" أتولي مزيان ماتخافش، أنا مـعاك "
صبح الصباح فدار الورياغلي فايقين كيفطرو وكلثوم تشوشات على بنتها وماشادش ليها الريزو كالسة حدا نونو وكتعيط .
نونو : لا تكون بايتة مع شي صاحبتها
كلثوم : امـّي الله اهديك فين عند ريتال شي صاحبتها نتي عاوتاني ( شداتها العلبة الصوتية ) هانتي ثاني االبواط ڤوكال
جات رحمة كلسات وميمونة كتحط فالطبلة : ماتكونش رجعات راك عارفاها كيجيوها حالات فالسبيطار
مراد : صباح الخير (مشا سلم على ختو يالاه شافها) كيبقيتي مزيان انس، يونس لاباس عليهوم ؟
كلثوم : لاباس اخويا واللهيلا لقيتيني مشوشة مع ريتال
مراد : راه البارح واحد الدري من عندنا تضرب فضهرو وهي لي تكلفات بيه داوه لكلينيك فرباط، اتكون دابا يالاه وصلوه مشغولة معاه تسالي وتصوني ليك
كلثوم : اه ايوا لاباس ( عاد جلسات مرتاحة )
نزل طه سلم عليها شرب دواه وكلس معاهوم، تجمعو كاملين فالفطور غير سميرة لي غايبة، كلثوم كل دقيقة تشوف فايمان عزات عليها الضرابي شوية بداو يمشيو ولكن شافت فيها راسها هادي شحال ضرها خاطرها وماقدات تاتكمل ماكلتها
سالاو الفطور طلع لبيتو لبس عليه خرج شاف فبابها تنهد كيالعادة غاتفيق تالنص نهار ولكن عاذرها مانعساتش مزيان، مشا لعندها لقاها يالاه كيف خرجات من الحمام : صباح الخير
تبسمات كتشوف فوجهو جامعة شعرها ديل وحناكها منفوخين بالنعاس: صبـــاح النور
طه : صبحتي مزيان ؟
ضربات برجليها كتنقز بشوية تاوصلات ليه ضاحكة: شربت من يديك الدوا ومابغيتينيش نكون مزيان ؟
ESTÁS LEYENDO
الرحمة 2 MERHAMET
Romanceبين الحياة والموت .. الحق والباطل .. الابيض والاسود .. الاستقامة والاعوجاج .. الخير والشر .. القسوة واللين .. خيط رفيع اسمه " طـَـه الوريـــاغلي " قصة الجيل الثاني منفصلة عن الجيل الاول تحذير قصة جريئة.
PART 32
Comenzar desde el principio
