شاف فيها معلي حجبانو: سولتها قاتليا لا غانوليو تالفكذوب ؟
شافت فيه بقلة حل دار هو مغوت بجهد: سميرة خرجي اجي
زيرات كتعض فضفارها ودموع وحلو ليها: شنو غاندير دابا شنو غاندير !!! ففففف
قلبها كيضرب بجهد ماتقدرش كاتقدرش تـمـ ـوت توقف قدامو، فتحات الباب بشوية وخرجات كتشوف فرحمة تبسمات ليها باش ماتبينش التوتر ديالها: خالتي صباح الخير
رحمة: صباح النور ابنتي كيصبحتي ؟
قبل ماتهضر قاطعها شاف فمو: الواليدة واحد الدقيقة الله اجازيك بالخير.
خرجات سادا عليهوم الباب خلات سميرة كدور فعينيها عاودات تحسرات واخا يالاه دارتهوم رجع شاف فيها: غادي نعاود نسولك هزيتي لفلوس ولا ماهزيتيهومش بلا ماتمضغي عليا فالهضرة
فمها تزنك والعرق خرج ليها من راسها بنبرتو الجدية ونضرة عينيه قادرة تقـ ـتلها واقفة: ماهزيتهومش
ماهضرش بقا ساكت كيشوف فيها بنفس الشوفة بحال داك الجواب ماقنعوش حيت متأكد هي مولاتها والا ماشي عندو جنون، زائد الترعيدة ديديها لي قشعها من بعيد كتزيد تجيب فيها الشك.
صوتها تغرغر بالخلعة: دابا مالك كتشوفيا هاكا، اشنو فيها لاهزيتهوم كاع نتا ماخليتيلي وااالو (طلقات دموع وصوتها ضغمم عينيها تسدو) ماااالك رديتيني شفاارة واااه منين غانجيب انا الفلوس لاماعظيتينييش نتا واش نمشي نخدم واش كحسابك مانقدش كتحكر عليااااا من غدا نجيب فلووسي راسي والله مانبقا ناخد وغادي نردليك فلوسك كاع شحال خديت ( شيرات لراسها) خسرتي فيا الفين درهم علا غلاها الفين درهم ونتا عندك منهم الضوبل كون كانت دابا شي وحدة كون عطيتيها وانا لا تحاسب معايا، كنتي غايب وبغيت نمشي عند ماما واش نمشي بيديا خاويينن....
واش سكتات؟ أبدا، جبداتليه جريدة المساء ديال دراما تركية، لدرجة غمض عينيه كيمسح على اللحية ديالو، الخناين كيخرجو والدموع ماوقفوش، رجع دار جبد كلينيكس وشاف فيها كيحرك راسو بتوعد: اييه فهمت فهمت
قرب كيمسح فالخناين وهي كتزيد: لا مافهمتي.. (شهقات كترجف) نيش نتا لي عندك حيت انا ماعنديش ياكا ماك ..مكاين لي يصرف عليا انخدم دابا تشوف
كيزيد امسح ليها شادها بيدو ثانية من ضهرها : فين غاتخدمي بسلامة؟
سميرة: هانتا غاتشوف وغانردليك فلوسك
طه: واخا يالاه رديهوم دابا
طلعات عينيها حومر وساردين بدموع ساكتة كتشوف فعينيه علا حجبانو بمعنى ماكانضحكش معاك رمشات كتنخصص رجعات غمضات عينيها بالبكا: هانتاااا غاااتشووف
أنت تقرأ
الرحمة 2 MERHAMET
Romanceبين الحياة والموت .. الحق والباطل .. الابيض والاسود .. الاستقامة والاعوجاج .. الخير والشر .. القسوة واللين .. خيط رفيع اسمه " طـَـه الوريـــاغلي " قصة الجيل الثاني منفصلة عن الجيل الاول تحذير قصة جريئة.
PART 44
ابدأ من البداية
