الرحمة 2 MERHAMET

PART 18

حس على صبعها وقف وترخات بين يديه، حل عينيه وبعد راسو بشوية رجع كيشوف فيها ميلة على المخدة وسادا عينيها، بقا شحال كيـشوف فيها بكالم : هدية الله

* طنجة

فاقت بكري جمعات الكتوبة فمحفاضتها، وتحركات تمشي لافاك شدات الطوبيس تاوصلات ودخلات للمحاضرة ديالها، شوية بشوية كتفهم بحكم كتقرا بزاف فدار وكتزير على راسها باش تقدر تفهم، واخا كتحتاج بعد المرات لي يشرحليها كتبغي دخل غير لليوتوب ولكن والو الكونيكسيون وتاباش تشارجي ماعندهاش، داكشي باش كتبقا تقلب غير على شي حاجة مكتوبة من زيرو فايس ضبر بيها، كاتبقا ليها المحاضرات هو الحل الوحيد .

سالات تالشي وقت مع خرجات لقات امال كاتسناها بليبا موس وفليضة حد الفخاض بوط قصير طالون وكبوط غليض بالريش فالكحل، جامعة شعرها كوكة : حووبيي

تبسمات غيثة تقدمات ليها : مرة وحدة صدميني واجي عادية

امال : نوو مايمكنش منقدرش ياختي ( شدات فيها ) اجي اجي معايا لبيفيت عندي واحد الكراش عاجبني تشوفيه

غيثة : واش ماكاتقرايش غاقولي

امال : ههه وصاحبتي راه قتليك دايرة لافاك غاحيت ماعندي مايدار راه كنحفض للجامعة لي دافعة ليها ففرنسا ولكن ماقبلونيش هاد السوميستر دعي معايا يقبلوني فنص العام باش بعدا مايمشيش ليا العام كولو

غيثة : انشاء الله ربي يديرليك لي فيها الخير

امال : ( كيتمشاو ) ايوا اختي الي بقيت غير من ليكافي المعهد الموسيقى لاصال سبور غانقنط، اللهم بعدا لافاك كنفوح شوية ومرة مرة يبانلي شي تيتيز نسقي عويناتي

تبسمات بشوية: حمقة

كلسو فالبيفي اغلبية غير امال لي كتدوي غيثة باقا كتفكر فدروسها وكيغادير ليهوم، تاسالاو ناضو يتمشاو تادوات امال : اش بانليك تمشي معايا تخدمي دروسك عندي فدار

غيثة : لا بلاش ماشي موشكيل اصلا عندي الخدمة فالعشية مانلحقش

امال : منيتك انا نوصلك غي زيدي الويفي عندي تما خودي راحتك

بقات شحال وهي كتفكر : واخا

طارت فسما : اييييييييي اففف خاس شي نهار نديرو بيجامة ناااايت ( جبدات تيليفونها ) غانكوموندي الماكلة من برا اصلا ماما ماكايناش

ضحكات عليها مع خرجو الباب دلافاك وهي تجبد امال الكونطاكط شعلات طموبيل بداو الزيجان كيتحلو ميرسديس كحلة جديدة اخر ماكاين، غيثة حلات فمها : ديالمن هادي ثاني