—
هيا : ماصارت ياطلال كلم عبدالعزيز سلامات اذا ماوافقو ادور لولدي الي ازين منها بعد
طلال : وهو يناظر هيا باستحقار : مالقيتي الا شيخه تردني ليه وش فينا ننرد بس الوقت معلمك ماهوب وقت خطبه بس ماتفهمين قعدتي تزنين على راسي لين سمعت كلامك
هيا: ماعليه ارسل بس رساله له قوول انتظر ردك يابو انس
طلال والله ان شورك دايم فيه عجله والبلا اني اطاوعك وفعلاً ارسل لابو انسسسس
—
نوف: ياسرع الايام تونا مستقبلين رمضان والحين بنودعه
نجد: ماما بروح معك اصلي اليوم اغلب المشايخ يقولون ليلة القدر باذن الله
فرح: وانا بعد اجل اخذوني معكم بصلي
نوف : تمام اجل روحو الحين تجهزو وتوضوء عشان نروح بدري ونقرا قران قبل تبدا الصلاه
—-
ابو انس: بما انو مجتمعين يا اصايل حبيت اخذ رايك بموضوع قدام امك واخوك
اصايل: وقلبها يتوجع ماودها يقول موضوع الخطبه لانها قلبها للحين متعلق بسعد وللحين تحاول انها تتجاهل دقات قلبها كل ماطرو اسمه
ابوانس: خالك ابو راكان طالب يدك لولده راكان
وانا قلت له اشاور اصايل وارد لك. وشكلنا طولنا عليهم ارسل علي مرا ثانيه
وانتي تعرفيني مستحيل اتدخل بقرار زي هاذا انتي الي تقررين
شيخه: وانا امك ان كان تبين رايي فراكان ونعم والله وسبعة انعام ولدنا ونعرفه ونعرف تربيته حتى ام طلال امس تبشرنا انه انقبل بالشركة الي كان يبيها وخاطره فيها وللحين بعد يمكل دراسته يعني باذن الله بتاخذين واحد متزن والمستقبل قدام ان شااء الله
ابو انس: شوفي وانا ابوك انا معك بكل قرار بتقولينه لاتقولين والله خالي وامي ومدري وش لاا ماعليك ماني مجامل احد الى حسابك
اصايل: ناظرت انسس انو تبي تسمع راييه
انس : والله وانا اخوك راكان ونعم لاهو راعي خرابيط ولا هو راعي حرام حتى الزقاير مايشربها
اصايل: الي تشووفه يايبه الراي رايك والشور شورك بس طبعاً انا ماراح اتزوج لين اخلص جامعتي وهو بعد يكون خلص جامعته واستقر اكثر بوظيفته
ابو انس: طبعاً هااذا اول شرط اصلاً مافي زواج لامن راكان ولا غيره قبل ماتخلصين جامعتك
شيخه :يعني افهم منك انك موافقه
اصايل: نيران تشتعل بقلبها تخاف تقول اي وتكون اجرمت بحق نفسها وبحق راكان وحق سعد بعد
ابو انس: شوفي وانا ابوك صلي لك ركعتين استخاره وبكرا باذن الله اخذ رايك الاكيد
اصايل: سكتت وكانت تتمنى انو لو سعد يقدر يمسح القهر الي خلاه بقلبها بسبة كلامه وتصرفاته
ابو انس : انا بروح للدكتور اشوف ايشش صار باخر الفحوصات وهل خروجك بيكون الاسبوع الجاي ولا لا
ارسلت اصايل لنجد : اليوم ابوي فاتحني بموضوع راكان < ماتدري ليه ارسلت يمكن كانت تبي يصير شي يغير كل بتسويه وبتقدم عليه
نجد كانت بالمسجد تستعد للصلاه : وانتي وش رديتي عليه بتوافقين⁉️
اصايل: انا قلت له الراي رايك بس عطاني لين بكرا اصلي استخاره وارد له الاكيد
نجد: اصايل من تعاقبين بموافقتك هاذي اصايل سعد بيموت لو تنخطبين لاحد ثاني
اصايل: وانا لما افكر ارتبط برتبط بانسان اعرف انه بيصوني لاخر يوم بعمري موب باي موقف يمكن يتخلى عني
نجد: اصايل فكري زين تكفين لاتخطين خطوه ماتقدرين تتراجعين فيها بعدين . عن اذنك الامام بدا الصلاه
—
نجد ارسلت لسعد قبل تبدا الصلاه وهو كان موصلهم للمسجد ودخل بعد يصلي : سعد اليوم ابو انسس فاتح اصايل بالموضوع حبيت اعطيك خبر
سعد: الله يوفقها القرار قرارها مابيدي شي اسويه حتى رسايلي تسفهمني فيها ماترد
