"ကလေး ကိုယ်မင်းကိုအထင်သေးတာမဟုတ်ပါဘူး။မင်းကတကယ်ပဲကလေးမထိန်းဖူးဘူးလေကွာ၊ဒီကလေးတွေကြောင့် မင်းစိတ်ရှုပ်မှာစိုးလို့ပါ။ ကိုယ်ပြောမယ် ကလေးတွေဆိုတာကလေ မျောက်တွေပဲ!အရမ်းဆိုးသွမ်းတဲ့မျောက်တွေ!"
"...."ကလေးသုံးယောက်ကိုရှေ့ထားပြီး အဲလိုကြီးပြောနေတာက နည်းနည်းတရားမလွန်ဘူးလား
"မျောက်ဆိုတဲ့အမျိုးကလေ ကောင်းကျိုးကိုမပေး-"
"ဟင့် ဟစ်"
ရုတ်တရက်ငိုသံထွက်ပေါ်လာခြင်းကြောင့် နတ်ဆိုးဘုရင်ကြီးစကားပြောနေရင်းရပ်တန့်သွားရသလို ချီဟွားလည်းကြောင်အမ်းသွားကာ သူ့ဘေးကိုငုံ့ကြည့်လိုက်မိသည်။ ထိုအခါ အညိုဖျော့ဖျော့အရောင်ဆံနွယ်လေးများကိုပိုင်ဆိုင်ထားသော ချီဟွားရဲ့ဘေးရှိခုံတွင်ထိုင်နေသည့်ကလေးဆီမှဖြစ်နေလေသည်။ ထိုကလေးကချီဟွားကိုမော့ကြည့်လာတဲ့အခါ မျက်ဝန်းဝိုင်းလေးတစ်စုံ၌ ကြီးမားသောမျက်ရည်လုံးကြီးမှာတင်လို့နေလေသည်။
"ဟင့် ကျွန်တော့်ကိုမစွန့်ပစ်ပါနဲ့နော် ကောကော!ကျွန်တော်လိမ်မာတဲ့ကလေးပါ ကောကောကိုလည်းဂရုစိုက်ပေးပါမယ် ဟင့် ဒါကြောင့် အဲလူအိုကြီးရဲ့စကားကိုနားထောင်ပြီး ကျွန်တော့်ကိုမစွန့်ပစ်လိုက်ပါနဲ့..ဟင့်ဟင့်!!"
ထိုကလေးကချီဟွား၏ဝတ်ရုံကိုလက်ကလေးများဖြင့်တင်းတင်းကျပ်ကျပ်ဆုတ်ထွေးထားလျက် လုံးဝမလွှတ်ပေးတော့ချေ။ ကျန်တဲ့ကလေးနှစ်ယောက်ကလည်း မျက်ဝန်းဝိုင်းလေးများဖြင့် ငိုယိုနေသောထိုကလေးကိုကြည့်နေပြီးနောက် ရုတ်တရက် ရွှေအိုရောင်ဆံနွယ်များပိုင်ဆိုင်ထားသည့်ကလေးလေးက အော်ဟစ်ကာ ငိုယိုလာတော့သည်။ ဒါပေမဲ့ ထိုကလေး၏မျက်ဝန်းတစ်စုံ၌မည်သည်မျက်ရည်မှရှိမနေချေ။
"အူးးဝါးးးး ကျွန်တော်လည်းလမ်းဘေးမနေချင်ဘူး ရှောင်ကောကော!!ကျွန်တော့်ကိုလည်း ဒီရုပ်ဆိုးတဲ့လူအိုကြီးစကားကိုနားထောင်ပြီး စွန့်ပစ်ဖို့မလုပ်ပါနဲ့..ဟစ် ဟစ်!!"
ထိုကလေးကထိုင်ခုံမှဆင်းလာလျက် ချီဟွားရဲ့အနောက်မှာဝင်ရပ်ကာ ချီဟွား၏ဝတ်ရုံကိုတင်းကျပ်စွာဆုတ်ကိုင်လာတော့သည်။ အနီရောင်ဆံနွယ်လေးများပိုင်ဆိုင်ထားသော တတိယမြှောက်ကလေးကတော့ အရှေ့ကနှစ်ယောက်လိုမျိုး ငိုယိုဖို့ပြင်လိုက်ပေမဲ့ ဘာမျက်ရည်မှထွက်ကျမလာတာကြောင့် သူကချီဟွား၏လက်ဝတ်စုံစလေးကိုသာ လက်ကလေးနှစ်ဖက်ဖြင့်ဆုတ်ကိုင်လိုက်ပြီး ချီဟွားကိုမော့ကြည့်ကာ သနားစဖွယ်လေသံလေးဖြင့်ပြောသည်။
YOU ARE READING
⚠I Became The 4th Male Lead⚠(Complete✔)
Romancestarted date -11.2.2023 end date -31.7.2023 ⚠WARNING:3some,4some,adult,smut. all Possessive seme manly uke/tall uke genres:Harem,Romance,incest,Boylove, Transmigration. ((Photo Credit To Original Artist. ))
[ E X T R A - 2 ]
Start from the beginning
