𝐼 𝑙𝑜𝑠𝑡 𝑚𝑦 𝑚𝑖𝑛𝑑✔︎

-Part 9-

Yes i lost my mind...
Part 9
Final chapter

........................

🚫⚠️️කිසිම අයුරකින් මෙම කතාව උපුටාගැනීම හෝ තවත් තැනක පල කිරීම සපුරා තහනම්. එසේ පලකිරීමට අවශ්ය නම් කරුණාකර මාගෙන් ඒ සදහා අනුමැතිය ලබාගන්න⚠️️🚫

Back to precent

ටේහ්‍යුන් එකපාරටම අමාරුවෙන් උනත් කුස්සියේ බිම ඉදගෙන හිටිය තැනින් නැගිට්ටේ මැන්ශන් එකේ ඉස්සරහා දොරේ බෙල් එක සද්දෙන් නාද උන නිසා.

ඉක්මනට අත් දෙකේ තිබ්බ සබන් සෝදගත්තු ටේහ්‍යුන් එයාගේ ඇගේ තිබ්බ ඒප්‍රන් එකෙන්ම අත් දෙකත් පිහදාගෙන තැලුම් පාරවල් නිසා රිදෙන ඇගත් එක්ක නොන්ඩි ගගහා සාලේ පැත්තට ගියේ මේ වෙලාවේ මැන්ශන් එකට ආවේ කව්ද කියලා බලන්න.

මැන්ශන් එකේ පිටිපස්ස මායිම් වෙලා තිබ්බේ ඝණ කැලෑවකට. ඒ කියන්නෙ මේ ගේ තියෙන්නේ නගර සීමාවක නෙමෙයි. ඒ නිසා ටේහ්‍යුන් දැනගෙන හිටියා මේ ගෙදරට වෙන අය එනවා ගොඩක් අඩුයි කියලා.

ටේහ්‍යුන් දන්න විදිහට එන්න ඉන්නේ ජන්කුක්ම තමයි.

ඒත් දැන් වෙලාව දවල් 12ට විතර ඇති. ජන්කුක් අද උදේ මැන්ශන් එකෙන් ගියෙත් 8:30ට විතර. ජන්කුක් කියන්නේ සාමාන්‍යෙන් නෙමෙයි අසාමාන්‍යෙන් උනත් මේ වෙලාවට මැන්ශන් එකට පය ගහන කෙනෙක් නෙමෙයි. ටේහ්‍යුන්ට වද දෙන්න ගත්තු දවසේ ඉදන් ජන්කුක් මැන්ශන් එකට ආවෙම බිම් කලුවර වැටිලා පැය පහ හයකටත් පස්සෙ.

ටේහ්‍යුන් දොර අරින්න දොරේ හැන්ඩ්ල් එකට අතක් තිබ්බත් එයා එහෙම්මම නැවතුනේ ජන්කුක්ගේ දැඩි අණක් මතක් වෙලා.

ටේහ්‍යුන්ට බෑ එලියේ ඉන්න කෙනා කව්ද කියලා නොදැන එකපාරටම දොර අරින්න. මොකද ජන්කුක්ගේ නීති අනුව ඒක සම්පූර්ණයෙන්ම පටහැනීයි!

ඒත් එලියේ ඉන්නේ නම් මූලග්ගිනි කාරයෙක්ද කොහේද..

බෙල් කරලා කරලා ඇති වෙච්ච ඒ මනුස්සයා දොරට තදින් තට්ටු කරන්න පටන් ගත්තා. ඒක තට්ටු කිරිල්ලක් කියන්නත් බෑ.. ඒ සද්දේ හරියට දොරට කවුරු හරි අතින් කකුලින් ගහනවා වගේ.

"ක්- කව්ද ඔය? "

ටේහ්‍යුන් හීනි කටහඩකින් ඇහුවේ දොරට කන තියාගෙන.