ဆည်းဆာရိပ်လမ်းသွယ် || ဘာသာပြန် || 『Completed』

Chapter - 24

Safe House အနီးတွင် ကားမတော်တဆဖြစ်ပွားသည့်ထင်၊ တစ်လမ်းလုံး ပိတ်နေခဲ့​၏။

ခဏစောင့်ပြီးသည့်တိုင် လမ်းက ပိတ်မြဲပိတ်လျက်ပေမို့ ကျန်းကျွယ်သည် ချန်ပေါ်ချောင့်အား ကားရပ်ဖို့ပြောကာ မိမိဘာသာ ထွက်လာလိုက်တော့သည်။အပေါ်တက်၍ ငွေသားယူပြီးနောက် ကျန်းကျွယ်ဟာ ဆေးခန်းလေးတစ်ခုကို ဖြတ်သွားရသည်။ သူ တုံ့ခနဲ့ဖြစ်သွားပြီး ခဏမျှ တွေးလိုက်၍ အထဲဝင်သွားလိုက်​၏။ လေအေးပေးစက်နှင့် ထိုင်းဆေးရနံ့တို့က သူ့မျက်နှာထံသို့ တိုးဝင်လာသည်။

မှန်ကောင်တာပေါ်တွင် ထိုင်နေသော ဝန်ထမ်းက သူ့ဖုန်းကို ကြည့်နေလျက်။ ကျန်းကျွယ်က ကောင်တာဆီသို့ လျှောက်လာ၍ မှန်ကို အသာခေါက်လိုက်ပါမှ သူက သူ့နားကြပ်ကို ချွတ်၍ ခေါင်းမော့လာခဲ့​၏။ ကျန်းကျွယ်အားမြင်လျှင် ဝန်ထမ်းမှာ ခေတ္တမျှကြောင်သွားပြီး နောက်နားကြပ်တစ်ဖက်ကိုပါ ချွတ်ကာ ညင်သာစွာပြုံးပြလာခဲ့သည်။ ထို့နောက် ကျန်းကျွယ်ကို ထိုင်းလို မေးမြန်းလာတော့​၏။

ကျန်းကျွယ်မှာနားမလည်သော်လည်း သူ ဘာလိုချင်သလဲဟု မေးနေမှန်း ခန့်မှန်းနိုင်လိုက်သည်။ ထို့ကြောင့် သူ အင်္ဂလိပ်လို မေးလိုက်​၏ : " သန္ဓေတားဆေးရှိလား ? "

ဝန်ထမ်းမှာ အံ့ဩသွားသဖြင့် ကျန်းကျွယ်လဲ ဖြည်းဖြည်းချင်း ပြန်ပြောလိုက်သည်။ ထိုအခါမှ ဝန်ထမ်းသည် တုံ့ပြန်လာ၍ကျန်းကျွယ်အား မည်သည့်တစ်ခုကို လိုချင်သလဲဟု မေးမြန်းလာသည်။ ရေရှည်လား၊ရေတိုလား ၊ စျေးကြီးတာလား ၊စျေးပေါတာလား စသည်ဖြင့်။

" ရေတိုအာနိသင်ရှိမဲ့ဟာ " ကျန်းကျွယ် လိုရင်းတိုရှင်းသာဆိုလိုက်သည်။ " စျေးကြီးပြီး "

" မြောက်အမေရိကက သွင်းကုန်ဆေးပါ။ "

ဝန်ထမ်းက ကျန်းကျွယ်အား စျေးအကြီးဆုံးဖြစ်သည့် ဘူးကို ထုတ်ပေးလိုက်ပြီး : " ဒါပေမယ့် ရေတိုတွေက ရေရှည်ထက်ဘေးထွက်ဆိုးကျိုး ပိုဖြစ်ပါတယ် "

ဆေးဘူး​၏ ပုံစံမှာ အင်္ဂလိပ်လို " Freedom " နှင့် " Passion " ဟူသော စာလုံးပြာကြီးများဖြင့် အလွန်ပုံပြီးချဲ့ထားလေသည်။ထို့အပြင် စာလုံးသေးများက " ဤပစ္စည်းသည် အမှတ်အသားပြုခြင်းနှင့် နှောင်ဖွဲ့ခြင်းမှ ဖြစ်ပေါ်လာစေသောကိုယ်ဝန်ရနိုင်ခြေအား လျှော့ချပေးနိုင်သည် " ဟူ၍လည်း မိတ်ဆက်ထားသေးသည်။