ترا وعد المحبه دين

جمعت حلو المحاسن وش هو القمر والغزال ؟

راحت رهف تجهز الفطور وجت بتشغل النار وتذكرت الي صار وجاها خوف كبير بعد ماتذكرت الي صار : ابلش وش اسوي
تذكرت ترف وراحت لها : ترفرف معليش تجين تشغلين النار
ترف باستغراب : وانتي ليه ماتشغلينها ؟
رهف واهي تحط العذر ان يدها توجعها : يدي شوي شبت علي
ترف تذكرت يدها : اوووه يلا يلا امشي نشغلها
راحو يشغلون النار وقعدو يسولفون ودخلت نوره تساعد رهف وجت سديم وقعدو يطقطقون دخلت ارم بقوه : شعندكم مجتمعين بدوني ؟
سديم : رهف تجهز الفطور وانا نبربر عليها
ارم بضحك : ببربر معكم ، بس ليه تسوين فطور ؟
رهف : اسويه عشان ايهم ابوي قال لي اجهزه له توه صاحي
وكملو سوالف وخلصت رهف وبحكم انهم اتفقو يطلعون للبقاله واستأذنو من الاباء لبست رهف عبايتها ونقابها وطلعت بالفطور لانهم قالو لها مافيه احد درعمت رهف على المجلس الخارجي وكان ايهم قاعد ورافع كمه ويناظر يده وقفت رهف واهي تناظر يده معه ومصدومه من شكلها واستوعبت حطت الاكل على الطاوله الي كانت عند الباب وطلعت وكانت عند الباب بس الجدار مغطيها كل ذا تحت نظرات ايهم المصدومه قالت بتوتر : شفيها يدك ؟
ايهم واهو يحاول يمشي الموضوع : معليش ماكنت ادري انك بتجين
رهف بتساؤل : امس عورتك ؟
ايهم بهدوء : لا بس يمكن طحت انا عليها
رهف بخوف : شكلها مايطمن بكلم سعود يوديك
ايهم باستعجال : لا لا لا اقعدي لاتعلمينه لحد يدري انا بروح من نفسي
رهف بتأكيد : متأكد بتروح ؟
ايهم : اي
رهف بابتسامه : خلاص سويت لك الفطور افطر قبلها
راحت رهف وايهم موقف يناظر الاكل بابتسامه كونه ماكان يدري بشخصيات بنات عمه وبالذات رهف الي كانت تعامله كأنه اخوها
راحت رهف للبنات ومن صرخة نوره نست الموضوع
نوره بصراخ : ييييااااايي يابنات من زمان ماطلعنا مع بعض
رهف بخرشه : طيب وراك تصارخين مافهمت
نوره بصراخ اعلى : عشاااانننيي متحممسسسه جداً
جت إرم واهي تضحك : ترا بيروحون معنا العيال
رهف باستغراب : وش يبون
إرم واهي مبتسمه : يبونك
علقو كلهم محد تحرك وضحكو كلهم من ضحكة إرم الي طلعت فجأه
إرم بضحك : من جدك انتي يعني وشرايك بيروحون المقهى الي قريب حق خويهم بيقعدون معه وانا بنفرفر
رهف بحماس : بنااتتتت شرايكم ناخذ الجازي معنا
نوره بحماس : يووووووه عاد مشتاقه لها
طلع سعود : وين العيال ؟
رهف ردت والبنات وخرو عن الطريق بكل هدوء : ماشفتهم بس شفت ايهم بالملحق
سعود هز راسه وراح يشوف ايهم
سعود بصوت عالي : اررححببب
ايهم واللقمه بفمه : ماتعرف تدخل بهدوء انت ؟
سعود واهو يضحك : لا ما اعرف علمني
ايهم سحب عليه واهو يهوجس
سعود باستغراب : شفيك ياولد ؟
ايهم : مافيني شي وانا اخوك
سعود واهو يحارشه : مانيب اخوك
ايهم لف عليه : ماودك تاكل بعر
سعود جلس جنبه وتكلم بجديه : طيب شفيك ؟
ايهم : مافيني شي بس مشتاق لكم
سعود بابتسامه : يلا افطر عشان نروح سوا نودي البنات ونروح نشرب شاهي عند حبيبنا ناصر
طلعو عند البنات الي كانو جاهزين قالت ترف لسعود : سعوود نبي نمر الجازي
سعود هز راسه بموافقه : تمام اسبقونا ولا تتأخرون
( طبعاً بحكم ان بيت الجازي جنبهم ماراح يتأخرون )
سبقو العيال وراحو للجازي
فتحت الباب وانصدمت بس ما امداها تسوي ردة فعل من حضن رهف وجت نوره تحضنهم كلهم والباقي يضحكون طلعو ايهم وسعود واهم معطين العيال علم انهم بيكونون هناك
ايهم واهو يضحك على شكل إرم : وراك تضحكين كذذااا
إرم واهي تضحك بقوه : ياخي تضحكني رهف ماعطت الجازي فرصه تعبر حتى
رفع راسه يناظرها وابتسم وما امداه بيطول النظرات يبيها تلف له عشان يشكرها جت إرم وعطته ضربه قويه مع يده صرخ ايهم وقعد على الارض وشد على يده لدرجة ان عروقه وضحت بزياده ووجهه حمر وراحت تفاصيل وجهه ورهف كانت تناظره وشهقت يوم استوعبت وراحت ل إرم : لييه ضربتيهه
إرم باستغراب : ضربته بخفيف
جت نوره تركض : شفيه مستحيل توجعه 
ورهف كانت تناظر وجا سعود يركض بحكم انه شاف الي صار من بعيد واهو يكلم : ايهم ؟ شفيه مستحيل يتعور من ذي الضربه ترا
نوره بشده : تستهبل انت بعد يمكن ماعنده كالسيوم
ضحكو كلهم عشان نوره رهف واهي تناظر ايهم نزلت له : توجعك ؟
ايهم وقف : لا لا ماعليك
قامت رهف وطلعت الجازي مستانسه بجيتهم : ياشوقيييي لكمم يابناتت
وراحت لها رهف ورجعت خمتها : ياكثر شوقنا لك والله
جت سديم واهي توها طالعه من البيت : يابنات وش فاتني
كلهم وقفو يناظرونها ، إرم بضحك : كان ماجيتي وانا اختس
وقعدو يضحكون ومشو وسولفو وهواش وانفصلو بنص الطريق بحكم ان العيال والبنات كل واحد بيروح مكان كانت عين رهف على ايهم ودها تسأله وتقوله رح المستشفى بس ماتقدر انتبه لنظراتها ووخرت بسرعه حاول بنص حوسة البنات والعيال الي جو يرجع ورا ويكلمها
ايهم بابتسامه : ماعليك بروح
ابتسمت رهف ورفعت راسها : طمنا عاد
راحت للبنات واهو كمل طريقه مع العيال واول مادخل قعدو يصفقون ويزغرطون عشان ايهم
ناصر : الا وينننننك ياحبيب ترا عندنا مشاعر نشتاق
ايهم بابتسامه : هذاني خلاص بنشب لكم معد فيييه روحه
خالد بنفس ابتسامة ايهم : وافضل من ينشب لنا وانا اخوك
وقعدو يلعبون ويغنون ويسوون فعالياتهم ، اما عند البنات راحو شرو اشياء بسيطه بحكم ان الجازي وامها بيجون البيت
ترف بحماس : يا بنات كثرو كثرو فصفص ماودنا نخلص الا الفجر اليوم
إرم واهي تضحك : ودك تتسطرين انتي اليوم
نوره كملت مع ارم : شكلها ودها
وقعدو يضحكون عليها
جت الجازي : عيببب يابنات بنسهر لحد الفجر
رهف واهي تضحك عليهم : لحد الفجر وشش انتي العشاء نايمه وساحبه علينا
وانفجرو ضحك ، خلصو وطلعو وقررو يمرون السوق
سديم نقزت : يابنننناااتت جتني فكره رهيييييبه
إرم : اوافقك الفكره على نقزتك ذي
نوره واهي متحمسه للفكره : اهبدي الفكره يلا
سديم بحماس : شراايييكممم نطققممم قمصااان
رهف بحماس : يبويييي انتي وافكارك الرهيبه
ترف واهي تضحك : وناسه بصورنا اذا سويناها
لفت عليها الجازي : عندك كاميرا ؟
ترف بحماس : ايييييي سعود جاب لي
الجازي بحماس : وااااوووو يابنات اليوم نفل ام امها
نوره واهي رافعه العبايه : يلا يابنات نهاجم السوق
رهف واهي تسحب عبايتها : زيني العبايه لايشوفونك عيال الديره نقالين العلوم
إرم بضحك : شكل نقل العلوم يسري بدم الديره وعيالها وبناتها بالذات الجازي
الجازي سوت نفسها ماتسمع : يابنات وين القمصان
ضحكو عليها ، رهف واهي تضحك : هنا الاثواب هناك القمصان وانا امك
وراحو يشترون وكل وحده فيهم تختار اللون الي يعجبها وهوشات عشان كل ماعجب وحده لون صارت الثانيه مختارته
رهف : اسمعععوووو يابناتت خلاص عددنا سته كل ثنتين نفس لون القميص
نوره عجبتها الفكره ونقزت : انا ورهف سوا
الجازي برفض قاطع : مافيه انتي وإرم سوا وانا ورهف سوا
وقعدو يتهاوشون اخر شي تقسمو ( رهف وإرم ) ( نوره والجازي ) (ترف وسديم )
ورجعو البيت اما العيال قعدو يلعبون وقررو يروحون المخيم مع العيال ويسهرون فيه
نواف : ياعيال معلمين الاباء ؟
جا مشاري تعلق بكتف نواف : منجد معلمينهم ؟
تركي : ايه ايه انا معلمهم بنرجع الساعه 10 عشان بكره بنروح
كل العيال : ويييين
تركي واهم يمشون سوا : ابوي قال بنروح مع عمي وعمتي وجارتنا المزرعه وماراح نرجع الا نهاية الاسبوع
سعود واهو يعد الايام : الله اكبر عليهم ليه كل ذي المده
تركي : يقولون عشان نجتمع من زمان ما اجتمعنا ومعنا ايهم
ايهم تذكر : ياعيال بروح مكان وارجع
سعود بتساؤل : وين ؟
ايهم واهو مستعجل : شويات واجيكم
راح ايهم وكملو العيال طريقهم
عند البنات
جت ترف تركض : يابناتت عندي لكم خببررررر يجنن رهف بتستانس فيه
رهف بحماس : بنروح البر ؟
ضحكت ترف وقالت : لا لا بنروح المزززرررررعععه
قعدو يصارخون ويصفقون
إرم بحماس : واو يابنات من زمان مارحنا لها اشتقت
رهف واهي تتذكر : انا اعتمد على سعود يكلم حق المزرعه ينتبه للحصان حقي بس من زمان ماشفته
لفو عليها كلهم
سديم : عندك حصان ؟
رهف : صباح الخير
نوره : مو مات ؟
ترف : الا بس ابوي جاب لها جديد يابنات يجنن حقها لونه ابييييييض كأنه ثلج ونظييييف اذكر شفته بس من زمان
الجازي بحماس : قد ركبتيه
رهف : ايه ركبته بس صرت اخاف من عقب ما طحت ذيك المره
إرم بحماس : اجلللل اركبيييه بكره جربي اكسري حاجز الخوف
رهف واهي تفكر : بشوف
مر اليوم وسهرو البنات سوا وجت ام الجازي ونامت عند الجوهره ووسميه وساره ولا يغركم تراهم حتى اهم عندهم فعاليات
بكره الصباح الساعه 7
إرم راحت ركض لنوره : وين رهف
نوره بخرشه : مدري توها طلعت فوق روحي دوريها يمكن بغرفتك
راحت إرم تدورها وصدق صارت بغرفة إرم : رهف انتي تعالي معنا
رهف واهي تتجهز : انتي بتروحين بسيارة مين ؟
ارم بحماس : مع اخوي ايهم
رهف بتوتر : لا لا تكفين يوتر
ارم واهي تسحبها : اقول بتجين معي ولا بزعل
واهم ينزلون كانو يتهاوشون وطلعو برا والعيال يركبون استغلت الفرصه ارم وراحت ركض لايهم : ايهم قول لرهف تجي معنا بسيارتنا
ايهم رفع راسه يدور بعيونه  : وينها
ارم انخرشت بحكم ان رهف كانت معها : توها جنبي
ايهم شاف ضلها وضحك : قولي لها تجي معنا فيه مكان مافيه الا انا وانتي ونوره الي بنروح سوا صح ؟
ارم بحماس : ايي بتستانس معنا ترا
قامت رهف بسرعه : نوره بتجي معنا ؟
ارم بخرشه : بسم الله ايي بتجي
رهف بحماس : زيييين خلاص بجي
راحت ارم تركض تعلم رهف ورهف كانت تضحك على ركضة ارم ولفت وكان ايهم قدامها وجت بتروح بس ايهم : رهف
وقفت معد تحركت
كمل كلامه : انا امس رحت كشفت على يدي وابشرك موب شي قوي بس شعره بالعظم
لفت راسها تناظر يده : اسفه لاني طحت عليك
ايهم واهو يرفض وبقوه : مو انتي انا الي سحبتك
قعدو ساكتين وكل واحد يبي يروح ومتفشل كسرت الصمت رهف : تبي اساعدك
وراحت تبي تشيل الاشياء وكانت ثقيله : وش جواها ذي
ايهم بهدوء : مدري خليها
نادت ارم رهف : رهههفففف استعجلي بنروح
راحت رهف تجيب اغراضها وركبو السياره ومشو
لفت إرم على رهف ونوره بقوه : بنات ماتحسون بدري ؟
رهف : لا مو بدري عشان نفطر هناك سوا وندور فيها قبل يجي الليل
نوره واهي توافق على كلام رهف : ايي صادقه ترا المزرعه كبيره مره والله لو جا الليل ومارجعنا بنروح فيها
ايهم بهدوء : لايمديكم لما المغرب
إرم بحماس : ايهم ودنا البقاله نجيب اشياء للمزرعه
ايهم واهو يسوق : اصبري بوديكم بس نقرب من المزرعه بحكم انها بعيده

اللهم توفيقك