ترا وعد المحبه دين

يامرحبااا

في بيت ابو ايهم كان قاعد والساعه تقريباً 10 الصبح كان يوم الخميس قاعد وحوله عياله ابو ايهم : تركي ماودك تتزوج وانا ابوك ؟
تركي باستغراب : افا يايبه تبيني اروح طفشت مني
الابو بحده : قفلت العشرين وبديت بالثلاثين لين متى ؟
تركي بهدوء : ان شاء الله الله يجيب الزوجه الصالحه
ابو ايهم : اليوم بيجي اخوكم ايهم لاتعلمون امكم ولا خواتكم
دخلت إرم واهي تسمع ابوها يقول لاتعلمون امكم : شسالفه يبه شاركني اسرار زيهم
نواف بخرشه وضحك : انتي اصلاً كيف درعمتي علينا
إرم بطقطقه : من الشباك
الابو : المهم ياعيال لاتنسون ، قومو نروح نقعد عند امكم

ايهم مسافر من سنتين رغم انه كان عنده اجازات بس ماقدر انه يجيهم بحكم انه بعيد عنهم وبحكم انه عسكري نقلوه لديرته عشان اهله بعد السنتين ذي وبيموت من شوقه عليهم
عند ايهم : يووووه متحمس لشوفتهم ياناصر حتى لمتهم مشتاق لها

ناصر صديق ايهم الروح بالروح وولد الديره

ناصر بحماس : ياولد يلا باقي شويات ونوصل لهم

في بيت ابو سعود
ابو سعود : ياعيال نادو خواتكم وين رهف مختفيه ؟
مشاري : تلقاها بالمطبخ تسوي قهوه
ابو سعود : نادها وانا ابوك
راح مشاري ينادي رهف ونفس ماقال بالمطبخ كانت تغني وتسوي القهوه : رهففف
رهف بخرشه : بسم الله ماتعرف تدخل زي الناس ؟
مشاري باستعجال : خلي الي بيدك وتعالي ابوي يبينا كلنا بشي مهم
رهف بتفكير : ماسويت شي
لف مشاري واهو كان بيطلع وضحك : من قال انك مسويه شي اخلصي لا اهفك كف يعجلك امشي معي
رهف بتهديد واهي تمر من جنبه بخفيف : لاتهايط عشان ما اهفك
هجت رهف ودخلت على ابوها ودخل مشاري وراها وكانو كل عياله موجودين
سعود : امر يا يبه وش بغيت
ابو سعود بفرحه : جبت لكم البشاره ايهم اليوم راجع الديره وخلاص بيقعد عندنا بالديره ومعد هو براجع
فرحو الكل والي يزغرط والي يصفق بالذات سعود راح يركض يدق على ايهم بعد مارد ايهم : ياولددد اجل عندك ذا الخبر الزين وماتعلمني ؟
ايهم عرف وش قصده وقال بضحك : لااا من علمك كنت بفاجئكم سوا
سعود وكان متحمس : اخلصصص كم باقي وتجي
ايهم : ساعه وحولها تجهزو لجيتي
سعود : ماقلت شيي وانا اخوك ابشر يلا توصل بالسلامه
قفل منه وراح لاهله وابو سعود امرهم ان اليوم الاجتماع ببيت ابو أيهم بحكم انه بيجي وبينور الديره عند رهف الي كانت ناسيه شكل ايهم رغم انها كانت طفولتها معه بس كانت سعيده من سعادة اهلها وسعادة عمانها دخلت عليها ترف واهي ترتب : رهف وش بتلبسين
رهف بتفكير : والله ما ادري ماقررت الصدق وشرايك انتي
ترف ورتها فستان : اسمعي شرايك بلبس ذا احسه فخم
( كل العمان والاهل بيجتمعون ببيت ابو ايهم وكان استقبال كبييير له ومحد يعرف بجيته الا سعود وعياله وابو ايهم وعياله الثلاثه تركي ونواف ومشاري )
رهف باعجاب : مرررره حلو البسيه
ترف بحب : يووووه كنت حاسه انك مابتتعبيني بالاختيار
طبعاً ترف دايم تاخذ رأي رهف ودايم ورأي اهلها تحب تسمع ارائهم قبل تختار الشي بس لازم رهف قبلهم كلهم
رهف بحب : يلا يلا تجهزي وانا واثقه انك بتطلعين افضل وحده
راحت ترف تتجهز واستعجلهم سعود عشان يخلصو بسرعه لأن الوقت مايكفي وايهم بيوصل قريب !
عند رهف الي خلصت زينتها ولبست فستان اسود حرير ماسك من عند البطن وخلت شعرها ويفي وبالرغم انها ماتحب الميكب الا انها حطت خفيييففف وطلعت لاهلها بالصاله جاهزين واهي تنزل الدرج وتسمع هوشة مشاري وسعود سعود بحده : وين غترتي اخلص علي
مشاري : ذي حقتي من متى وانت تلبس زي كذا
ويتساحبون نزلت رهف وراحت لهم لما صارت بينهم : تستهبل انت وياه ذي غترة ابوي
قمطو كلهم ورمو الغتره لأنهم عفلوها ( عفطوها ) سعود : اجل وين حقاتنا
رهف : شفهم كويتهم وبخرتهم معلقه بالمعلاق
قبل يروحون يجيبونها قررو يحارشون رهف
مشاري بضحك : وش ذا الزين هاه
سعود : لا لا بنتنا غطت على الحضور
دخل ابو سعود : ماشاء الله تبارك الله الله يحفظك يابنيتي وش ذا الزين
رهف بضحك : ايه يايبه بصدق المدح منك اما منهم ما اصدقه
وهجت عند ابوها لأن محد يقدر يسوي لها شي واهم يهددون من بعيد
اختصار نزلت ترف بكامل اناقتها وركبو وراحو لبيت ابو ايهم
بالطريق رهف واهي تعدل نقابها : الحين ليه ايهم توه يفكر يجي
ابو سعود : كان عنده اجازات كثيره بين دوامه بس مستحيل يجي بحكم انه بعيد مره والاجازه تكون يوم او يومين
ام سعود : يوووووه بعيد عن اهله امه وابوه واخوانه وخواته تلقونه مشتاقق
رهف : اكيد بيشتاق انا مقدر على بعدكم
ضحكت ترف واهي تنغزها : الله يخليك لنا
رهف : تتوقعون وصلو العيال ؟
ابو سعود : لا هذاهم ورانا يلا ذا البيت
نزلو وقعد مشاري يحارش رهف ورهف تروح تدف سعود وسعود ينزل العفش وترف تتزين دايم تخلص اخر وحده قال ابو سعود بحده : عيب عليكم ان ماهجدتو خليت العقال على ظهوركم
الا سياره جايه ورهف كانت بالمقدمه ابو سعود يهاوش واهي تمشي بخفيف تبي تدخل والسياره ذي وقفت بسرعه لدرجة انها بغت تصدم رهف ورهف طاحت نزل من السياره : والله معليش ما انتبهت لك وانا اخوك وانتي تمشين بنص الطريق
قامت رهف رفعت راسها واهي معصبه : ماتشوفففف يعنييي كل ذا وماشفته
تكلم بعصبيه وبهدوء : احد يمشي بنص الشارع ؟
جا سعود يركض : رهف انتي بخير ؟ جاك شي ؟
رهف : لا لا بس غبرت
قام سعود وبعصبيه : ماتشوفف انت كان دعستها ابرك ولا شرا
رفع راسه بيرد عليه وعم الصمت بينهم كان ايهم وقعدو يناظرون بعض لمدة خمس ثواني ورهف طايحه تناظرهم بحكم انها ماتتذكر ملامحه صرخ سعود وايهم وقعدو يخمون بعض ويسلمون وكل من ابو سعود ومشاري وام سعود ساكتين ومخروشين وابو سعود معصب وماسك نفسه ماكان يدري انه ايهم الا لما قرب
ايهم بفرح : عمممييييي
ابو سعود : ياااهلللللاااا ومرحبا بولدي بادله الحضن والسلام والاصوات كانت مسموعه طلعو العيال يركضون جا تركي ياعيال شفيكم تصارخون ويوم شاف ايهم حضنو بعض بأقوى ماعندهم والدموع والضحك ودخلو والصراخ ينعاد والدموع كلل هذا وإرم فوق تتجهز سمعت الصراخ بس تحسبه عادي عمها جا وصراخ العاده بس ذا الصراخ كان اقوى استغربت وكانو عيال ابو سعود وبناته بمجلس ثاني عشان ياخذون راحتهم البنات والعيال ويسلمون عليه ونزلت ودخلت عليهم وانبهرت امها تبكي واختها تبكي والعيال فرحانين ماتدري شسالفه وقالت بصوت عالي لدرجة الي بالمجلس الثاني سمعوها : هييييه خير ان شاء الله شسالفه وش ذا الدموع وش ذا الصراخ وش ذا الضحك
كان ايهم قاعد بس اهي ما انتبهت له
نواف : قلنا انك فاهيه بس ترا ماتوصل ماتشوف العرض ولا الطول
استغربت ورجمت عليه اقرب شي حصلته
وفيه يد مسكتها ولفت واهي مستغربه من اليد ورفعت راسها تطالع وكان ايهم ماسوت ردة فعل قعدت ساكته وتناظره وكلهم ساكتين بعدين سحبت يدها بقوه منه : ايهم ؟
ايهم بتردد : ايه إرم وشفيك نسيتيني
خافو كلهم من ردة فعلها وبالذات ابو ايهم قعد يطالع واهو ساااااااكت
طاحت على الارض ورجعت قامت وصرخت وحضنتها بقوووووووه وكانت تبكي تبكي زي البزر الي اخذو منه شي ومارجعوه الا بعدين وبادلها الحضن وقالها : خلاص دامني جنبك ليه تبكين
ضحكت : والله معليش بس صدمتني مره اففففف اشتقت لك
ايهم واهو يناظرهم كلهم : وانا اشتقت لكم كلكم اشتقت للمه وجمعتنا وضحكنا وهوشاتنا
رجعت ام ايهم تبكي راح ايهم وحب راسها بكل حب وراح لابوه وسوا نفس الحركه : والله ياكثر سعادتي وانا معكم الحين بس ياليت ماتبكون لانه يوم حلو بالنسبه لي
كان كل واحد يقول الابتسامه الاقوى عندي من الوناسه
ابو ايهم : يلا ياعيال خلينا ابو سعود وبناته وعياله لحالهم يلا قومو نوجبهم
تذكر ايهم الي صار مسك إرم : اسمعي تذكرين رهف ؟
إرم بضحك : مفروض انا الي اقولك تذكرها ليه وش صار
ايهم واهو يتذكر : بغيت اصدمها قبل شوي من الوناسه
إرم بصدمه : وشوووو
ايهم : ماصار لها شي بس اسأليها بدون ماتعرف وطمنيني
إرم : ابشر
ابو ايهم : يلا وانا ابوك
دخلو وقتها البنات واخر وحده فيهم رهف وكانت متفشللللله منه ورفعت راسها شافته والتقت عيونهم ببعض للمره الاولى مرو من جنب بعض وراح ايهم ورهف تتحيسب عليه وعلى سواقته
ترف ميته ضحك وراحت تقول لسديم وإرم السالفه بعد ماسلمو
رهف واهي تفصخ عبايتها : لحول نقالة العلوم ترا ما امدانا نقعد
إرم : الا بسألكم بحكم ان بيتكم جنب بيتنا كيف جايين بسياره
رهف : ابوي راح يجيب اشياء واخذنا كلنا معه وقسم الشغل بينه وبين العيال
إرم : ليتك جيتيني وساعدتينا انكرفنا كرررف من ابوي
رهف بضحك : يوووه انا انكرفت وانا ببيتنا كان جيتي وقلتي لي
إرم بضحك : عاد نسيت المره الجايه

عند العيال قاعدين وعيال الديره عرفو بجية ايهم وكل شوي جاي واحد يسلم ويرحب فيه
سعود بشووق لسوالفه ولقعدته مع ايهم : يوووه يارجال اشتقنا
ايهم بنفس الشوق واكثر بعد : والله وانا اشتقت بعد بالذات للمه حقتناا
مشاري : ياعيال اليووووم نقضيها سهره موب طبيعيه كذا ولا كذا كلنا بننام ببيت عمي صح ولا
ايهم بحماس : يلا ياعيال ونطلع السطح بالفجر ونتأمل الديره يوووه عاد مشتاق
سعود واهو متحمس من حماس العيال : انتو بس قولو يلا وانا معكم
جا العشاء والعيال يدخلون الذبايح وايهم كان مبسوووووووط ماغير يناظر اهله وضحكتهم ولمتهم وهواش عيال عمه وعمته
جا خالد : ياعيال قومو عاونوني دخلت صحنين دوركم
تركي بطقطقه : كان كملت
سعود واهو يكمل مع تركي : صادق ترا تعبت نفسك على الصحنين
فصخ عقاله وقام يلاحقهم واحد واحد واهو صدق تعب ومايقدر يدخله عند الحريم

عند البنات بالمطبخ كانت نوره تحارش رهف : رهف انتي مشنتره زياده ولا انا طلنا زياده
رهف واهي متنرفزه منها : ترا مايضحك تعالي ساعديني تعبت عيا يشتغل
سديم وترف واهم ميتين ضحك عليهم : اصبري يمكن مافيه غاز
رهف بعصبيه : كيف تبون نصلح الشاههيي طيب !!!
نوره واهي ميته ضحك على عصبيتها : موب لازم
رهف بحده : انطمو بجيب فزعه اطلعو بجيب اخواني يركبون غاز
طلعو ومابقى الا رهف ونوره رهف : اسمعي انتضريني هنا بنادي العيال من الباب
كانو ايهم وسعود جايبين صحون العشاء وسمعو رهف تنادي
سعود باستغراب : شعندها ذي
ايهم : مين ذي ؟
سعود : رهف تنادي
وصلو للباب
سعود : شعندك تصايحين ؟
رهف بوناسه : يالمنقذذذذ معك احد ؟
سعود : ايه معي ايهم لاتطلعين
رهف : اسمع ابي اسوي شاهي والنار مو راضيه تشتغل تعبت والبنات ماغير يطقطقون مايساعدون تعال ساعدني
سعود : البسي عبايتك وتعالي وطلعيهم بندخل
راحت لنوره الي سمعت كل شي ونفذت
دخلو ايهم وسعود يشوفون ليه مايشتغل وجت رهف
سعود : غريبه مايشتغل
ايهم : يمكن مافيه غاز
رهف واهي متوزيه ورا اخوها : اخلصو تأخرت على الناس
سعود يوم انتبه ضحك : الحين العشاء وش شاهي له ؟
ايهم ضحك
رهف بفشله : لا اهم بيروحون يتعشون وبجهز لهم الشاهي والنعناع على مايخلصون ويصير كل شي جاهز
سعود بفخر : كفو اختي السنعه بس كلي ماعليك من الناس
رهف : انا باكل بعدين مع البنات
ايهم : اسمع يلا بجيب غاز وخلها تجهز الشاهي عشان مايبقى بس الا تحطه على النار
بدو الشغل لأن رهف قاعده تستعجلهم
رهف : ياعيال يلا لاتتأخرون عن العشاء
سعود : يابنتي ترا مايطول بس لجيتينا اسكتي
سكتت رهف لمدة عشر ثواني ورجعت تتكلم : سكت شوي
ضحكو ايهم وسعود وخلصو ما انتبهو ان الغاز الي حطوه ينسم جو بيطلعون واهم واقفين عند الباب وقف ايهم سعود وقال : ياولد فيه صوت موطبيعي
سعود باستغراب : وش قصدك يعني
جت رهف بتشب النار واستوعب ايهم ان الصوت من الغاز نفسه واهي ماتدري شسالفه شغلت الكبريت وصرخ ايهم انها تبتعد عنه بسرعه استغربت وكانت موقفه تناظره نفس استغراب سعود وراح لها يركض وسحبها وانفجر الغاز
انفجاره ماكان ضعيف ابداً طارو ايهم ورهف وسعود طلع برا وبيموت لازم يدور اخته كان مصدوم وخايف وماسك راسه جو العيال يركضون وشافو وجه سعود وخافو يكلمونه مايرد
اما عند رهف قالها ايهم بخوف : انتي بخير ؟
ماردت واغمى عليها