الرحمة 2 MERHAMET

PART 33

صلاحي تعالجت من يديك وماغانكونش مزيان؟

ريتال: كان خاسك تخاف على هاد الحساب حمد الله لي دابا حي والا كنت نسيفطك مـ ـيت

صلاح: لي جا من عندك زوين هههه

ضحكات وجابت الكرسي تكلس مقابلة معاه فرحات بزاف حيت قدر يحل عينيه ويتوكض شوية، واخا مرة مرة كينعس بلامايحس بحالي كيغيب وهادشي نورمال من كمية الدـم لي فقدو والعملية لي دارت.

*طنجة

وصلات عيانة بزاف لدار كدخل بحال شي شبح بلا روح بكترة العيا، طاحت فوق الناموسية كترد شوية ديال النفس، تقلبات مجنبة دارت تيليفونها فشارج يشعل حيت طفا ورجعات سادا عينيها كترد روح، شوية بداو ادخلو الميساجات بالعرام نهار كامل ماحلات، دخلات عند امال هي اللولة لقاتها مسيفطة لعرام ديال التقدية لي خداو لدهاز نسرين، تبسمات كطلع مامصدقاش بلي بصح رضى دارها وغايتزوج، قطعات معاها ودخلات سيفطات ميساج خفيف لرضى.

"مبروك ماغادير، الله اكمل بالخير انشاء الله، فرحتليك بزاف"

تبسمات كتفكر واخا يامها بساط كانو معاه ولكن دخل لقلبها وولا عزيز عندها بزاف، رجعات كتفكر فهاديك لي كانت باستو فالطموبيل وعاودات عليها ختو تنهدات كدوي مع راسها: يمكن تاحد مالقاها كيبغاها.

سدات تيليفونها وبدلات حوايجها باش تنعس تابعها نهار جديد وخدمة جديدة.

*برشلونة

فواحد درب مضيق، بار ريحة الشيشة والكارو خارج منو مزلع، الضو قليل وفينما كاين شي حشايشي مجموع تما وكل واحد مقنت العـاهـ ـرة ديالو، وهالي شاد جوج كل وحدة من جنب، شراب كيتفرق لي كيشوب من الكاس ولي كيشرب من القرعة، بار بلدي من شعبية اسبانيا، دخلات كتقطر الشتا من شعرها جبداتو طويل فالكحل وقوي، حيدات عليها الكبوط كتعلقو سارد، وتحركات داخلة بطالون بوتيو طويييل فالكحل حد ركبة، لابسة دومي-شيرت سماطي سدرها معزول لحمها بيض هابطة سنسلة من عنقها تالفرقة دسدر مرسوم فيها شعار "النسر"، كتمشا دايرة يديها فالشريط لي حد الفخاض مزير على نصها، طايتها مقادة تاغلط، بوط كرشها باين بيرسينغ بجوهر.

دخلات لواحد البيت الخامية ديالها غير عقيق، كيف شافها كحل بالعما ونقز عريان كان كيكوي فواحد العـاهـ ـرة، جبد عليه سروالو لبسو يهرب طلعات رجليها سادا دخلة ودارت شافت فيه بعينيها المكحلين: توتوتو

عضات على شفايفها غامزاه بزربة دوات بالاسبانية: فين غادي؟

بقا كيترعد والعاهـ ـرة لي موراه مافهمات والو لبسات حوايجها وخرجات شافها هو بغا يضربها حنات راسها بزربة خوات ليه وطلعات عطاتو تصرفيقة وحدة بيديها طاح دايخ فوق الناموسية ميلات راسها كتشوف فيه: بغيتي تمشي والفراجة يالاه بدات ماشي حشومة؟