فك غيم حلگه وتمتم بتعجب
" يمتى لحگ يطول 5 سانتيم بأسبوعين...."چان سامي يباوعلهم باباستامه فاهيه، وتمتم بحسره
" الناس تطول، و اني اگصر و اسمن "
اومئ ازرق العَينين و أردف بحماس
" اتذكر قبل سنتين چان سامي اطول من وئام ب فد 3 سانتيم"استحوذ الفضول على فرات فى طرح سؤاله
" و هسه شگد فرق الطول بينهم"أشر غيم لسامي حتى يگوم يوگف يم وئام، و النتيجه چانت اغرب من المتوقع، منذ أن سامي وصل لزند وئام الي چان واگف بهدوء و يقيس طول الاصغر بأيده الآخرة حَتّى يتأكد وين واصلّه
عوج سامي حَلگه واردف بغضب بينما يگرص خصر الاطول " شَبّة حشى مو ولد "
ابتسم وئام لدرجه بروز أنيابه ناصعات البياض، وسرعان ما انتشل سامي نقاله و گص صوره الهن وتمتم
" اسنانك العاديات 2 سانتي و أنيابه 3 و ربع "
و جر وحده من شعراته شالعها و بادي يقيس بيها و يكتب ملاحضات بالدفتر الصغير ألّي يمه
بعدها گص چم صوره لابتسامه عذاب الي ضهرت من شاف مقطع فيديو مضحك بالانستغرام دزه اله شهاب
و بدة يقيس طول اسنانه...
بينما الكل چان بغرفته، عذاب و فرات، شهاب و غيم، وئام وسامي
وكلهم چانو نايمين، باستثناء سامي يلي ما رفله جفن، بل چان گاعد كاض النقال و يراسل أخته الچبيره و دموعه يصبن بينما يعض على شفته حتى ما يصدر اي صوت منذ أن وئام نايم وياه على نفس الچرباية الچبيره و ما يريد يگعده
لكن بدون وعي منه، هربت شهقه خفيفه من بين شفايفه لكن سرعان ما خلى ايده على حلگه و كمل يراسلها
فاطمه: اذا چنت عاق وعار مو ذنبي ابوي كل ما يحچي عن اطفاله يجمعني اني وياك، ركز على تصرفاتك يا متهور و بطل سوالف المراهقين هاي
سامي : شنو المطلوب؟
فاطمه: اكل خرا و احچي وياي عدل لا ارگص النعال على راسك، مو تالي وكت تجي انتة فرخ البارحه تقلل احترامك وياي
سامي : عدلي اسلوبچ اول و الله كريم
فاطمه: انت منو الي رافع راسك و مدلعك هيچ؟ كلك خلگ مخنث مريض نفسي شمرناك بالبصره وجاي نذب فلوسنا عليك بس حَتّى ما تزعجنى، فى لا تشوف نفسك زايد
![](https://img.wattpad.com/cover/353954279-288-k920926.jpg)
BINABASA MO ANG
عَذابْ
Teen Fictionرجع ورا غياب طال لمده 8 سنوات... راواني معنى اسمه حرفيا ... ( بالقصه ثلاث ابطال بوتتوم و ثلاثه توب ) ﴿ مثلية ، حب اخوان ﴾ ~ ب قلم ساكورا ~