ضرباتو بجهد لسدرو وبدات تغوت تاطلعات مها جات كتفك: اويلي طلق من الدرية واش تسطيتي
هيثم: هاد البنت عالة علينا كاااملين كتمسيي حمقة خااسها تمشي تعااالج نتي حمقة فهمتي عمرك غاتقادي اتبقاي حياتك كاملة هاكااك
بدات كترعد تخبات مور مها: مابقيتش نجي ماغانجيش عندكم ماغانجيش
ربيعة: سير بعد من ختك الله انعلك الحمار سير قبل مانسخط عليك
بقات كترعد جراتها مها لبيتها دخلاتها: كلسي نتي هنا بيدما جات ختك.
لاحت صاك بجهد شادا على راسها بدات كترعد: أنا ماشي حمقة انا بعقلي ماشي حمقة ان ان انا ماشي حمقااااااااااااااا
بدوا شفايفها كيترعدو كلسات فوق الناموسية كتكره هاد الدار كتكره تجي ليها كتبغي تشوف غير ختها ختها الوحيدة لي كتجيبها، طلعات يديها زيرات على شعرها وبدات تجبد زغبة بزغبة ماحاساش بالم انها كتنتفو ابدا كثر من الصراع لي مايض فوسطها كدور راسها بلا: لابغا ايمان يمشي عندها انا يبعد مني.
دقات امينة الباب ودخلات مسلتة راسها بشوية شافت فيها: سميييييييرة.
دخلات كتجري عنقاتها دورات يديها على ختها: امييينة
بقاو معانقين شحال وبعدات كتشوف فيها: كتقراي مزيان اا كيعاملوك مزيان (دوزات يديها على حناكها) خاسك شي حاجة؟
امينة: كيالعادة بابا كيبغي يخرجني ولكن انا باغا نقرا مابغاش نخرج مابغيتش نكلس فدار
سميرة: لا ماغاتكلسيش ماتخافيش غاتقراي تكلاي بهيثم ماغاديش يخليك تخرجي ماغاديش تكوني بحالي
امينة: توحشتك بزاف علاش ماكاتجيش واش ماكيخليوكش واش تما كيعاملوك مزيان؟
حركات راسها باه مبسمة: اه كيعاملوني مزيان كلهم ضريفين ماكيهضروش معاك شوفي شنو ولا عندي
جبدات تيليفون من ساكها وراتو ليها:شوفي
امينة: واااو كيحمق فوقاااش شريتييه
سميرة: شراهلياا طه هههههه شوفي فنن عرفتي كنسمع منو اغاني وكنتفرج فمسلسلات فاليوتوب
امينة: وااااو سعداااتك والله
سميرة: بغييتييه؟؟؟
امينة: ونتييي!!
سميرة: ماتخافيش ايشرليي وحداخر خودي نتي هادا وخبيه باش مايديهش ليك شي واحد
امينة: نااااري (عنقاتها مزيرة عليها) كنحماااق كنحماااق كنحماااق علييك
YOU ARE READING
الرحمة 2 MERHAMET
Romanceبين الحياة والموت .. الحق والباطل .. الابيض والاسود .. الاستقامة والاعوجاج .. الخير والشر .. القسوة واللين .. خيط رفيع اسمه " طـَـه الوريـــاغلي " قصة الجيل الثاني منفصلة عن الجيل الاول تحذير قصة جريئة.
PART 43
Start from the beginning
