الخذلان و السراب

بارت 19

الخذلان و السراب
متابعة +تصويت +تعليق بين الفقرات حلو مثلكم
الكاتبة زينب الطائي

صبح يشبه صبح ردهات الإنعاش
ولا طعم صباح الخير ينعاش
باهت يبدي يومه بلا تفاصيل
الخلص ليله يتكلب بل فراش.
....

عمري اعتذر البارت القبله جان قليل 1000 كلمه اني دائما اكتب 1500 بس جنت مريضة وعلى مود التنزيل مرات انزل بين يوم ويوم ومرات كل يومين حسب وقتي ودراستي

......
لا فدوة احجي غيرها تعبت كلش واني حامله بيها اتحملت كلشي على مودها ولك باهر كلها صوجك اذا ماتت بنتي انت السبب خل دعاء اتفيدك ولك اخخخخ ربي ما ضل بي صبر فقدت اهنا ما اعرف شنو احجي تعبت غمضت عيوني فزيت على الممرضة جاي اشدلي مغذي وما اعرف شنو من ابرة خلت بي وصعدتني على سديت الولادة وبده الوجع

يلا ماما صيحي يالله بنيتي عفية

_ دكتورة ابوس ايدج ما اكدر بعد اخخخخخخ

يلا خلصنا هذا راسه طلع

_ اخخ يا علييييييييييي طلع الطفل الألم كله اختفى
جان عندي امل بس اسمع صوته بس اول صدمه طلع ميت وثاني صدمه طلع ولد اجت خلته على صدري نزلت دموعي بسته براسة وليدي يا بعد كلبي ما شبعت منك ولا سمعت صوتك ليش هيج بوية تمنيت تكبر واتصير الي سند تاليتها صرت طير من طيور الجنه غمضت عيوني بعدها ما حسيت بشي غير صوت ونين باذاني وصورة بيضة كلها كدامي فزيت على ضربات وجهي واسمع يكولون المريضة غمي عليها جيبو ماي اني جاي اسمع شنو يحجون بس ما اكدر اتحرك ذبو ماي على وجهي فزيت باوعت شفت اهلي فوك راسي يحجون معايه بس اني ما الي طاقة احجي باوعت  اشرت لابوية بعيوني اجاني

محمد: ها يا روح ابوج وعيونه ونظرها كولي انتي

_ الكلام بالكوه يطلع مني اريد ارجع معاكم ما اروح بيت عيالي

_ تمام حبيبتي تمام ارتاحي لا تهتمين

_ اجت الممرضة كالت اذا اتحبون طلعون المريضة عادي اجا بابا لزمني وكال يلا بنيتي شدي حيلج خليج قوية رجعت لبيت اهلي بس صافنه احس اكو شي عل صدري مخنوكه ضليت لا احجي ولا اكل ضليت على هاي الحاله ٦ أشهر الموت أهون عليه إلى حد ما اهلي حجزو لي عند طبيب نفسي خافو عليه
كاعده بالاستراحة انتضر اسمي
سيلين محمد

_ نعم

_ الدكتور منتضرج

_ دكيت الباب وفتت السلام عليكم

_ د مهدي. وعليكم السلام اتفضلي كعدي هنا

_ اشرلي على كرسي كدامه كعدت باوعت بهدوء

_ اي سيلين احجي الي شنو مشكلتج

_ ما عندي اي مشكله

_ تمام تكدرين تنامين على هاي السديه