الذنــب

ذَنْبّيً ✷_16_✷

               بســــم الله الرحمن الرحيم

# رواية الذَنــبْ

للڪاتبه: زهراء الخيگاني

حبايبي لا تنسون التصويت+التعليق بين الفقرات+متابعه للحساب زهراتي 🌼

بيني وبينڪ..
تهموني..
بمحَبتك.. والله لو يدرون..
بالضيم العليَّ..
ايضل يواسوني..!!
ما يدرون؟!
عايفني بمهَب الريح..
وانا وياڪ.. عِفت المايعوفوني..!!
.
.
.
.
.
.
.
..............
رياحين

واگفه والمي ينزل ؏ جسمي وافكر ب اللي صار..
واللي سويناه..
كملت وطلعت من الحمام بس ما شفته موجود..
مبين طلع..
رحت لبست وعزلت الغرفه..
ونزلت شفت عمه واگفه وتحاچي نيڤين ووجهه اصفر..

رياحين: شبيچ عمه ليش هيچ حالتچ؟

ارياسة: يمه زينب ماكو!!

رياحين: شنووو!!؟

نيڤين: خابرت صديقتهه وگالت ما شافت زينب من طلعت من المحاضره واختفت تگول بس جنطتهه شفتهه وهيه ماكو

رياحين: ياااااا تأكدتوا زين اتصلتوا؟! شفتوا وين خاف رايحه لمكان؟!

نيڤين: لاا زينب حدها البيت للجامعه ولا مره خلصت يومهه بدون ما تتصل وتسأل عن ماما..

ارياسة: يمه يا يمه زينب وينچ ليش تفرفحين گلبييي عليچ يمه..
والكم ما بيه حيلل اخسر واحد منكم كافي اخوج اللي متعبني
انتِ هسه ماكو

ضلت تون وتنعي ؏ زينب..
اخذناهه للغرفه ورحت جبت مي الهه..
حتى تشرب وتهدأ شويه..
بس ما قبلت وضلت تحن وتون ؏ زينب كل احنا حسينا بالخوف عليها..
خاصه نيڤين راحت تبچي وتتصل ؏ امير الحُسين..
طلع يدري وراح حتى يدورون عليهه..
هوَ وعُمر..!!
چانت لحضات عصيبه تمر علينا كلنا..
وخاصه ؏ خاله اللي ما خلت شي بحلگها حتى علاجها ما قبلت تشربه..
صارت الساعه ب 5:00 العصر وماكو خبر عن زينب..
حتى امير الحُسين ما اتصل..
وكل ما نتصل يطلع مشغول..
بهالأثناء دخل حسين بس چان يطوطح ويضحك..
بس شافته عمه..
زادت حالتهه ما نقصت گامت بكل حيلها وراحت ضربته راشدي..
خلته يوگع بالگاع..
وهوَ يباوع عليهه وعيونه حُمر من العصبيه..

ارياسة: تفووو عليك و؏ البطن اللي شالتك يا نذل ما تسوه التعب والربه اللي تعبت واني اربيك عليهن يا خسيس ولك اختك ما نعرف وينهه وانتَ جايني بعد ما شربت سم وما همك بينه..

ما احس اله حسين گايم ودافع عمه..
بكل قوته..!!
ركضنه الهه اني ونيڤين..
هم زين ما واگعه بالگاع..
ضليت صافنه عليه شنو من گلب عنده..!!
وين اكو واحد يدفع امه بهذي الطريقه؟!!!
ما احس اله حسين واگع بالگاع وامير الحُسين گاعد فوگاه ويضرب بيه..
هاي المره عمه ما تدخلت مثل كل مره بالعكس تباوع وتبچي..
حقهه مو هين من تشوف ابن بطنهه هيچ يعاملهه..