الرحمة 2 MERHAMET

PART 46

كملات خارجة بعصبية شافت فيها بصدمة ورجعات شافت فيه: واش هادي كدوي عليا ؟

ضرب فيها خارج بعصبية: ماكدباتش

خلاوها بوحدها مصدومة: كيفااااااش

* إبيزا - اسبانيا

دوزو نهار كاملة ساراها فإبيزا تغداو وتعشاو دخلو لدار بكري نعسو حيت كانو عيانين وفاقو بكري ماقدروش يزيدو يسهرو كثر.

لغدليه نهار جديد فاقت هي اللولة دارت كتشوفو ناعس على مرشو ضحكات عاضا على شفايفها، وبقات كتلعب فيه وتنبشو تافاق مبرزط مامولفش ينعس مع المشوش لأول مرة غايصبح شي حد ثاني معاه فهاد الدار.

ناضو ديريكت لبسو حوايجهوم هي سروال بيض واسع وتريكو واسع فالغوز بارد، ولات كتجمع شعرها كعكة، اما هو لبس تريكو فزرق قاتم مخطط بالبيض مع سروال كلاص فالابيض ستايل اسباني، خرجو بجوج فطرو فواحد الكافي كطل على البحر وكملو منين وقفو المسارية، عاطيها الخاطر لأقصى درجة وموسع قلبو، كل مرة كيشرحليها على المنطقة والثقافة وتقاليدهم واخا هي كتشد منها غالي بغات، وهاداشي غير مزاد خلاها طيح فيه وترقب تفاصيلو زوينة جاذيبتو خصوصا منين كيكونو فشي بلاصة وكيهضر بالاسبانية قلبها كيذوب وعينيها كيبداو اشعو بالقلوبة لهجتو المطلقة وصوتو الرجولي الخشن كيخليها تعض على شفايفها، تغداو وكملو كيتمشاو تاشافو واحد الحفلة غاتبدا كانت ديجا لمحاتها منين يالاه وصلو مابعيداش على دار، بقات كتجرو بجهد وتغبن ليه حتا داها الحشد مجموع وضلام يالاه غايطيح ضواو الملونين كيشعلو خشبة قد السخط واغلبية الشباب مجموعين يتفرجو العصير والماكلة موجود فبييفي قد السخط، شافها كتنقز محمسة ومع قزمة ماكيبان ليها والو ضحك عليها داير يديه فجيبو وجربها من يديها هزها فوق راسو حاطة فخاضها على كتافو ضحكات كتصقف: كنشوووووف مزياااان دااابااا.

طنز عليها شاد فرجليها : صدقتي ثقيلة

حنات براسها تاتقابلات معاه مقلوبة وضربات على كتافو: هادشي لاش كاين زوجي العزيز الله اخليليك كتافك النسر

غفلها قرب جارليها شفايفها وهي مقلوبة هاكاك ماطلقها تاطلعات راسها دايخة دـم هبط ليها.

خلاها براحتها تاعيات وهبطها شوية جا واحد من معارفو وقف من اللور كيسلم عليه هي منتابهاتش ليه مشاو عينيها للبيفي وجروها رجليها ليه، كتشوف فالعواصر انواع واشكال وترمش فالحلوة.

سالا مع صاحبو دار مالقاش قدامو قلبو تهز رفع عينيه بزربة كيشوف قدامو دنيا عمارت مع ليل، كطير كطير، بلا مايحس بدا كيتخطا ناس كيقلب عليها يا ربي هاد المصيبة لاتلفات مستحيل القاها، زير على يدو تخلع وتعصب، كيدوز بيناتهوم ودور عينيه على كولشي كقلب عليها ولا غير المح حوايجها، خرج على البيفي تاشافها كتمايل وضحك غابوحدها فتح عينيه بجهد بجوج خطوات كبار جرها لعندو عاق عليها كلات شي موصيبة كيحرك فيها: شنو كليتيييي