သစ္စာရဲ့ကတိ
အပိုင်း(၅)
မိုးတစ်ယောက်သင်္ချာချိန်မှာထူးထူးဆန်းဆန်းစိတ်၀င်တစားလိုက်နားထောင်နေသည်။ဘေးနားကပန်းကတော့မိုးရဲ့ယခုအပြုအမူကအနည်းငယ်တော့ထူးဆန်းနေသည်။
မိုးအခုလို့ကြိုးစားပမ်းစားစာလိုက်မှတ်နေရခြင်းမှာအဖေကြောင့်ဖြစ်သည်။အဖေသည်ယနေ့Guideဆရာမလေးတစ်ယောက်ခေါ်ထားကြောင်းပြောသည်။မလိုအပ်ဘူးပြောပေမဲ့အဖေကမဖြစ်မနေသင်ရမယ်လို့ပြောသည်မို့မငြင်းနိုင်ခဲ့ပါ။စာအုပ်ထဲမှာသာစာစုံနေပေမဲ့သင်ခန်းစာတော်တော်များများကိုလိုက်နားမထောင်ခဲ့၍နားမလည်နေပါ။ထို့ကြောင့်ယခုရသလောက်လေးခေါင်းထဲကိုစာတွေသွင်းနေရခြင်းဖြစ်သည်။မုန့်စားကျောင်းဆင်းချိန်
"မိုး မေးစရာရှိတယ်"
"မေးလေ"
"ဘာလို့ဒီနေ့စာလိုက်လုပ်နေရတာလဲ ပုံမှန်ဆိုငါစီကဘဲကူးနေကြလေ"
"ဒီနေ့Guideဆရာမလာမှာလေ သူဘာမေးမေးမသိဘူးဖြေနေရင်ကောင်းမှမကောင်းတာ အဲတော့ရသလောက်လေးမှတ်နေတာ"
"တစ်သက်လုံးကျုရှင်မယူဘာမယူလုပ်နေပြီမှအခုကြတော့အထူးဆန်းပါလား"
"ငါသဘောနဲ့ငါသာဆိုမတက်ဘူး အဖေကမတက်ရင်အပြင်ထွက်ခွင့်ပိတ်မယ်ဆိုလို့"
"ကောင်းပါတယ်လေ ၁၀တန်းနှစ်ဆိုတော့ဂရုစိုက်ဖို့လိုတယ် အခုလို့ဆရာမနဲ့သပ်သပ်ပြန်တင်တာကောင်းတယ်"
"အောင်ရင်ရပါပြီဟာ"
"ဟယ်...အမှတ်တွေကအရေးကြီးတယ်လေ နင်တက္ကသိုလ်မတက်တော့ဘူးလား"
"စဉ်းစားတုန်းပဲ"
"နင်ကျောင်းပြီသွားရင်ဘာလုပ်စားမှာလဲ"
"မသိသေးဘူး...နင်ရော"
"ငါကတော့ဆရာ၀န်ဖြစ်ချင်တယ် လူနာတွေရဲ့အသက်ကိုကယ်တင်ပေးရတာကတကယ်ကြည်နူးဖို့ကောင်းနေမှာအသေချာပဲ"
"အေးပါ လုပ်ပါ...ငါတော့ဆရာ၀န်မလုပ်ချင်ဘူး"
"လူတိုင်းမှာကိုယ်စီဖြစ်ချင်တာရှိမှာပဲ အဲတော့နင်လည်းဘာဖြစ်ချင်လဲဆိုတာစဉ်းစားထား"