هلي كل الجره منكم هلي مشكوله ذمتكم
مساء العسل
اللهم صل على محمد وال محمد
...............
ه̷̷َـَْـُذآ الثاني ماصدك اجه يركض ..
:شنو السالفه ولك كتلك اريد افتح مكتب مقاولات شبسرعه جبت الشغل؟
:ياشغل شهيد مخمخ وياي اكولك شاهين ...
قاطعني ..
:اي مو يريد يبني؟!!
دك صدره وحجاها بفخر ..
:عندي ..
رفعت ايدي ابوسها سحبها ..
:احمد ربك وشكره الف مَـرّھٌ، ،اشتغل لخوك شغل بحياتي ممشتغله
:اي طبعا، ،بحياتك ممشتغل ناوي تبلش بالمسكين
:المهم لكيتلي واحد اقفصه، ،سويلي طريق امشي عيني ..
:لٱ اله الا الله، ،يطلع خبل لــــو وافق انه راح ابطل اصلا ارجع القطعه للوالد وكان اللّـہ̣̥ يحب المحسنين
دفعني يضحك ودخل كدامي ..
كعدته بالديوان وصحت شاهين، كعدنه وفتحنه الموضوع سويه والحمد لله كدر شهيد ايأثر عليه خصوصا م̷ـــِْن سولفناله بالمشروع وهوه اول واحد لآزٍمٍ يوكف ويانه ويشجعنه، ،
بالنهايه اقتنع بالحجي وهز راسه بالموافقه، ،كمت بست راسه بفرح ..
:خوش لعد،،انه زلمه عِنـ.̷̷̸̷̐ـديّ دوام ومو فارغ، ،اعتمد عليك شهيد،،انطيك العندي وانت تبني
:اعتمد،،افاا عليك اسويلك قصر مو هيج
:ماشي، ،اريد غرفتين كافي علينه لاتكعد تجيب وتودي
: زين زين انرتب امورنه وجهز افليساتك ومن باجر امسحلك القطعه
: متفقين ..
مسح شهيد القطعه وحسبها، ،بعدين الخريطه وبلشنه شغل بدون مكتب ولا غيره، ،كلنه انجرب حضنه هيج دام الي نشتغله مو غريب، ،بالنهايه مراح نخسر شي ..
ضرغام اجاني وره ايام ايبلغني بموعد الخطوبه ورايدني افزعله، ،ماكدرت اكوله لٱ، ،
اخذت شهيد ورحت العمتي هم مايصير تبقى زعلانه عليه طول هالمده، ،
وشهيد واسطه الخير بينه عل وعسى تستحي م̷ـــِْن الولد ومتطردني ..
دكيت الباب وطلعت عمتي،،بس شافتني عكفت حواجبها ..
:شرايد؟
:رايد احجي وياج عمتي
:ماعندي حجي وياك
:تسامحيني، ،اسف واعتذر والله مو قصدي
:ان جان قصدك اللّه يسامحك، ،وان ماجان قصدك انسه السالفه ونسينه اياها واستر على عرضك
أنت تقرأ
براءة الهزاع
Romanceتناقضات صعوبات طيش الشباب مغامره الحب براءة العشق وشجاعه الاعتراف عندما يكتمل القمر بعينيك، ،لايكون لضوء النجوم قيمه شجاعتك وقوتك تكمن في ... ان لاتكون مجرد ذكر بل ان تكون رجل بمعنى الكلمه ولتثبت لنفسك والجميع، ،انك تستحقها ابذل جهدك في ان تقنعهم...