قبل مانبدوا نحب نخبركم انها مش حتكون الاخيره
لان مزال في أحداث بتصير واسفه عالتأخير بسبب
ظروف المرض والقراية
الضغط ع زر التصويت مش حيكلفك شي
تصويت + تعليق + بعد ماتكملي ورايك يهمني❤
__________
عند آية
أماني:- م تقوليش خير بلاك انتِ من مبكري وانت تنفخي
آية:- نتصل بعلاء من مبكري م حصلتاش وحتى عالنت
مهناش مشعارفه خيره شن صاير معاه
أماني:-باهي ش المشكله مرات راقد مرات م عنداش
نت خفي عليه شوية وانتِ راقدتيله ف الخط نفس
لاااااا
آية:- اي نخليه علي راحته باش ايدير مايبي وله ساد
الفترة الاخيره منكد وجوه ملخبط
أماني:- يعني ع ساس كان بيدير حاجة خايف منك هو
ولا كان شديتيها جرته معناها م يبيش ايخونك
وبعدين شي طبيعي بيتلخبط الراجل يفكر ف مستقبله
وحياته الجديده اللي ربي يعينه عليها
وبعدين تتكلمي عالخيانه وانتي تكلمي ف تلاته غيره؟
آية:-نكلم اي لكن تعرفيني الوحيد علاء نحبه والباقي
تفويت وقت وخلاص
أماني:- تفويت شنو طيح سعدك وانتِ عرسك بعد
أسبوعين اعقلي 😳
__________
رويده خافت وصكرت شباكها لانها بروحها وخايفه
والريح كانت قوية هلبا
علاء مشي يجري جهة الباب وقعد ايخبط فرحت
رويده تحساب امها جت ومشت جيهة الباب وهي تكر
في روحها كران
رويدة:-مم.. منو اااااه
علاء:-رويده اني علاء خيرك شنو صاير معاك
رويده انصدمت لما سمعت صوته وحست بالأمان رغم
الالم يلي تحس بيه
رويد:- تتكلم بصوت متقطع بسبب الوجع علااااء الحقني بنموت😭😭
علاء:-انت بروحك؟؟؟؟
رويدة:- اي ... مم...ماما طلعت من ساعه ولتوا م جتش
ااااه
علاء:- كيف تطلع ف جو زي ؟هذا وبعدين الطرق توا
كلها مسكرة
رويدة خلاص معش قدرت تتحمل الوجع وقعمزت ع
ركابها وبدت تعيط بقوة
علاء(بخوف):- رويده !!
وبدي يخبط عالباب
علاء:- طق طق طق رويده رويده افتحي
