عوض ما بعد الفقدان

part(13)

راح أصبر بدونك وأرهم بلياك وأذبح رمش عيني الجان يبجيلك وأتحمل عذابك والبعد والشّوك وما حط صورتك كدّامي وأشكيلك ما أكلّك نسيتك بس جرح بالرّوح يكسر واهسي وما يقبل أمشيلك 🖤؛
»»»»»»»»»»»»»»»»»»»»»»»»»»»»»»»»»»»
حساباتي
hmut9_ انستا
@hm9m_12 تلي
الكاتبه:: منـار غسان
»»»»»»»»»»»»»»»»»»»»»»»»»»»»»»»»»»»

رهف: افكر بامي الي عافتنا وراحت مادري وين عافتني بعمر 5 اسنين لو افكر بدره الي جانت تخاف علينا  وصارت ام النا حياتنا عباره عن عذاب ادرس وافكر واشتغل صرت مثل دره اخاف عل لجين تسويلها شي عيني بدا شويه يروح الوجع بس بقى الاثر بيها..

لجين: شلون صارت عينج بعدها توجعج.

رهف: زينه الحمدلله شلت الشاش عيوني زينه بس الاثر ماحلو كلش مخرب عيني بس حمدت ربي ورضيت بقسمتي.

لجين: عيونج حلوه حتى لو بيها اثر.

رهف: هههه لاتجذبين عليه  ادري بيها ماحلوه.

لجين: هههه لا والله ماجذب صارت احلى عين وعين متت هههههههه..

رهف: هاي تعيبين عليه اني الج حقيره ضربتها ونشاقه اني وياها تعبت وبدت ادرس جان كل همي الدراسه احبها هوواي  قربت متحانات اخير السنه وبديت اراجع المواد..

كرار: وين رهف شلون صارت عينها.

ميسون: زينه عتدرس مابيها شي.

كرار: سيف روح صيح لختك رهف.

سيف: تمام بابا. رهف ابوي يريدج تعالي.

رهف: تمام هسا اجي.. نزلت ها ابويه رايد شي.

كرار: شلون صارت عينج بنتي ماصارت زينه شويه.

رهف: الحمدلله زينه بس الاثر بقه بيها خرب شكل عيني.

كرار: ميخالف بويه الاثر يروح هاج هاي 5 الاف عل سلامتج..

رهف: لا يابه ماريد.

ميسون: اخذيها هاي عل سلامتج.

كرار: اخذيها بويه لاتستحين من ابوج.

رهف: اخذتها وبست ايده شكرا ربي يحفظك النا.. من رخصتك ابويه اريد اكمل دراسه قربت متحانات اخير السنه وعدراجع المواد.

ميسون: كرار تعبانه من شغل البيت خلي رهف تساعدني ولو عدها متحانات.

كرار: لا هسا ساعدج وبعدين تدرس يلا بابا ساعدي امج.

رهف: من كال امج بس ودي املخ روحي شنو من ام هاي لو تبقى بس هيا عل وجه الارض ماكوللها امي ولا باحلامها ابد.. هزيت راسي موافقه تمام بويه.. رحت وياها للمطبخ.

ميسون: فرحانه تاخذين فلوس جيبي يلا.

رهف: اخذت الفلوس مني غصب عني ودفعتني احس شعري يكطع بايدها..