هكي اني ف البدايه قلت متقوليش نحسابك بتتحسني
بالعلاج اللي عطاهولك لكن مدام الحكايه طولت وبدت
الكوابيس تزيد قلت نخليها تحكي اللي تبيه اني اهم
شي عندي صحتك طز ف كلام الناس انت ف النهاية
مظلومه وريك ديما مع الظالم مهما قالوا ومهما تكلموا
رويدة هزت براسها من غير ما تحكي وكأنه الشي يلي
في قلبها ميعبرش عليه الكلام مهما حاولت انها تعبر
مستحيل حد يقدر يفهمه وفجأة انهارت بالبكي لدرجة
انها معاش قدرت تتنفس
زينب:- بسم الله عليك يبنيتي بسم الله بسم الله
وحضنت زينب بنتها وقعدت تهدي فيها وتقرا عليها ف
القرآن وهي تبكي واجعها حالها
هدت رويدة شوية وخداها النوم ناضت زينب من جنبها
وخدت تليفونها وطلعت من الدار واتصلت لكن ب منو؟🤔
_________
علاء مقعمز في العيادة يلملم في أغراضه بيروح لأنه
كمل الحالات اللي عنده بس سرح شوية وهو يذكر في
أول يوم تلاقى فيه مع رويدة وكيف اعجب بيها من
اول نظره وقعد يذكر لما داخت ورفعها ل حوشه وفاق
من سرحته ع صوت رنه تليفونه
علاء:-الوزهير:-ها وين
علاء:-كيف بنطلع م العيادة
زهير:- باهي اليوم عقد قران اسامه بتمشي ولا كيف
علاء:- اوووو نسيته اني هذا بكل
زهير:- هيا سقد روحك اهو بنلبس ونجيك نمشوا مع
بعضعلاء:- تم تم هي نص ساعه بالكتير وتلقاني واتي
ناض علاء روح دخل دوش ولبس وتأنق وكان طالع
ايجنن وقف قدام المراية يبخ في عطره المفضل
وشاف السرير يلي كان عاكس ف المرايه وسرح قعد
يذكر لما داخت رويده وقامها ف حضنه وحطها
عالسرير وكيف كان منضرها وهي راقدة وكالعاده قطع
تفكيره رنة هاتفه قامه بسرعه ورد بخوف
علاء:- ألو
زينب:- اهلين دكتور علاء سامحني ي وليدي اتصلت
بيك من غير وقت الشغل
علاء:- لالا خالتي نتي امتا يعجبك اتصلي ولا يهمك
زينب:- بارك الله فيك ويرحم اميمتك ي وليد
الحلقة التاسعة
Zacznij od początku