براءة الهزاع

بارت 13

كُلشي چذبه ، الناسّ والدنيا وضحگتي .

مساء الفراوله

اللهم صل على محمد وال محمد

...............

صفنت عليها شكد ذبلانه، ،وجهه اصفر وجسمها يرجف م̷ـــِْن فوك ليجوه، ،متغطيه ببطانيه وحجابها على راسها،،

:يمه اشبيها؟أذا تعباُنٌهْ م̷ـــِْن البارحه ليش ماخذيتوها للطبيب،،ليش مكلتولي

:خابرنه على رجلها جاي بالطريق،،يمه مابيها شي البارحه شو الصبح اجيتها مابيها اتكوم م̷ـــِْن الفراش مادري شسالفتها

التفتت عليها وعيونها مليانه دموع ..

:جمان، ،ام محمود، ،شبيج خويه شيوجعج؟اخذج انه خاف يتأخر شاهين عليج

رفعت عينها عليه ...

:مابيه لاتخاف، ،ماكو شي،،هاا، ،انت رايح؟
اللّـہ̣̥ وياك،، لاتفكر،، هسه اصير زينه ،،بس ارتاح اشوي

كل كلمه اتكولها تسحب نفس يالله تكدر تنطق الثانيه، ،اتقربت وكعدت ع الجربايه بصفها، ،هاي الحنينه وامي الثانيه، ،اشلون اروح واعوفها بهالحال؟ !

:جمان شصاير وياج احجيلي، ،لاتخليني اروح وانت هالشكل كلبي ماينطيني اعوفج وامشي وانت بهالحال

هزت راسها بالرفض ..

:مابيه،،لايظل بالك

رفعت عيني على امي، ،

:يمه ميخالف اتسويلي استكان جاي؟
افك ريجي حتى امشي ماتريكت

هزت راسها بأي وكامت ،،تمسح بشيلتها على وجهه، ،البيت بلا جمان مايسوه شي،،حتى امي تضوج وتختنك لــــو ماشافتها تتحرك وتركض النهار ڱڵـه، ،شايله البيت شيل،،بلياها انضيع  ...

طلعت امي وستلمتها ..

:احجي جمان،،احجي لاتشلعين كلبي شجاج خويه؟

ابتسمت بقهر ..

:شوف باسل، ،هسه تاخذ جنطتك وتمشي،،عفيه روح خلك بعيد احسن،،اني خايفه عليك

:حاجيني شكو؟نسرين الها علاقه بالموضوع صح

:نسرين م̷ـــِْن اجت م̷ـــِْن بيت اهلها جايبه وياها شيشه مخلل،،كالت هاي جبتها الباسل لان ايحب الحامض، ،عاد اني كلت اتذوقها كبلك كلشي يصير، ،خذيتها ‏​‏​منـِْها كتلها اني انطيها اله،،ومن ذقتها حسيت حراره صعدت الصدري،،م̷ـــِْن البارحه لليوم اذب م̷ـــِْن راسي ومو مرتاحه، ،هاا وازيدك ببيت شعر،،اتعاركت ويا شاهين وصارت م̷ـــِْن الروس

ضحكت بصوت عالي وكحت بنفس الوقت، ،حسيتها اختنكت ..

:حلو حلو،،تطورات، ،صرنه انتذوق وكذا بس لٱ عجبتج السالفه وكلتي اجرب ،،شفتي اشلونه غسيل المعده م̷ـــِْن الصباحيات ايخبل مو