ترا وعد المحبه دين

ضمني يانور عيني في حشاك شويه ...

عند البنات بدو يلعبون وتوهم بينحاشون من إرم لانه كان عليها صرخت ارم وركضت باتجاه اهلها والبنات يوم شافو الخروف انتشرو والخروف قام يركض معهم
ارم واهي خايفه تنتضر وصول البنات لها عند البيت حق المزرعه جت سديم تركض : اررررررمممممم
ارم واهي خايفه : وينننن البناتت ؟
سديم واهي تتكلم وتبي تتنفس : مدري ...... انا يوم ننحاش ماكانت رهف معنا كانت موقفه وتناظر الخروف
خافت ارم على رهف بس توقعتها مع البنات ، بعد عشر دقايق جو ترف ونوره والجازي مع بعض
ارم راحت لهم تركض : ويننن رهففف ؟؟
نوره بخوف : توقعتها معكم
ارم علمتهم بكلام سديم وكلهم خافو عليها بيجي الليل ورهف مختفيه
عند العيال بعد ماهج الخروف ابتلشو ومايعرفون مكانه وقعدو يدورونه بس رهف وش صار عليها ؟
عند رهف كانت بزي الحفره والخروف قريب منها وكل شوي يقرب وكانت مغمضه وتبي بس احد يطلعها من ذا المكان جا شخص وسحبها ومسك الخروف وهجده رفعت راسها وكان ايهم ربطه بحبل ورهف كانت ترجف وماتتكلم ورجفتها قويه كانت طايحه على الارض وماسكه يدها وعيونها كلها دموع
ايهم بتوتر من وضعها : رهف انتي بخير ؟؟
رهف ماردت ولا ناظرته وماكان وده يمسكه مره بس مسك دقنها ورفعه له ايهم بتوتر وخوف كبير : رهف ، اذا فيه شي يعورك علميني سوا لك شي ؟
رهف ناظرته حطت راسها على صدره وقامت تشاهق بقوه : حسبت اني بموت محد كان عندي ويينننن كنتتتوو
وقامت تطق صدره بيدها الثانيه بدون مايحس حضنها وكانت تصيح بقوه بعد نص ساعه سكتت رهف وايهم توتر مره ماقد قرب من بنت كذا ومسكها غيرها اهي اعتذر من رهف وقامت رهف واهي ماسكه يدها وتمشي مشى جنبها واهو كان معامل جيبه شنطه حاط فيه مويه وشبس طلع المويه : رهف تراني ماشربت المويه ذي بس كانت بجيبي فتحها لها وعطاها بس رفضت تشربها وقف قدامها : اشربيها عشان تمشين
شربتها واهي مافيها حيل تنناقش مشت لما وصلو وابو سعود وابو ايهم والامهات والعيال والبنات كانو خايفين مره على رهف بس كلمهم ايهم وقالهم انه لقاها ومسك الخروف
راح ابو سعود يركض لرهف وحضنها واهي صاحت بحكم انها ماتخطت الصدمه
مشاري بطقطقه : وش دلع البنات ذا
لف عليه ايهم وعطاه نظره خلته يرجف ويعتذر
ابو ايهم راح لايهم : انت حسابك معي الان مو بعدين وكلكم يالعيال تعالو والبنات بعد
جمعهم بمكان واحد عشان يفهم السالفه ورهف كانت ساكته وفيها النوم
رهف واهي تتثاوب : عمي اقدر اروح انوم انا متضرره من السالفه مالي دخل
نواف بضحك : امداك تتخطين الصدمه
سعود : واهو يرجفه ماتهجدون انت وياه
ابو ايهم صرخ عليهم : ويارهف بتقعدين لين يخلصون العيال
دخلت ساره معها عصفر : هذا لرهف عشان مايجيها شي ويضرها
ابو ايهم : عطيها مويه مقري عليها بعد
قعدت العمه ساره جنب رهف وقعدت تقرا عليها ورهف حطت راسها على كتف عمتها ونامت كل ذا تحت انظار ايهم الي كان مره موجعه قلبه عليها يحس بتأنيب وعتابها مره اثر عليه نزل راسه وقام يكلم ابوه بأذنه : يبه خل رهف تروح تنوم الي صار لها مهو هين تروح ترتاح وش الفايده تقعد عندنا وانت تهاوش خلها ترتاح افضل لها
رفع ابو ايهم عيونه على ولده : رح اقعد
بعد خمس دقايق من الكلام ومن نقاشات ابو سعود للعيال انتبه ابو ايهم لرهف واهي نايمه على اخته ساره قام لها : رهف رهف وانا عمك قومي نومي جوا
قامت رهف بس رفضت : لا ياعمي بقعد عندكم
عند ابو سعود : ايهم انا اكلمك تناظر وين انت
ايهم واهو يعتذر : اسف ياعم اسلم
رجع ابو ايهم لمكانه ورهف قعدت واعتذرو العيال لدفاشتهم مع البنات وخافو على رهف من الضرر وقالو ماراح يعيدونها
تعشو وجا وقت النوم بس رهف ماقدرت تنوم رغم انها من اليوم تبي تنوم قررت تطلع برا طلعت وقعدت عند النار الي مشغله برا وكانت تناظرها وتتذكر الي سوته مع ايهم انحرجت مرهه يوم تذكرت وكيف انها توها تستوعب الحين : ابلش كيف اقابله الحين
ايهم بابتسامه : تقابلين مين ؟
رهف بخرشه : مانمت ؟؟
ايهم بهدوء : لا ماقدرت ، اعتذر على الي صار اليوم
رهف واهي تناظر النار : لا شدعوه عادي بس انصدمت شوي ماتوقعته مره
ايهم واهو يرجع الموضوع : ايوه من تقابلين
توترت رهف : ححصاني
ايهم واهو يناظر النار : حصانك ؟ وش اسمه
رهف بابتسامه : ماسميته تخيل
جت لحضة صمت غريبه بينهم بس رهف قررت تكسرها
رهف : ايهم
ايهم بهدوء : هلا
رهف بابتسامه : وش تعطي اسم لحصان لونه ابيض وجميل
ايهم واهو يفكر : ابيض قلتي ؟
رهف بحماس : اييييي
ايهم جاه اسم حلو : سميه العهد احس حلو وله معنى
وايهم يسولف رفعت عيونها رهف تناظره كان شعره الكثيف طايح على وجهه وعيونه الحاده وخشمه الطويل وشواربه وحواجبه الكثيفه كل ذي الاشياء توها تنتبه لها رهف
ايهم لف عليها : شرايك ؟
رهف واهي تستوعب : ايي احسه حلو بكره بروح له
ايهم بحماس : وانا بعد مشتاق لحقي
رهف : عندك واحد ؟؟؟
ايهم : ايوه عندي بس مخلي اخواني ينتبهون له
ايهم لف يخطف نظره سريعه لعيون رهف من قريب
قامت رهف ووخر عيونه ايهم
رهف : لايجي احد ويفهمنا غلط بروح انوم الحين يمكن يمكن يقرر يجيني النوم وانت بعد حاول واذا مانمت ارجع هنا وبتلقاني موجوده
ضحك ايهم : اجل بقعد هنا انتضرك
ضحكت رهف وكانت ضحكتها حلوه وتوه ينتبه لها ايهم : لا عاد يالسامج قم نم
راحت رهف تحاول تنوم وايهم برضو
عند رهف : احس اني امون يوم قلت السامج وععع ياشيني بس ماعليه ، توني انتبه لملامحه ذكرني بجدي ياربيه بنوم بنوم
عند ايهم كانت يفكر برهف ووده يتأكد من شي قبل يتخذ الخطوه هاذي حس انه بعيييد عن اهله واقاربه ووده يتعرف عليهم ويذكرهم واحد واحد ..
جا الصباح والكل قام والي يهاوشونه عشانه ماقام يصلي الفجر جماعه مع العيال والحوسه حقت الفطور والازعاج
طلعت رهف تركض ومعها بريق الشاهي وصدمت بشخص طاحت وطاح بريق الشاهي رفعت راسها تناظر واهو صد : طول عمرك ماتعرفين تمشين ؟
رهف بعصبيه والشاهي كان حار بس ماجاها شي : سلامات تراك انت الي مدرعم بعدين وش جابك هنا ؟؟ انت عارف ان فيه بنات
ما انتبهت له رهف ولف يناظر الشاهي بالارض شهقت رهف بصدمه وطاح غطى البريق بالارض : زيااد ؟؟؟؟؟؟
صرخت واهي تقول اسمه وجو القبيله يشوفون وش الوضع ساره جت تركض : بسم الله عليك يا امي رهف شفيك ؟
لفت وانتبهت لوجود ولدها زياد دمعت عيونها وسحبها وحضنها حضن طووووووويل يعبر عن شوقه لهم
واجتمعو يسلمون عليه وصوت ضحكهم واصل لبلدان من الوناسه
بالنسبه لزياد كان مسافر يدرس طب لحبه لتخصصه ومارجع ابداً له اربع سنين من اخر مره شافوه وله فتره بيرجع لاهله وشاف ان ايهم رجع وتشجع يرجع وحب انه يفاجئهم برجعته وماشافهم بالبيت وابو منصور قال له انهم راحو المزرعه