براءة الهزاع

بارت 44

روح گد مابيك وأرجع تلگه حبك مستمر
الشمس مَتغير تفاصيل السمر

مساء الحب

اللهم صل على محمد وال محمد

.............

ودعت بت كلبي ومشيت عنها، ،احس بتمتمتها وهيه تدعيلي،،ماي بارد نزل ع كلبي، ،وبلسم لجروحي صوتها ولدغتها الاحبها ..

رجعت وجهزت نفسي،،الاي استدعاء، ،حضرت روحي جسديا ونفسيا للحرب ..

هالفتره بلغني ضرغام بنيته بتقديم الزواج تلافيا للضروف وخصوصا معضم الشباب انضمو للحشد،،وخاف احد يموت لــــو يصير حادث ايعرقل زواجه ..

وفعلا جهزنه للحنه، ،طبعا حضرت وساعدت بالتجهيزات،،احاول ما اتردد ع بيت عمتي وابقى بعيد عن عين سكينه حتى لٱ اأثر بيها ولا تحس بوجودي وتكتئب ..

سوينه حنه بسيطه، ،مو مال افراح وركص، ،الوضع يخوف والهدوء الطاغي ع المنطقه عجيب ..

اكرم بعد فاجأنه وكال ..

:زواجنه راح يصير سكيتي..

:هاي ليش، ،شلون كدرت اتقنع ابوك وجدك،،بعدين هيام اشلون وافقت؟ !!

:هيه هيام الطرحت الفكره وصراحه عجبتني،،راح نتزوج بكربلاء عند الامام الحسين ع

:يعني شنو؟

:اخذها واخذ امي وامها ووالدي وعمي ونعقد اهناك وكان الله يحب المحسنين

:هيه مقتنعه بهالحجي؟

:اي،،تكول ماريد هوسه، ،وهم تريد اتزور ولكتها فرصه،،بعدين انه هم اشوفها مو مال عرس،،خلينه نخلص هيج احسن

:على راحتكم بعد،،الله يقدم البيه خير وصالح،،ومبروك مقدما

:الله ايبارك بيك عمو،،ويوم الالك،،شنو مانويت؟

:هههههه شنوي ماتكلي،،انه ناوي ادخل المعركه م̷ـــِْن اوسع الابواب عود زفوني لل لحد

:اسم الله عمي بيش طالبنه ،،فال الله ولا فالك،،خ نعرس وبعدين موت لاتوكفلنه شوكه بلبلعوم الله يخليك

ضحكت وكفخته ..

:گبر،،ع بالي خايف عليه طلع مستعجل ع الزواج

:اجذب عليك لعد،،تدري ما آحـبُ اجامل

:خوش لعد،،بسيطه الا اموت يوم عرسك