါးစပ်စကားများကိုသာ အားကိုးကြရသည်။
ကျင့်ယိက ထိုနေရာ၏တံခါးဝသို့ ချဉ်းကပ်သွားလိုက်ရာ ရှေးဟောင်းခတ်နှင့် အံဝင်ခွင်ကျရှိသော အသွင်အပြင်ရှိနှင့် သန့်စင်ပြီး ကျက်သရေရှိနေသည့် အဆောက်အဦးတစ်ခုကို တွေ့လိုက်ရသည်။ ၎င်း၏ တစ်ဖက်ခြမ်းရှိ "စွေ့ရှန်းလုံ" လောက် ကြီးကျယ်ခမ်းနားခြင်း မရှိသော်လည်း ၎င်းက ၎င်း၏ကိုယ်ပိုင်ထူးခြားသော ရသရှိပြီး စာသင်သားတို့၏အကြိုက်ဖြစ်နိုင်ဖွယ်ရှိသည်။ စီရင်စုမြို့တော်မှ ထင်ရှားသော ပုဂ္ဂိုလ်တစ်ဦး ဖွင့်လှစ်ထားသော စားသောက်ဆိုင်တစ်ဆိုင် အမှန်တကယ် ဖြစ်ထိုက်သည်။
သို့သော် ထိုခမ်းနားထည်ဝါသော အရှေ့တံခါးက ကျင့်ယိနှင့် မည်သို့မျှ သက်ဆိုင်မနေချေ။ သူက သူ့ရဲ့လက်ရှိအခြေအနေကို သိသော ဥာဏ်ရည်ထက်မြက်သူတစ်ယောက် ဖြစ်တာကြောင့် သတိလက်လွတ်ဖြစ်မနေဘဲ တောကြက်ကို ကိုင်ထားရင်း မီးဖိုချောင်တည်ရှိရာ အိမ်နောက်ဘက်တံခါးဆီသို့ ဦးတည်လိုက်သည်။
တိုက်ဆိုင်စွာပင် ဆိုင်ဝန်ထမ်းတစ်ဦးက အနီးနားကျေးရွာမှ တောထွက်စားစရာများဖြစ်သည့် မှိုခြောက်နှင့် နှင်းပန်းကဲ့သို့သော ကုန်ပစ္စည်းများကို သယ်ယူနေသည်။
DU LÄSER
မြေရှင်ကြီးကျင့်နဲ့ သူ့ရဲ့ခင်ပွန်းလေး
FantasyMM Translation Unicode and Zawgyi are available. Update: 3 parts per week (Tue, thus, sat)
Chapter 4
Börja om från början
