Unicode
ပေကျင်းမြို့၏ တောင်တက်လမ်းတစ်နေရာတွင်
ကားလေးတစ်စီးပုံမှန်အမြန်နှုန်းဖြင့်မောင်းနှင်နေသည်။"မာမား.."
ကားထဲမှ တိတ်ဆိတ်မှုကိုဖြိုခွင်းလိုက်တဲ့အသံသေးသေးလေးတစ်ခု..
"အင်း သားလေး"
"ပါပါးနဲ့တား ဘယ်သူ့ကိုပိုချစ်ရဲဟင်"
မျက်လုံးဝိုင်းလေးများဖြင့်မပီတပီမေးလာပုံကချစ်စဖွယ်အတိ..
အမေဖြစ်သူမှချက်ချင်းမဖြေပဲစဥ်းစားနေသလိုလုပ်နေတာကြောင့် ကလေးလေးကစိတ်မရှည်ဟန်..
"ဟွန့်..မာမားက တားကိုချစ်တယ်လို့ချက်ချင်းလည်းဖြေဝူး မာမားကတားကိုမချစ်ဝူး.."
ဆူကာပုပ်ကာဖြင့်လက်ကိုပိုက်မျက်စောင်းကိုထိုးလို့ပြောလာပုံကအသည်းယားဖွယ်ကောင်းလွန်းတာကြောင့် အမေဖြစ်သူကပါးဖောင်းဖောင်းလေးကိုအသာညစ်လိုက်သည်။
"မာမားကပါပါးကိုပိုချစ်တာတဲ့ "
ကားမောင်းနေရာမှလှည့်ကာပြောလာသောအဖေဖြစ်သူရဲ့စကားကြောင့်နဂိုထော်နေသောနှုတ်ခမ်းလေးမှာပို၍ပင်ဆူထော်လာကာ..
"ဟွန့် တားကိုပိုချစ်တာမာမားက ပါပါးကိုချစ်ဘူးတဲ့ ဟုတ်တယ်နော်မာမား"
"ဟုတ်ဘူး ပါပါးကိုပါဆို"
"တားကိုလို့..."
ငိုတော့မည့်ကိန်းဆိုက်တာကြောင့်အဖေဖြစ်သူဆက်မစတော့ပါပဲ..
"အားယိုး ပါပါးရောမာမားရောက ဟောဒီ့ကတစ်ဦးတည်းသောတစ်ယောက်တည်းသောအလိမ္မာတုံးလေးကိုပိုချစ်ရတာပါခမျာ"
ငိုမယောင်ရှုံ့မဲ့နေရာကနေချက်ချင်းထရယ်လာတဲ့ကလေးလေးကြောင့်အဖေနဲ့အမေမှာသဘောတကျရယ်ရပါသေးသည်။
အပြုံးတွေဝေ့သီလို့သီချင်းတွေအော်ဆိုကာ ပျော်ရွှင်နေကြတဲ့မိသားစုလေးဟာဖြင့် လမ်းအကွေ့တစ်နေရာအရောက်တွင်တော့...
"ရှေ့မှာကား..ကား..."
"ဒုန်း.."
"မာမား..."
အရှိန်ဖြင့်မောင်းနှင်လာသောကုန်တင်ကားတစ်စီး ကားမောင်းသူမှာ ဦးထုပ်နဲ့maskအမည်းကိုတပ်လို့ ရှေ့ကားထဲမှမိသားစုကိုလှမ်းကြည့်နေသည်။
အမေ့ရင်ခွင်ထဲတွင် တင်းတင်းကြပ်ကြပ်အဖက်ခံထားရသည့်ကလေးလေးရဲ့မျက်လုံးတွေဟာ ထိုလူကိုတစ်မိနစ်လောက်သာမြင်ခွင့်ရလိုက်ပြီးနောက်အမှောင်ထဲသို့..
![](https://img.wattpad.com/cover/364097769-288-k271052.jpg)
YOU ARE READING
Mystery and Love(ဆန်းကြယ်မှုများနှင့်အချစ်)
Horrorငယ်ကတည်းကကံကြမ္မာရဲ့ရက်စက်မှုတွေနဲ့အတူကြီးပြင်းလာခဲ့တဲ့ကောင်လေးနှစ်ယောက်၊ ရက်စက်မှုတွေရဲ့နောက်ကွယ်မှာဆီးကြိုနေတဲ့အမှန်တရားတစ်ခု၊ (ရယ်နိုင်ကြပါစေ) #zhanyi #taekook idol imageထိခိုက်လိုစိတ်မရှိပါ။ ငယ္ကတည္းကကံၾကမၼာရဲ႕ရက္စက္မႈေတြနဲ႕အတူႀကီးျပင္းလာခဲ့တဲ့ေ...