سعد كان من الصباح شغال ويوجهه العمال ويضبط الجلسات الي حولين الفود ترك وكان تعبان عليه مرا وذكي بنفس الوقت لانه اختار انو يكون جنب كوفي معروف مرااا ومشهور عشان اي احد يطلب قهوه او يجلس يشوف مطعم سعد
كان الاجواء تساعد فسوا جلسات مرتبه خارجيه تخدم المطعم وعشان المساحه ماتساعده ماقدر يكثر حط ٦ طاولات بس لان مايسمحون له باكثر
في بيت ابو راكان كانت ريماس مشتطه من الظهر شرت لها عباية جديده كل ذا عشان سعد يعطيها وجهه ويعجب فيها
الساعه٢ ونص كلمت صديقتها وقالت بمرك ونروح سوا
نزلت الا راكان : سلامات وين رايحة انتي والا امي موب فيه خلاااص تطلعين وتجين على كيفك
ريماس: اقووول ريحنا بسس ترا ماخذه موافقه ابوي وموافق
راكان: يوافق على وشش
ريماس : ياخي انا مسجله ساعات تطوع وقلت لابوي ووافق وش تبي انت
راكان : بعد ماعرف المكان وعرف التفاصيل
قال: هاذا موب مكان الي فاتح فيه سعد يقولون مطعمه
ريماس : وانا وش يدريني وين بيفتح انا موب جهه المطاعم اناااا عند بوابه الدخول
راكان : يازينك واقفه بوسط الناس والزحمه
ريماس: اووووووووووووووه بابا وراحت عند الصاله لابوها
بابا انت وافقت انو اروح واسجل والحين راكان واقف لي عند الباب
ابو راكان نادية خل يجي
ريماس: راااااااااااكاااااااان بابا يبيككككككك
راكان : هلا يبه سمممم
ابو راكان : وش تبي بالبنت واقف لها عند الباب
راكان : يابوي من جدك بتخليها تروح وتوقف بين هالناس وزحمة الرياجيل وحتى امي موب معها
ابو راكان: وش نسوي بامك رايحة للعروس وجالسه ٣ ايام بالكويت ومخليه بناتها
ابو راكان: بعدين أنا بنتي واثق فيها ريماس تربيتي مستحيل تسوي شي غلط
راكان: مش مسألة الثقة بس صعبه تروح وسط هالزحمة والناس
أبو راكان :أنا سمحت لها وانتهى الموضوع روح وصل اختك وإذا كنت مرة خايف عليها اجلس معاها لين تخلص المهمة حقتها
ريماس: لا ما أبي يوصلني أنا وعدت صديقتي وعد إني راح أمرها فصعب اسحب عليها الحين
أبو راكان: روحي يا بنتي الله يسهل امرك وانتبهي على نفسك
وانت يا راكان ريح شوي وبعدها روح عند اختك لا تخليها لحالها
راكان: أبشر أبشر يا بوي وانتي ريماس حاولي تخلصين بدري لا تجلسين وتطولين
ريماس :اوكي اوكي يصير خير يلا تأخرت على البنت جالسة
مرت ريماس صديقتها راحوا مع بعض الايفنت لما وصلت راحت على طول صوب مطعم سعد وجلست تناظر من بعيد
وعد: يا بنتي طفشتينا نجلس طول الوقت تناظرين فيه
ريماس: وايش أسوي يا وعد والله إني اموت فيه ولا هو داري عني كل همه أصايل
وعد: هي أكيد ما راح يدري عنك وانت لا تحتكين فيه ولا تجينه ولا تكلمينه
ريماس: من جدك أنتي شلون تبيني أكلمة وش يقول عني أكيد بطيح من عينه
وعد: أجل خليك كذا محلك شوفي أصايل كيف تاخذه وإنتي خليك تفرجي من بعيد
ريماس:و ايش أسوي طيب علميني الله لو يأخذها راكان أخوي وأفتك
وعد: مالك الا تخلينه يفقد الأمل في أن يأخذ أصايل وبكذا يلتفت لك
ريماس:: الكلام سهل يا وعد يالله أقنعت الوالد
انه يكلم خالتي شيخة يخطبها لراكان قبل سعد بس يا خوفي أصايل ترفض راكان
وعد: ما عليك عندي لك خطة جهنمية بس اسمعي كلامي ونفذي اللي بقولك عليه بالحرف الواحد وبإذن رب العالمين سعد يكون لك
ريماس: أبد أنا من يدك اليمين للشمال
وعد: متى تقدرين تجمعين راكان أصايل وسعد بمكان واحد
ريماس: صعبة الثلاثة شلون اجمعهم
وعد:هاذي عاد عليك
ريماس: شوفي إذا اليوم أصايل جت مع نجد عشان مطعم سعد وراكان جاي يأخذني ممكن يجتمعون كلهم هنا
وعد: حلو هذا اللي أبيه
ريماس: وش اللي قاعدة تفكرين فيه
وعد: ولا شي بس نخلي سعد يشوف راكان وأصايل مع بعض ونوري سعد ان أصايل وراكان بينهم أصلا علاقة
سعد مستحيل يرضى انه ياخذ وحدة لها علاقة بشخص ثاني غيره
ريماس: وعد أنتي قصدك إني مثلا أشوه سمعت أصايل وراكان لا صعب كذا اصايل بعد عزيزة ترا علي صحيح إني أتمنى سعد صعب إني أتكلم في عرضها أو شرفها
وعد: وشدخل شرفها وعرضها حنا بس نبي نخلي سعد يبطل انه يأخذها ونفس الوقت أخوك راكان ياخذها يعني ما راح احد يدري إلا سعد
ريماس: وإذا اكتشفوا نزلنا علاقة بالموضوع
وعد: يبنت وش فيك صعبتي الموضوع حنا نخلي سعد هو يتخيل انه بينهم شي أما راكان عادي أكيد ما راح يسوي شي خطأ مع أصايل
ريماس: لا لا صعبة صعبة يا وعد
وعد: أجل خليك كذا تناظرين من بعيد سلام بروح اشوف التطوع الي بلشتيني فيه عشان سعد واخرتها ناظري من بعيد
