اني تغيرت مو بيدي مجبوره
شفت كلوبهم محد هواني
چنت اتمنى واحد يسأل شبيج؟
والله الوحدي ضليت اعاني
البگلبه حچي وينام مكسور
من يكعد يصير شخص ثاني 🖤؛ "
*****************************
بقلم: منــار غسان
حساباتي
hmut9_ انستا
@hm9m_12 تلي
************************************
رهف: ليش نجبرنا نعيش هاي العيشه من تعب وقهر ومسوليات رجعت للغرفه واني ميته قهر من السمعته من ميسون نار تحترك بداخلي
لجين: شبيج ليش جاي تبجين؟
رهف: مبيه شي يحيلي نامي شعندج كاعده
لجين: جنت نايمه بس من سمعتج تججين كعدت شبيج
رهف: مابيه شي بس شتاقيت الامي هواي حضنتها والخنكه بداخلي
لجين: اني هم كلش مشتاقتلها ومشتاقه الدره هواي اريد اشوفها
رهف: لاتبجين يروحي عود تجي ونشوفها يلا نامي اذا دره شافتج تبجين تزعل منج هواي
لجين: تمام مراح ابجي..
دره: حياتي تغيرت جذريا صح شغل بس متونسه ويا البنات وبسام مايزعلني ابد ودائما كلما اشتاق الاخواتي وابجي يضكني ويغير واهسي صار سبوعين عل زواجنا واني بلشت اتعود عليهم
دره: كعدت الصبح ونزلت يمهم صباح الخير عمه
ام بسام: صباح النور بنتي
دره: هاي الكلمه صارلي سنين واني مسامعتها احس كلبي نفطر، ابتسمت الها
ام بسام: اريدج تساعديني اليوم يجينا خاطر
دره: بعيني عمه تريكنا وبلشت اعزل البيت ونسوي الغده اني وياها متعاونين
ام بسام: ها يمه شلون بسام وياج زين.
دره: الحمدلله عمه زين بس كلش جاي اشتاق الاخواتي مقهوره عليهن لان وحدهن وصغار.
ام بسام: لاتخافين الله وياهم بنتي.
دره: ونعم بالله عمه ليش منو راح يجي علينا؟
ام بسام: عمام بسام..
دره: اي عمه بس اروح ابدل وارجعلج.
ام بسام: روحي بنتي.
دره: بجيت ودمي محترك خايفه كلش عل خواتي مشتاقتلهم هواي وذكرت امي الي ماعرف وين هيا ميته لو عايشه غسلت وجهي والشهكه بروحي غسلت وجهي وبدلت ونزلت ها عمه اجو الخطار
ام بسام: اي حضري الضيافه بنتي وديها الهم.
دره: هزيت راسي موافقه حضرت الضيافه وسلمت عليهم بقينا نسولف شويه مستحيه منهم لان مامتعوده عليهم هواي.
ام بسام: لاتستحين بنتي بعد صرتي من البيت.
دره: ابتسمت الها وبدينا نصب الاكل واجا بسام وابوه وسلمو عل خطار وحضرنا السفره وتغدينا
حمدو باكلي هواي اني جنت فرحانه شلنا السفره والبنات عاونوني بغسل المواعين للعصر وراحو.
YOU ARE READING
عوض ما بعد الفقدان
Mystery / Thrillerآلام الماضي تذكرك أنك الآن أقوى، فما زلت واقفاً، والجرح أصبح مجرد ندبة يذكرك بمدى قوتك.🖤
