الخذلان و السراب

بارت10

الخذلان و السراب
متابعة +تصويت +تعليق بين الفقرات حلو مثلكم
الكاتبة زينب الطائي

...

أفعالك الأخيرة
جعلتني اعلم إني لم اكن لك
شيئا منذ البداية

......

ماما الطفل كلش نبضة قليل

يعني ما طاح بعده موجود

ايي موجود وراح انطيج مثبتات ماكو شغل و ثكل ورجال ممنوع يتقربلج

تمام ، كتبت العلاج اخذت الراجيته و طلعت
وسولفت كل الحجي لهيام

وصلت البيت بدون لا سلام ولا كلام كبل طلعت على غرفتي نظفتها كله وكملت كلشي للضهر اندفع باب غرفتي دخلت موج و وجهة ما يتفسر ها خير شكو

_ انتي صدك حامل صح الخبر السمعته من امي

_ وانتي شكو حامل و الا ما حامل شنو يهمج

_ نزلي الطفل ماله ذنب يعيش مشلوع الكلب و انتي و ابو ما متفهمين من البدايه

_ بابا شعليج انتي لا ابكلشي حاشره روحج

_ رجلج ما يحبج و جبرو عليج و هو اصلا ما مهتم لج

_ ميخالف اني راضيه

_ ترا ما جاي اشاقيج شنو انتي راضيه بابا اصحي رجلج ما يحبج جاي اكلج

_ باوعي لا تسوين نفسج اتريدين مصلحتي و انتي اساس المشاكل من جوا راسج

_ تستاهلين خليتي اخوي يتغير علية ، الله يعلم شنو حاجية ابراسة

_ هههه ولج والله من اتزوجج واني ما سمعت منكم كلمه طيبة

_ اي ما يحجون كدامج بس من وراج يحجون غير شكل سيلين اكله اطيب من اكلج سيلين تنظيفه اضبط من تنظيفج و مضبوط سيلين نضيفة و مرتبة و ريحتها طيبه

_ يعني هاي انتي تاخذين عطوري و اتكسريها
مووو

_ اي اني اضوج منج و اصلا احنا ما انفيدج

_ ايي راح اروح و خليج انتي ام البيت ، وهاا قللي غيرتج لا بعدين تنجلطين
وهااا رغم اني اصغر منج بالعمر بس اكبر منج بالعقل لان تصرفاتج مال اطفال لو اجيتي عليه و كلتيلي علميني جان علمتج بس يلا ما مقسوملج

_ لتسوين نفسج طيبة و مسكينة

_ لا و داعتج ما اسوي نفسي لا طيبة ولا شي
وانصحج لا تغلطين كدامي لان اذيج و بطلي خباثة وياي تمام ، على صوت صياحنا
دخل باهر هاييي شكووو صوتكم واصل لي جوا