الذنــب

ذَنْبّيً ✷_10_✷

              بســـم الله الرحمـــٰن الرحـــيم

# رواية الــذَنِـــبْ

للڪاتبه: زهراء الخيگاني

زهراتي لا تنسون التصويت+التعليق بين الفقرات+متابعه لحسابي 👇

وَ ڪـأنَــكِ أسِــقَيتِ أضـلُعــي
فَـنَبِتَ قَـلبـاً مُــتَيماً بِــڪ.. 🤍❤️‍🩹
.
.
.
.
.
.
...............

رياحين ...

نزلنه الدرج وصارت گبالنه نيڤين..
شعرهه رافعته ڪُبه..
وڪامشه لفه بأيدها والچاي بالأيد الثانيه..
وعين مفتحه وعين مغمضه..
طالعه تضحڪ..

امير الحُسين: ڪم مره گتلچ لا تاڪلين وانتي تمشين روحي اگعدي واڪلي منا لمن تشبعين!!

نيڤين: والله چنت رايحه لغرفتي حتى اغير ملابسي ولازم اتريگ فَ اختصرت الموضوع واخذت ريوگي وياي

رياحين: لعد استعجلي لان راح تتأخرين بعدلچ نص ساعه ويدگ الجرس!!

نيڤين: تمام تمام رايحه..

راحت واني رحت للمطبخ حتى اشرب ماي..
والملعون راح يطلع توست ويخلي مربى..
جزر عليهه خلص وخلاها بصحن..
وراح جاب ڪلاص وسوه حليب..
وعضلاته تتحرڪ وياه بسلاسه..
اشرلي اگعد ؏ الطاوله اللي بالمطبخ..

رياحين: ما اريد اڪل شي لان ما اشتهي

امير الحُسين: محد طلب رأيچ!!

شگد مستفز يربييي..
والله بودي هيچ اخنگه وارتاح منهه..
ضليت واگفه عناد بيهه اريد اشوفه..
وين يوصل..
راح خله الصحن والحليب ؏ الطاوله وباوعلي..

اميرالحُسين: مبين العناد وراثه عندچ!!

خلص ڪلامه و اجه بأتجاهي وشالني من خصري بسهوله!!..

رياحين: يااااااا لڪ نزلني مو انطيتك مجال!!!

امير الحُسين:..بأمر... اڪلي يله

رياحين: گتلك ما اشتهي اڪل الصبح واذا اني جوعانه اروح واڪل

اجيت اگوم وحاوط الڪرسي..
بين اديه منعني من الحرڪه..
وجه قريب وجهي ويحچي بجديه..

امير الحُسين: صدگيني اذا انتي عنيده فَ اني اعند منچ واللي اريده يصير يعني يصير!!

رياحين: مو ڪلشي نريده يصير

امير الحُسين: بس عندي غير.. وهسه اڪلي لو ترديني اوڪلچ بأيدي

غمز اخر ڪلامه..
وگام راح وگف يم الڪاونتر..
وانتچه عليه طلع باڪيت الچگاير..
وشعل چگاره ويحچي وهوه يشغلهه..

امير الحُسين: ما عندي مانع اجي اوڪلچ

زفرت بضيق وگعدت اڪل بهدوء..
تحت انضاره..
ڪملت وشربت الحليب..
ڪله اجيت اشيل الصحون..
واجه قبلي شالهن ونزع ساعته..
وراح يغسلهن اجيت اخذهم من عنده..